ខេត្តកែប ៖ នាយឧត្តមសេនីយ៏ នេត សាវឿន អគ្គស្នងការនគរបាលជាតិ បានក្រើនរំលឹកដល់ថ្នាក់ដឹកនាំត្រូវបញ្ចៀសឲ្យបានពីករណីរត់ការ ក្នុងការដំឡើងឋានៈតួនាទីជូនកងកម្លាំងក្នុងជួរមន្ត្រីនគរបាលជាតិ។
ថ្លែងនៅក្នុងពិធីផ្ទេរតំណែងតែងតាំងមុខតំណែងស្នងការ និងបំពាក់ឋានន្តរស័ក្តិជូនមន្ត្រីនគរបាលនៃស្នងការដ្ឋានខេត្តកែប កាលពីព្រឹកថ្ងៃអង្គារ៍នេះ លោកបានបញ្ជាក់បន្ថែមថា កត្តាដែលយុត្តិធម៌នោះ គឺមើលពីសកម្មភាព និងការអនុវត្តជាក់ស្តែងរបស់មន្ត្រីមុននឹងឈានដល់ការតែងតាំង ការផ្តល់ប័ណ្ណសរសើរ ឬរង្វាន់លើកទឹកចិត្តជូនមន្ត្រីណាម្នាក់។
កងកម្លាំងនគរបាលរួមទាំងមហាជនថ្លែងការអបអរចំពោះបទបញ្ជាដែលបានលើកឡើងខាងលើរបស់លោកអគ្គស្នងការនគរបាលជាតិព្រោះថា ករណីរត់ការតំឡើងតួនាទីតំឡើងសក្កិកងកម្លាំងនគរបាល បាននិងកំពុងក្លាយជាប្រពៃណី ហើយកំពុងរងនូវការរិះគន់ផងដែរ ៕
