ខេត្តរតនៈគិរី ៖ ឈើប្រណិតប្រភេទធ្នង់ដែលមេឈ្មួញរកស៊ីឈើខុសច្បាប់ធំៗ កំពុងតែសំរុកដឹកជញ្ជួនតាមរថយន្តសាំយ៉ុងជាច្រើនគ្រឿងដើម្បីនាំចេញទៅវៀតណាមតាមច្រកអន្តរជាតិអូរយ៉ាដាវចាប់ផ្តើមកក្រើកពេញខេត្តរតនៈគិរី ដោយសាតែមេឈ្មួញដុះស្លែរកស៊ីដឹកឈើដ៍ល្បីប្រចាំក្នុងខេត្តឈ្មោះ ទូច និងប្រពន្ធឈ្មោះ ណាត ដែលជាឈ្មួញរកស៊ីឈើខុសច្បាប់ជើងចាស់នៅក្នុងខេត្តរតនៈគិរី ដែលមិនចេះញញើតច្បាប់ក្នុងការដឹកជញ្ជួនបទល្មើសចេញទៅវៀតណាម ធ្វើអោយមហាជនមានការសង្ស័យថា មានការបើកភ្លើងខៀវពីសំណាក់មន្ត្រីជំនាញនិងមន្ត្រីប្រចាំការតាមច្រកនោះ ដែលមានលោក អ៊ី ចំរើន ជាអ្នកគ្រប់គ្រងប្រកផងដែរ ទើបមេឈ្មួញ១គូរនេះរកស៊ីបំផ្លាញឈើកាក់កបខ្លាំងណាស់។
រយះពេលកន្លងមកដែលឈ្មួញឈ្មោះ ទូច និងប្រពន្ធឈ្មោះ ណាត ដែលធ្លាប់តែល្បីរន្ទឹនៅក្នុងខេត្តរតនៈគិរីនោះរកស៊ីបទល្មើសព្រៃឈើបានដោយរលូន គឹដោយសាតែមានអ្នកសម្របសម្រួលនៅពីក្រោយដែលជាខ្នងបង្អែកនោះដែលធ្វើអោយឈ្មួញទាំងពីរអ្នកប្តីប្រពន្ធរូបនេះដឹកបទល្មើសឈើប្រណិតយ៉ាងគគ្លើនបំផុត នៅតាមដងផ្លូវជាតិលេខ78A ទាំងថ្ងៃទាំងយប់ រហូតដល់មានមន្រ្តីប្រចាំការនៅច្រកអូរយ៉ាដាវអង្គុយសំកុករាប់ក្បាលឡាន និងបើកបារ៉ាស់អោយឈ្មួញនាំបទល្មើសចេញតាមតែអំពើចិត្តយ៉ាងគឃ្លើនទៀតផង ។
បើតាមសេចក្តីរាយការណ៌បានអោយដឹងថា ជាក់ស្តែងដូចជានៅថ្ងៃទី 29 / 09 /រហូតដល់ថ្ងៃ 01 / 10 / 2018 ថ្មីៗនេះថា មានការដឹកជញ្ចូនឈើប្រណិតឆ្លងកាត់ច្រកអូរយ៉ាដាវចេញទៅវៀតណាមយ់ាងរលូន ដែលរយៈពេលកន្លងមក ឈើប្រណិតដែលឈ្មួញដឹកជញ្ជូនតាមរថយន្តសាំយ៉ុងនេះគឺមានប្រភពមកពីកន្លែងផ្សេងៗដែលគេប្រមូលយកមកលាក់ទុកក្នុងឃ្លាំងមួយមិនឆ្ងាយពីបារ៉ាស់នោះទេ ដើម្បីត្រៀមឆក់ឱកាសនាំចេញទៅវៀតណាម
ពាក់ព័ន្ធទៅនិងព័ត៌មានខាងលើនេះ យើងមិនអាចសំការបំភ្លឺពីលោក អ៊ី ចំរើន ដែលជាប្រធានច្រកអូរយ៉ាដាវនោះបានទេ តែស្វាគមន៏រង់ចាំការបំភ្លឺពីគ្រប់ភាគីពាក់ពន្ធ័ជានិច្ច ៕
