រាជធានីភ្នំពេញ ៖ តុលាការរាជធានីភ្នំពេញបានសម្រេចផ្តន្ទាទោសឈ្មោះ វ៉ែន រចនា ហៅ ថៃ ស្រីនាង ដែលគេស្គាល់ថាជាអ្នកលក់ទំនិញតាមអនឡាញ ហើយបញ្ចេញសាច់លេចលើលេចក្រោម ដោយដាក់ពន្ធនាគារកំណត់ ៦ខែ ប៉ុន្តែអនុវត្តន៍ត្រឹមតែ ២ខែ ១៥ថ្ងៃប៉ុណ្ណោះ ទោសដែលនៅសល់ត្រូវព្យួរ។ ដូច្នេះបើគិតតាំងពីការចាប់ខ្លួនមកដល់ពេលនេះ នាង វ៉ែន រចនា នឹងរួចផុតពីការឃុំខ្លួនក្នុងពន្ធនាគារហើយ ។
សូមរំលឹកថានាង ថៃ ស្រីនាង អាយុ៣៩ឆ្នាំ មានទីលំនៅក្នុងខណ្ឌទួលគោក រាជធានីភ្នំពេញ ហើយត្រូវសមត្ថកិច្ចចាប់ខ្លួនកាលពីជាង២ខែមុន ដោយសារតែរឹងរុសមិនព្រមធ្វើតាមកិច្ចសន្យារបស់ខ្លួនជាមួយសមត្ថកិច្ច ៕