ខេត្តកណ្តាល ៖ កាលពីយប់ថ្ងៃទី២៨ ខែឧសភា ឆ្នាំ២០២០ មានអគ្គិភ័យឆាបឆេះផ្ទះបើកសិប្បកម្មកាត់ដេរមួយកន្លែង បណ្តាលឲ្យឆេះទាំងស្រុងនិងស្លាប់ម្នាក់របួសធ្ងន់ម្នាក់ ។
ផ្ទះដែលត្រូវអគ្គិភ័យឆាប់ឆេះជារបស់ឈ្មោះ គ្រុឌ តៃ ភេទប្រុស អាយុ៧០ឆ្នាំ ជនជាតិខ្មែរ ស្ថិតនៅភូមិទួលក្រាំង ឃុំក្រាំងយ៉ូវ ស្រុកស្អាង ខេត្តកណ្ដាល។
ចំណែកជនរងគ្រោះ១/ឈ្មោះស្រ៊ុន បូរិន ភេទប្រុសអាយុ២៨ឆ្នាំ(ស្លាប់)ជនជាតិខ្មែរ មានមុខរបរកម្មកររោងចក្រ(កត់ឡូនិងយាមរោងចក្រ)នឹង ប្រពន្ធឈ្មោះ អឿន សុខហៀង ភេទស្រី អាយុ២៤ឆ្នាំ(រងរបួសធ្ងន់) ជនជាតិខ្មែរ មានមុខរបរកម្មការិនី(ប្រធានផ្នែកដេរ)អ្នក ទាំងពីរមានទីលំនៅភូមិទួលសាលា ឃុំស្អាងភ្នំ ស្រុកស្អាង ខេត្តកណ្ដាល។
ខណពេលដែលមានករណីអគ្គីភ័យកំពុងឆេះនោះ កម្លាំងអន្តរាគមន៍ បានចុះអនាគមន៍ភ្លាមៗ ហើយបានធ្វើការគាស់ទ្វារទំលុះចូលទៅស្វែងរកជនរងគ្រោះដែលដឹងថា កំពុងនៅខាងក្នុងផ្ទះ ដើម្បីជួយសង្គ្រោះ ហើយក៏បានប្រទះឃើញឈ្មោះ អឿន សុខហៀង ភេទស្រី ដែលកំពុងដួលសន្លប់នៅក្នុងបន្ទប់ ក្នុងរោងសិប្បកម្មនោះក៏បានជួយសង្គ្រោះយកចេញមកក្រៅធ្វើការសង្គ្រោះជាបឋមដោយលោកគ្រូពេទ្យ និងបន្តស្វែងរកឈ្មោះ ស្រ៊ុន បូរិន ក៍បានប្រះឃើញដួលស្លាប់នៅបន្ទប់ទឹកបាត់ទៅហើយ។
បើយោងតាមការសន្និដ្ឋានរបស់សមត្ថកិច្ចជំនាញ ករណីអគ្គីភ័យខាងលើនេះកើតឡើងដោយសារឆ្លងចរន្តអគ្គីសនី៕
