ខេត្តកំពង់ធំ ៖ កាលពីថ្ងៃព្រហស្បតិ៍ ទី០៧ ខែឧសភា ឆ្នាំ២០២០ មានមនុស្សចងក នៅភូមិគគីរ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំនៅវេលាម៉ោង ៩ :៣០នាទី នៅត្រង់ចំណុចតំបន់ត្រពាំងសាំក្រៃខាងកើត ភូមិគគីរ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។សពឈ្មោះ ភឿន ភីន ភេទប្រុស អាយុ៣៦ឆ្នាំ ជនជាតិខ្មែ មុខរបរធ្វើស្រែនៅភូមិជន្លូស ឃុំទួលគ្រើល ស្រុកប្រាសាទបល្ល័ង្ក ខេត្តកំពង់ធំ។
បើតាមការបំភ្លឺរបស់ឈ្មោះ មួន សានុច ភេទស្រី អាយុ២៦ឆ្នាំ ជនជាតិខ្មែរ ជាអ្នកភូមិជាមួយគ្នា បានបំភ្លឺថា នៅថ្ងៃទី០៧.០៥. ២០២០ វេលាម៉ោងប្រហែល ៨ គាត់និងឈ្មោះ នឹង ឈ្មោះ សិត ឈ្មោះ តឿន និងក្មេងៗ ក្នុងភូមិច្រើននាក់ បាននាំគ្នាទៅឃ្វាលគោ ក្របី នៅចំណុចតំបន់ត្រពាំងសាំក្រៃ ខាងកើតភូមិគគីរ ឃុំសាលាវិស័យ ទៅដល់តំបន់ខាងលើស្រាប់តែធំក្លិនស្អុយជាខ្លាំង ក៏នាំគ្នាដើរកមើលក្នុងគម្ពោធព្រៃ ក៏ប្រទះឃើញសាកសពមនុស្ស ស្អុយរលួយមើលមិនយល់ ក៏នាំគ្នារត់ចេញពីទីនោះ មកប្រាប់ឈ្មោះ ផា អ្នកចាំចំការក្បែរនោះ ឈ្មោះ ផា ក៏តេទូរស័ព្ទប្រាប់លោកនាយប៉ុស្ដិ៍ទួលគ្រើល ឯពួកគាត់ក៏នាំគ្នាដេញគោក្របីចេញពីទីនោះទៅ ។
បើតាមការបំភ្លឺរបស់ឈ្មោះ ប្លោក យឿន ត្រូវជាម្ដាយរបស់សពជនរងគ្រោះបានបំភ្លឺថា កូនប្រុសរបស់គាត់ បានលែងលះជាមួយប្រពន្ធជាង១ឆ្នាំមកហើយ វាមករស់នៅជាមួយគាត់ ឯប្រពន្ធនិងកូនរបស់វា រស់នៅក្រុងបាត់ដំបងចាប់តាំង ពីបែកបាក់ប្រពន្ធកូនមក កូនប្រុសរបស់គាត់តែងតែផឹកស្រាស្រវឹងស្ទើរាល់ថ្ងៃ ហើយមិនជួយគិតគូររឿងការងារទេ វាតែងតែសុំគាត់ និងឪពុកវាទៅលេងកូនឯខេត្តបាត់ដំបង តែគាត់មិនឲ្យទៅព្រោះខាងប្រពន្ធគេមានប្ដីហើយខ្លាចគេធ្វើបាប។ នៅថ្ងៃទី០៤.០៥. ២០២០ វេលាម៉ោងប្រហែល៩ព្រឹក កូនប្រុសគាត់បានផឹកស្រាស្រវឹង គាត់និងប្ដីបានស្ដីបន្ទោសឲ្យ វាក៏បានមកថ្វាយបង្គុំគាត់ដោយប្រាប់ថា ទៅ លេងកូននៅបាត់ដំបង គាត់មិនបានតបវិញទេ ក្រោយមកក៏បាត់កូនរហូត គាត់ខំដើររកនិងប្រាប់អ្នកជិតខាងឲ្យជួយរកដែរ តែរកមិនឃើញ លុះដល់ថ្ងៃទី ០៧.០៥.២០២០ វេលាម៉ោងប្រហែល៩ព្រឹក ស្រាប់តែលោកនាយប៉ុស្ដិ៍ទួលគ្រើលទូរស័ព្ទមកប្រាប់ថា គេរកឃើញកូនគាត់ហើយ នៅតំបន់សាំក្រៃ ហើយវាចងកនិងខ្សែរក្រវ៉ាត់ទៅនិងដើមម្ដេញ ស្លាប់បាត់ទៅហើយមិនដឹងពីពេលណាទេ ។
សមត្ថកិច្ចជំនាញ សហការជាមួយលោកមេភូមិ នាយប៉ុស្ដិ៍រដ្ឋបាលទួលគ្រើល និងប៉ុស្ដិ៍នគរបាលសាលាវិស័យ និងប្រជាពលរដ្ឋសាច់ញាតិសព ធ្វើការពិនិត្យ សាកសព និងទីកន្លែងកើតហេតុ។
ការពិនិត្យនៅដងខ្លួនសាកសពពុំឃើញមានស្លាកស្នាមគួរកត់សម្គាល់ឡើយ ក្រៅពីសាកសពស្អុយនិងដង្កូវចោះ។ សមត្ថកិច្ចបានធ្វើកំណត់ហេតុប្រគល់សាកសពជូនសាច់ញាតិយកទៅធ្វើបុណ្យតាមប្រពៃណី៕
