ខេត្តកំពង់ធំ ៖ តាមប្រភពពត័មានបានរាយការណ៏ឲ្យដឹងថាដេប៉ូឈើមួយកន្លែងត្រូវបានគេដឹងថា មានច្បាប់ធ្វើអាជីវកម្មត្រឹមត្រូវតែ បែរជាប្រមូលទិញឈើអត់ច្បាប់រាបឆ្នាំមកហើយ ពុំដែលមានការរំខានពីមន្រ្ដីរដ្ឋបាលព្រៃឈើឬអាជ្ញាធរមានសមត្ថកិច្ចម្ដងណាទេ រហូតដំណើរការរកស៊ីយ៉ាងកាកកប ។ ដេប៉ូឈើរកស៊ីមហាកំពូលល្បិចខាងលើមានទីតាំងនៅភូមិថ្នលបែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
តាមប្រភពព័ត៌មានពីមន្រ្ដីឃ្លាំមើលបទល្មើសព្រៃឈើនៅតំបន់នោះខ្សិបប្រាប់ថា ម្ចាស់ដេប៉ូមានឈ្មោះ ជិន គឹមអន ហៅ ចែអូន និងប្ដីឈ្មោះ រ៉យ គឺជាឈ្មួញជើងខ្លាំងប្រចាំខេត្តកំពង់ធំ ល្បីខាងប៉ៅផ្ដាច់មុខទិញឈើគ្មានច្បាប់ពីខេត្តព្រះវិហារ មកទំលាក់នៅដេប៉ូនៅព្រំប្រទល់ នេះជាកំពូលអ្នកឆ្លាតដែលត្រូវបានគេស្គាល់ក្រយៅ ច្បាស់លាស់ គឺបំលែងពីឈើអត់ច្បាបអោយទៅជាឈើមានច្បាប់ត្រឹមត្រូវ រួចលក់ក្នុងតំលៃថ្លៃ បោះតាមដេប៉ូផ្សេងៗទៀតយ៉ាងរលូន។
ប្រភពខាងលើបានឲ្យដឹងទៀតថា នៅខេត្តព្រះវិហារ ឈើស្របច្បាប់ទិញនៅតាមក្រុមហ៊ុនមានព្រៃសម្បទានសេដ្ឋកិច្ចគឺមានតម្លៃខ្ពស់ ទើបម្ចាស់ដេប៉ូមានឈ្មោះ ជិន គឹមអន ហៅ ចែអូន និងប្ដីឈ្មោះ រ៉យ ឈ្មួញជើងខ្លាំងប្រចាំខេត្តកំពង់ធំប្រមូល ទិញឈើគ្មានច្បាប់តម្លៃថោក ពីខេត្តព្រះវិហារដឹកមកចូលដេប៉ូរបសខ្លួន ជាហេតុជំរុញឲ្យប្រជាពលរដ្ឋចូលកាប់ព្រៃនៅតំបន់ហាមឃាត់យ៉ាងសស្រាក់សស្រាំ យកឈើមកលក់ឲ្យមេឈ្មួញទាំងពីររូបក្នុងតម្លៃថោកជាងក្រុមហ៊ុន ទើបពួកគេរកស៊ីអ៊ុនអ៊ាយ៉ាងសំបើមដៃ។
ការរកស៊ីមហាកំពូលល្បិចរបស់ឈ្មួញឈើឈ្មោះ ជិន គឹមអន ហៅ ចែអូន និងប្ដីឈ្មោះ រ៉យ មានច្បាប់ធ្វើអាជីវកម្មត្រឹមត្រូវតែ បែជាប្រមូលទិញឈើអត់ច្បាប់កើតមានគើងជាយូរឆ្នាំមកហើយ តែបែរជាមេព្រៃនិងសមត្ថកិច្ចជំនាញសម្ងំឈឹងទៅវិញ បណ្តាលឲ្យលោក សុខ លូ អភិបាលខេត្តកំពង់ធំ រងការរិះគន់ថាអសមត្ថភាពក្នុងការទប់ស្កាត់និងបង្រ្កាបបទល្មើសព្រៃឈើ តាមបទបញ្ជារបស់សម្តេចតេជោនាយករដ្ឋមន្ត្រី។
អង្គភាពយើងពុំអាចសុំការបំភ្លឺបានឡើយ តែរង់ចាំការពន្យល់ពីគ្រប់ភាគីពាក់ពន្ធ័៕
