ក្រចេះ-ត្បូងឃ្មុំ ៖ ទោះបីជា មានការអះអាងថាឈប់រកស៊ីបទ ល្មើសដឹកជញ្ជូនឈើខុសច្បាប់ ទៅលក់នៅប្រទេសវៀតណាម ក៏ដោយក៏មានសេចក្តីរាយការណ៍ របស់ប្រជាពលរដ្ឋថា ឧកញ៉ា ឆាយ ជ្រាយ មេឈ្មួញរកស៊ីឈើ ដុះស្នឹម រហូតដល់បានងារជា ឧកញ៉ានៅតែបន្តទិញឈើនៅ តំបន់ព្រៃឡង់នាំចេញទៅលក់ នៅប្រទេសវៀតណាមយ៉ាង ត្រជាក់ត្រជុំដោយគ្មានសមត្ថកិច្ចណាហ៊ានប៉ះរោមជើងនោះ ឡើយ ។
មេឈ្មួញឧកញ៉ា ឆាយ ជ្រាយ ដែលល្បីឈ្មោះក្នុងជំនួញ រកស៊ីដឹកជញ្ជូនឈើខុសច្បាប់ នៅស្រុកតំបែ យកទៅលក់ចែក ចាយទៅកាន់ខេត្តព្រៃវែង និង ប្រទេសវៀតណាមបានប្រមូល ទិញឈើពីតំបន់ព្រៃឡង់ ខេត្ត កំពង់ធំ ព្រំប្រទល់ខេត្តក្រចេះ ដឹកជញ្ជូនឆ្លងកាត់ស្រុកព្រែក ប្រសព្វ ហើយឆ្លងតាមកំពង់ដឆ្លូង យកមកគរទុកនៅចំណុចក្រោយ វត្តកំប្រឺស ឋិតក្នុងភូមិកំប្រឺស ឃុំទំញាំងព្រីង ស្រុកតំបែ ខេត្ត ត្បូងឃ្មុំ ព្រៃចម្ការកៅស៊ូរបស់ គាត់ ដើម្បីនាំចេញទៅលក់បន្ត គ្មាននរណាហ៊ានក្អកនោះឡើយ ។
កន្លងមកការដឹកតាមស្រុក ព្រែកប្រសព្វហើយឆ្លងកាត់តាម កំពង់ដឆ្លូង នៅពេលដែលបែក ការណ៍ម្តងៗមេឈ្មួញ ឆាយ ជ្រាយ តែងតែចេះសម្របសម្រួលជា មួយសមត្ថកិច្ចយ៉ាងរលូនហើយ ការដឹកជញ្ចូនតែងតែទទួលបាន ជោគជ័យគ្រប់ពេល ។
មេឈ្មួញ ឆាយ ជ្រាយ បានប្រមូលទិញឈើក្រហម ប្រភេទលេខ ២ មួយចំនួន មាន ច្បាប់អនុញ្ញាតមួយចំនួនទៀត លោតឆ័ត្រ ក្នុងនោះភាគច្រើន បង្កប់ឈើធ្នង់ ដើម្បីដឹកជញ្ជូន ចេញពីចំណុចក្រោយ វត្តកំប្រឺស ឆ្ពោះទៅ ប្រទេសវៀតណាម តាមច្រកទន្លេចាមយ៉ាងរលូន ។ ទោះបីមុខរបរបានធ្វើឱ្យប៉ះពាល់ ដ៏ធ្ងន់ធ្ងរទៅនឹងងារជាឧកញ៉ា ដោយសារការរកស៊ីឈើដោយ មិនស្របច្បាប់ ប៉ុន្តែឧកញ៉ាឆាយ ជ្រាយ នៅតែជាឧកញ៉ាដដែល ព្រោះសមត្ថកិច្ចដែលទទួលបាន លាភសក្ការៈពីឧកញ៉ា ឆាយ ជ្រាយ មិនហ៊ានក្អក ទើបការដឹកជញ្ជូន ឈើមិនដែលមាននរណាហ៊ាន ប៉ះពាល់ ព្រោះសមត្ថកិច្ចមន្ត្រី ជំនាញក្នុងខេត្តត្បូងឃ្មុំនេះងប់ និងប្រភពឆ្នាំងបាយរបស់ឧកញ៉ា ឆាយ ជ្រាយ ដែលចិញ្ចឹមពួកគេ។
ឧកញ៉ា ឆាយ ជ្រាយ ដឹក ជញ្ជូនឈើរាល់ថ្ងៃ ដោយសារ បានចាត់ចែងបង់ប្រាក់ដល់អាជ្ញា ធរសមត្ថកិច្ច និងជំនាញពាក់ព័ន្ធ ក្នុងនោះសូម្បីតែខាងរដ្ឋបាលព្រៃ ឈើ របស់លោក ឆេង គឹមសុន ក៏ត្រូវបានឧកញ៉ា ឆាយ ជ្រាយ អះអាងថា បានចាត់ចែងរួចជា ស្រេចដែរ ៕
