ខេត្តពោធិ៍សាត់ ៖ បុរសសង្ស័យម្នាក់ចំណោម ៦ នាក់ប្រដាប់ដោយកាំភ្លើងវែងខ្លី ប្លន់ទូរមាសផ្សារក្រវ៉ាញ យកមាសប្រាក់រួចគេចខ្លួនបាន ១ ថ្ងៃ ត្រូវកម្លាំងនគរបាលឃាត់ខ្លួន កាលរសៀលថ្ងៃទី២២ ខែមិនា ឆ្នាំ២០១៥ នៅភូមិសាស្ត្រ សង្កាត់ចំរើនផល ក្រុងពោធិ៍សាត់ និងស្វែងរកឃើញវត្ថុតាងបានមួយចំនួនទៀត ។
ហេតុការណ៍ប្លន់ដ៏រន្ធត់ ដែលមានបុរសសង្ស័យ ៦ នាក់ប្រដាប់កាំភ្លើងវែងខ្លី និងម៉ូតូ៣គ្រឿងចូលវាយបំបែកទូរមាស ៣ ទូ យកប្លាទីន៤៥ដំឡឹង និងមាស ២០ ដំឡឹង និងប្រាក់មួយចំនួនរួចជិះម៉ូតូគេចខ្លួនបាត់ កាល ម៉ោង២និង២០នាទីរសៀលថ្ងៃទី២១ ខែមីនា ឆ្នាំ២០១៥នៅចំណុចផ្សារលាចស្រុកក្រវ៉ាញខេត្តពោធិ៍សាត់។
លោក វង់ សាវ៉េត អធិការនគរបាលស្រុកក្រវ៉ាអោយដឹងថា ក្រោយពីព្រឹត្តិការប្លន់ភ្លាមៗសមត្ថកិច្ចបានឃាត់ខ្លួនមនុស្សសង្ស័យ ២ នាក់នៅកន្លែងកើតហេតុ មកសាកសួរ ក្រោយពីមិនឃើញមានការពាក់ព័ន្ធក្នុងករណីប្លន់អោយត្រឡប់ទៅផ្ទះវិញ ។ លុះថ្ងៃទី២២ ខែមីនា ឆ្នាំ២០១៥ កម្លាំងនគរបាលខេត្តចាប់បានបុរសជនសង្ស័យម្នាក់ឈ្មោះ សុខ ម៉ៅ អាយុ ៣០ឆ្នាំ រស់នៅភូមិពោធិ៍កន្សែង ឃុំច្រេស ស្រុកមេសាង ខេត្តព្រៃវែង ។ រឹបអូសបានវត្ថុតាង ជាក់ស្តែង រួមមាន អាវុធវែង ១ដើម អាវុធខ្លី១ដើម ពូថៅសម្រាប់វាយបំបែកទូមាស ចំនួន១, ចិញ្ចៀន ប្លាកទីន១៥វង់ ទូរស័ព្ទ៤គ្រឿង និងលុយខ្មែរចំនួន ១ម៉ឺនរៀលម៉ូតូម៉ាកសេ១២៥ ចំនួន២គ្រឿង។
\បុរសសង្ស័យឈ្មោះសុខ ម៉ៅ ឆ្លើយសារភាពថាខ្លួនមានគ្នា៦នាក់ជិះម៉ូតូ៣គ្រឿងចូលធ្វើសកម្មភាពប្លន់ផ្សារលាចក្រោយប្លន់សម្រេចជិះម៉ូតូបែកគ្នាអស់ ។
បច្ចុប្បន្ន កម្លាំងសមត្ថកិច្ចកំពុងដុតដៃជើងស្រាវជ្រាវស្វែងរកបក្ខពួកក្រុមចោរប្លន់យកមកផ្តន្ទាទោសតាមផ្លូវច្បាប់ដើម្បីស្វែងរកសុខសន្តិភាពជូនប្រជាពលរដ្ឋ ៕
