ខេត្តកំពង់ធំ ៖ ដោយមិនបានទុកឱ្យប្រជាពលរដ្ឋភ័យខ្លាចនឹងជំងឺ Covid-19 នោះ នៅព្រឹកថ្ងៃព្រហស្បតិ៍ ទី០២ ខែមេសា ឆ្នាំ២០២០ ឯកឧត្តម ចាន់ តារា អភិបាលរងខេត្តកំពង់ធំ និងជាតំណាងដ៏ខ្ពង់ខ្ពស់របស់ឯកឧត្តម សុខ លូ អភិបាលខេត្តកំពង់ធំ ដោយមានការអមដំណើរពីលោក ហាក់ ម៉ុងហួត អភិបាលស្រុកតាំងគោក បានចុះតាមដានពីសុខភាពរបស់ប្រជាពលរដ្ឋ និងអប់រំផ្សព្វផ្សាយពីវិធានការ បង្ការការពារនានា របស់រាជរដ្ឋាភិបាល និងក្រសួងសុខាភិបាលជូនដល់ប្រជាពលរដ្ឋក្នុងភូមិស្វាយម្សៅ ឃុំទ្រៀល ស្រុកតាំងគោក ដើម្បីរួមគ្នាការពារប្រជាពលរដ្ឋពីជំងឺ Covid-19 និងចូលរួមក្នុងយុទ្ធនាការបង្ការ ទប់ស្កាត់ និងប្រយុទ្ធប្រឆាំងនឹងជំងឺកាចសាហាវមួយនេះផងដែរ។
នៅក្នុងស្ថានភាពនេះ លោកអភិបាលរងខេត្ត បានចុះសួរសុខទុក្ខ និងជួបជាមួយបងប្អូនតាមខ្នងផ្ទះដោយផ្ទាល់ ព្រោះលោកចង់ដឹង និងចង់ឃើញពីស្ថានភាព ជីវភាព ក៏ដូចជាសុខភាពប្រជាពលរដ្ឋក្នុងស្ថានភាពជាក់ស្តែង និងថ្មីៗបំផុត។
នៅក្នុងឱកាសនេះ ឯកឧត្តម ចាន់ តារា ក៏សូមឱ្យបងប្អូនមានការប្រុងប្រយ័ត្ននិងមានការអនាម័យជាប្រចាំ ហើយកុំមានការភ័យស្លន់ស្លោ តាមការបំផុសបំផុលរបស់ព័ត៌មានមិនពិតមួយចំនួនដែលមិនមែនជា pageផ្លូវការរបស់ក្រសួងសុខាភិបាល និងរាជរដ្ឋាភិបាលឡើយ ។ឯកឧត្តមក៏មានជាអំណោយជូនដល់ជនក្រីក្រនិងចាស់ជរា មានដូចជាអង្ករ ក្រមា មី ត្រីខ និងសាប៊ូ ទៅចែកជូនពួកគាត់ថែមទៀតផង។
លើសពីនេះ ឯកឧត្តម ចាន់ តារា ណែនាំបន្ថែមដល់បងប្អូនប្រជាពលរដ្ឋទាំងអស់ត្រូវ អនុវត្តប្រព្រឹត្តខ្លួនតាមការណែនាំរបស់រដ្ឋាភិបាលនិងក្រសួងសុខាភិបាល អោយបានម៉ឺងម៉ាត់និងជាប្រចាំ ដើម្បីអោយសហគមន៏យើង គ្មាន covid 19 ពិសេសត្រូវនៅអោយឆ្ងាយពីមនុស្សចាស់និងកុមារដែលជាបុគ្គលងាយនឹងឆ្លងជាងគេ ហើយអោយអាជ្ញាធរពាក់ព័ន្ធគ្រប់មូលដ្ឋានភូមិ ឃុំ ក្នុងស្រុក ត្រូវរួមសហការគ្នាចុះជួបសួរសុខទុក្ខពលរដ្ឋ ដែលទើបមកដល់មូលដ្ឋានថ្មីៗ ព្រមទាំងធ្វើរបាយការណ៍ជូនថ្នាក់លើអោយបានជាប្រចាំ
