ខេត្តកំពង់ឆ្នាំង ៖ កាលពីវេលាម៉ោង២រសៀលថ្ងៃទី៣០ ខែមិថុនា ឆ្នាំ២០២០ នៅក្នុងភូមិត្រដក់ពង ឃុំខ្នាឆ្មារ ស្រុកសាមគ្គីមានជ័យ ខេត្តកំពង់ឆ្នាំង មានករណីក្មេងប្រុស២នាក់ ត្រូវជាបងប្អូនជីដូនមួយ បាននាំគ្នាចុះលេងទឺកស្រះ បណ្តាលឲ្យលង់ស្លាប់ ខណៈឪពុកម្តាយមិននៅផ្ទះ យកទៅផ្ញើជាមួយជីតា។
ក្មេងរងគ្រោះទាំង២នាក់នេះ ម្នាក់ឈ្មោះ រស់ សំណាង ភេទប្រុស អាយុ២ឆ្នាំ និងម្នាក់ទៀតឈ្មោះ រស់ សុជាតិ ភេទប្រុស អាយុ២ឆ្នាំ។ ពួកគេទាំង២នាក់ ត្រូវជាបងប្អូនជីដូនមួយ រស់នៅក្នុងភូមិ ឃុំកើតហេតុខាងលើ។
ប្រភពបានឲ្យដឹងទៀតថា មុនពេលកើតហេតុ ឪពុកម្តាយក្មេងប្រុសរងគ្រោះទាំង២នាក់ មិននៅផ្ទះទេដោយបានយកកូនទៅផ្ញើនឹងជីតាឲ្យជួយមើល។ ស្រាប់តែពួកគេនាំគ្នាចុះលេងទឹកស្រះបណ្តាលឲ្យលង់ស្លាប់តែម្តង៕
