ឯកឧត្តម នាយឧត្តមសេនីយ៍ ប៉ុល សារឿន អគ្គមេបញ្ចាការកងយោធពលខេមរភូមិន្ទ តំណាងឱ្យ ឯកឧត្តមនាយឧត្តមសេនីយ៍ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានដឹក នាំ គណៈប្រត្តិភូ ជាឯកឧត្តម នាយឧត្តមសេនីយ៍ ជាមន្ត្រីយោធាជាន់ខ្ពស់នៃក្រសួងការពារជាតិ ក្នុងដំ ណើរចុះសួរសុខទុក្ខនិងនាំយកអំណោយចែកជួនដល់កងទ័ព សមរភូមិ មុខទិសទី២នៃទិសយោធ ភូមិ ភាគទី៤ ជាការអបអរសាទរក្នុងឱកាសឆ្នាំថ្មីប្រពៃណីជាតិដែលនឹងឈាន ចូលមកដល់នៅថ្ងៃខាងមុខ នេះ ជូនសុខសេរីសួរស្តីថ្មី លើកទឹកចិត្តដល់យោធិន កំពុងឈរជើងការពារបូរណភាពដែនដី នៅខ្សែរ បន្ទាត់ព្រំដែន កម្ពុជា-ថៃ ពិធីសំណេះសំណាលនេះ ត្រូវបានរៀបចំឡើងនៅ ទីបញ្ជាការកងពល តូច ថ្មើរជើងលេខ៤១ នាព្រឹកថ្ងៃទី០២ ខែមេសា ឆ្នាំ២០១៥ ។
ឧត្តមសេនីយ៍ទោ នាង ឃីម មេបញ្ជាការកងពលតូចថ្មើរជើងលេខ៤១ តំណាងឱ្យទិសទី២ បានស្វាគមន៍ និងថ្លែងអំណរគុណចំពោះ ប្រតិភូរ ក្រសួងការពារជាតិ ឆ្លៀតពេលវេលាដ៏មមាញឹកមក សួរ សុខទុក្ខ ដល់ បណ្តាកងឯកភាព សមរភូមិ មុខ ទិសទី២ ក្នុងឱកាសបុណ្យចូលឆ្នាំថ្មីប្រពៃណីយ៍ជាតិ នៅទីបញ្ជាការកងពលតូចថ្មើរជើងលេខ៤១នេះ។
ឧត្តមសេនីយ៍ទោ នាង ឃីម បានលើកឡើងពីសភាពការណ៍នៅតាមខ្សែរ បន្ទាត់ព្រំដែនកម្ពជា-ថៃ មាន សភាព ស្ងប់ស្ងាត់ល្អ ក៏ប៉ុន្តែកងកម្លាំងយោធា នៅតែបន្តការពារ និងត្រៀមខ្លួនជាស្រេច ដើម្បី ឆ្លើយ តបរាល់ ហេតុការណ៍ណាមួយដែលកើតឡើង និងកសាងបន្ថែមនូវ លេណ ដ្ឋាន គ្រប់ប្រភេទ ដើម្បីធានា ការប្រយុទ្ធ ទប់ទល់ការពារទីតាំងរឹងមាំ រួមទាំងហ្វឹកហ្វឺនបំប៉នជំនាញបន្ថែម ជាការបណ្តុះ ធនធានមនុស្ស ផ្នែកវិស័យការពារជាតិ មិនតែប៉ុណ្ណោះកងទ័ពទិសមុខបាន អនុវត្តតាមយុទ្ធសស្ត្រ របស់ រាជរដ្ឋា ភិបាលកម្ពុជា ក្នុងភារកិច្ចកសាងព្រំដែនសន្តិភាព កិច្ចសហ ប្រតិបត្តិការ និងការអភិវឌ្ឍន៍ ដោយបានផ្សាភ្ជាប់កិច្ចទំនាក់ទំនងល្អជាមួយភាគីថៃទៀតផង ។
ក្នុងឱកាសនោះដែរ ឯកឧត្តមនាយឧត្តមសេនីយ៍ ប៉ុល សារឿន មានប្រសាសន៍ ផ្តាំផ្ញើរ សាកសួរ សុខទុក្ខពីសំណាក់សម្តេចតេជោ និងសម្តេចកិត្តិព្រឹទ្ធបណ្ឌិត ជូនដល់នាយទាហាន ពលទាហានកំពុង ឈរជើងនៅសមរភូមិមុខ នៅក្នុងឱកាសពិធីបុណ្យចូលឆ្នាំថ្មីប្រពៃណីជាតិ ជាសណ្ឋានចិត្តពីការនឹក រលឹកជូនពរដល់យុទ្ធជន កំពុងការពារទឹកដីនៅបន្ទាត់ព្រំដែនកម្ពុជា-ថៃ ទាំងយប់ទាំងថ្ងៃ មិនថា ថ្ងៃបុណ្យ ឫសំរាក នោះ កងទ័ពនៅតែមមាញឹកក្នុងភារកិច្ចរបស់ខ្លួនជានិច្ច ។
ឯកឧត្តមនាយឧត្តមសេនីយ៍បានលើកឡើងថា រហូតដល់បច្ចុប្បន្ន តាមបន្ទាត់ព្រំដែនយើងទទួល បាន ស្ថេរភាពពេញលេញ រាជរដ្ឋាភិបាល បានសាងសង់ផ្លូវជាច្រើនខ្សែរទៀត តាមផែនការ របស់អគ្គ បញ្ជាការ នៃកងយោធពលខេមរភូមិន្ទ និងតាមអនុសាសន៍ចំនួន៣ យុទ្ធសាស្ត្រ និងផែនការ សកម្មភាព ទាំង១១ របស់សម្តេចតេជោ សែន នាយករដ្ឋមន្ត្រី នៃព្រះរាជាណាចក្រកម្ពុជា ។
ឯកឧត្តម នាយឧត្តមសេនីយ៍ បានសំណូមពរដល់កងកម្លាំងទាំងអស់ ក្រៅពីភារកិច្ចការពារជាតិ កងទ័ពក៏មានភារកិច្ចមួយទៀត ក្នុងការចូលរួមការពារមូលដ្ឋានភូមិឃុំសុវត្ថភាព ជាពិសេសក្នុងឱកាស បុណ្យចូលឆ្នាំប្រពៃណីយ៍ខ្មែរ ដែលនឹងឈានមកដល់នៅប៉ុន្មានថ្ងៃទៀតនាពេលខាងមុខនេះ នៅតាមបណ្តាទីវត្តអារាម ក៍ដូចជាទីប្រជុំជននានា ត្រូវចូលរួមសហការជាមួយសមត្ថកិច្ចមូលដ្ឋាន ដើម្បីការពារសន្តិសុខ រក្សាសណ្ឋាប់ធ្នាប់ជូនប្រជាពលរដ្ឋ ៕
ប៊ុនធឿន
