ខេត្តពោធិ៍សាត់ ៖ ប្រភពព័ត៌មានពីមន្រ្តីនគរបាលស្រុកតាលោសែនជ័យ ខេត្តពោធិសាត់ នារសៀលថ្ងៃសៅរ៍ ទី២០ ខែមិថុនា ឆ្នាំ២០២០ កន្លងទៅនេះថា បុរសម្នាក់បានស្លាប់បាត់បង់ជីវិតក្នុងករណីហឹង្សា នៅគ្រាដែលក្រុមគ្រួសារសាច់ញាតិព្យាយាមបញ្ជូនទៅសង្រ្គោះ នៅមន្ទីរពេទ្យឯរាជធានីភ្នំពេញ ប៉ុន្តែជាអកុសល់បានស្លាប់នៅតាមផ្លូវម្ដុំខេត្តកំពង់ឆ្នាំង ។
ប្រភពព័ត៌មានពីមន្រ្តីនគរបាលខាងលើបន្តថា ជនរងគ្រោះដែលស្លាប់ឈ្មោះ លៀង សារ៉ន ភេទប្រុស អាយុ៥២ឆ្នាំ ជនជាតិខ្មែរ បច្ចុប្បន្ន រស់នៅភូមិព្រៃកន្ទួត ឃុំតាលោ ស្រុកតាលោសែនជ័យ ខេត្តពោធិ៍សាត់ ក្រោយសមត្ថកិច្ចសហការចុះពិនិត្យខ្លួនប្រាណសពមានស្នាមរបួសត្រង់ថ្ពាល់ក្បែច្រមុះផ្នែកខាងស្ដាំ ១កន្លែង (ដល់ឆ្អឹង) កហើមជាំពណ៏ខៀវជុំវិញ ក្បាលផ្នែកខាងក្រោយស្នាមរបួសស្រុតលលា ការសន្ធិដ្ឋានជាបឋមអាចប៉ះទង្គិចនឹងវត្ថុទាលមានទម្ងន់ និងមុខស្រួច ករណីនេះសមត្ថកិច្ចកំពុងដំណើរការស្រាវជ្រាវស៊ើបអង្កេត ។
គួររំលឹកថា កាលពីរសៀលថ្ងៃទី១៩ ខែមិថុនា ឆ្នាំ២០២០ ជនរងគ្រោះមានការផឹកស៊ីជាមួយឈ្មោះ ង៉ែត ផល្លី ភេទប្រុស ត្រូវជាប្អូនថ្លៃ និងឈ្មោះ សូ ស៊ុ ភេទប្រុស ស្ថិតនៅភូមិជ្រៃក្រឹម ឃុំផ្ទះរុង ស្រុកតាលោសែនជ័យ ។ ក្នុងដំណើរការផឹកស៊ីនោះដែរ ជនរងគ្រោះ លៀង សារ៉ន ប៉ះទង្គិចពាក្យជាមួយប្អូនថ្លៃ ង៉ែត ផល្លី រឿងភ្ជាប់ពាក្យកូន រហូតដល់ម៉ោងប្រមាណ២២យប់ ជនរងគ្រោះ បានជិះម៉ូតូឈប់ក្បែផ្ទះបស់ឈ្មោះ ហៀ រួចដើរកាត់ព្រៃថាទៅយកមាន់ផ្ទះឈ្មោះ យន ប៉ុន្តែអត់មានសត្វមាន់ ក៍ដើរសំដៅមកម៉ូតូជិះត្រឡប់មកកន្លែងផឹកវិញ ខណៈនោះមានជនមិនស្គាល់អតសញ្ញាណវាយប្រហា ស្របគ្នានោះដែរ ប្អូនថ្លៃជនរងគ្រោះ ង៉ែត ផល្លី លឺសម្លេងគេវាយបង ហើយបានប្រាប់ឈ្មោះ ម៉ាប់ ត្រូវជាកូនចុងជនរងគ្រោះ ទើបឈ្មោះ ម៉ាប់ រត់ទៅមើលឃើញគេវាយឪពុកដួលសន្លប់ស្ដូកទៅហើយ ក៍ចាត់ចែងបញ្ជូនទៅសង្រ្គោះភ្លាមៗ ប៉ុន្តែត្រូវបានស្លាប់នៅម្ដុំខេត្តកំពង់ឆ្នាំង ៕