ខេត្តកំពង់ធំ ៖ ព្រៃអង់តែនដែលរាជរដ្ឋាភិបាលកម្ពុជា កាត់ពីក្រសួងកសិកម្មរុក្ខាប្រមាញ់និងនេសាទ ប្រគល់ជូនក្រសួងបរិស្ថាន ជាអ្នកគ្រប់គ្រងការពារនិងអភិរក្សនៅក្នុងតំបន់ព្រៃអង់តែនដែលមានផ្ទៃដីចំនួនជាងមួយម៉ឺនហិចតា នៅភូមិសាស្រ្តឃុំក្រយា ស្រុកសន្ទុក ខេត្តកំពង់ធំ បច្ចុប្បន្នកំពុងរងការកាប់បំផ្លាញព្រៃឈើធ្វើអុសយ៉ាងអាណាធិបតេយ្យ ដោយមានឈ្មួញឈ្មោះ ហេង នៅខេត្តកំពង់ចាម កំពុងតែមមាញឹកប្រមូលទិញអុស ដោយប្រើរូបភាពទិញពីប្រជាពលរដ្ឋនៅក្នុងតំបន់ព្រៃអង់តែន ស្ថិតនៅចំណុចទួលត្បែង ភូមិត្បែង ឃុំបឹងល្វា ស្រុកសន្ទុក ខេត្តកំពង់ធំ ដឹកជញ្ចូនចេញយកទៅលក់ក្នុងមួយយប់មានចំនួនពី4ឡានទៅ6ឡានយីឌុបនិងវេអង់ ដោយបានឆ្លងកាត់ស្នាក់ការបរិស្ថាននិងស្នាក់ការសង្កាត់រដ្ឋបាលព្រៃឈើក្រយាដោយរលូនមិនខ្វល់ខ្វាយបន្តិចសោះ។
ការកាប់ទន្រ្ទានព្រៃអង់តែនជាតំបន់ស្រាវជ្រាវចរន្តទឹកនៅតំបន់ទីជំរាលក្នុងប្រទេសកម្ពុជាអាស៊ីមូសុង ជាគំរោងរបស់ប្រទេសជប៉ុន ត្រូវជនខិលខូចនិងឈ្មួញបំផ្លាញស្ទើតែអស់ទៅហើយដោយពុំមានការបង្ក្រាបនោះឡើយ។
បើតាមពត៌មានពីប្រជាពលរដ្ឋបានរាយការណ៏ថា គេកាប់ឈើមុខ20ជុំទៅ30ជុំជ្រៀក បើមានអ្នកចំឡែកមុខគេផ្អាកសកម្មភាព តែបើមានសមត្ថកិច្ចវិញគេបង់លុយរួចអត់ខ្លាចទេ។
ចំណែកឈ្មោះ ហេង ឈ្មួញប្រមូលទិញអុសបានអះអាងថា លោកមានច្បាប់ដឹកអុស រីឯលោក មុំសុផល នាយផ្នែករដ្ឋបាលព្រៃឈើកំពង់ថ្ម បានបញ្ចាក់តាមទូរសព្ទ័ថា កាត់តាមទៅតាមប្រភេទឡាន បើឡានវេអង លោកកាត់ច្បាប់ត្រឹមតែ30ស្ទែរក្នុងមួយស្ទែរមានចំនួនកន្លះតោន ហើយបើយោងតាមសម្តីមេការលោកហេងឈ្មោះ ធីធុយ បាននិយាយថា គាត់ដឹកមិនក្រោម60តោនទេ លើសជាងពាក់កណ្តាលដើម្បីយកដោះស្រាយសមត្ថកិច្ចជំនាញ មេព្រៃ និងបរិស្ថាន និងជញ្ចីងថ្លឹងទម្ងន់ឡាន។
តាមពត័មានខាងលើ ព្រៃអង់តែនដែលជាព្រៃធម្មជាតិរាប់ម៉ឺនឆ្នាំមកហើយនិងត្រូវរលាយអស់ ដោយសារឈ្មួញប្រមូលទិញអុសដឺកចេញគ្មានស្រាកស្រាន្ត គួបផ្សំមន្ត្រីជំនាញបឹទភ្នែកម្ខាងបើកភ្នែកម្ខាង ចំណែកផ្លូវត្រូវខូចខ្ទេចដោយសាររថយន្តដឹកអុសលើសទម្ងន់៕ (ដោយ តេច ឆេង )
