ខេត្តកោះកុង ៖ ប្រពន្ធដើមវាយប្រពន្ធចុង នៅក្នុងភូមិជីត្រេះ ឃុំអណ្ដូងទឹក ស្រុកបូទុមសាគរ ខេត្តកោះកុង។
ជនបង្កដែលប្រើអំពើរហឹង្សា វៃលើប្រពន្ធចុងនេះ រួមមាន ១ឈ្មោះ អ៊ូ សេ ជាម្តាយ ២ឈ្មោះ ភន ឃាង កូនស្រី ៣ឈ្មោះ ភន ម៉ៅ កូនប្រុស ៤ឈ្មោះ ភន សុខហេង កូនប្រុស ៥ឈ្មោះ ភន សុខខេង កូនប្រុស ៦ឈ្មោះ សេម ផល្លី កូនប្រសាស្រី ។ អ្នកទាំង៦នាក់សុទ្ធតែរួមគំនិតគ្នា មកប្រើអំពើហិង្សាវាយលើស្ត្រីរងគ្រោះ ទើបតែសម្រាលកូនបាន១ខែកន្លះ។
អធិការនគរបាលស្រុកបូទុមសាគរ លោក សុខ ផន បានបញ្ជាអោយមេប៉ុស្ដិ៍រដ្ឋបាលនគបាលឃុំថ្មស លោក មាស ភា អោយឃាត់ខ្លួនជន សង្ស័យ៦នាក់នេះ ដែលជនស័ង្សយនេះរស់នៅក្នុងឃុំថ្មស ហើយទៅធ្វើសកម្មភាពអំពើហឹង្សាលើជនរងគ្រោះនៅឃុំអណ្តូងទឹក
ដែលមានភូមិឃុំខាងលើ ។
ជនសង្ស័យ៦នាក់នេះ មេប៉ុស្តីបានឃាត់ខ្លួនហើយយកមកសាកសួរនៅអធិការដ្ឋាននគរបាលស្រុកបូទុមសាគរ ក្រោមការសាកសួររបស់ លោកអធិការរងទទួលបន្ទុកផ្នែក ព្រហ្មទណ្ឌ លោក សេង រដ្ឋា បានវែកមុខជនដៃដល់ ក្នុងចំណោម៦នាក់នេះ លោក សេង រដ្ឋា អធិការ រងបានវែកមុខជនដែលធ្វើសកម្មភាពមុខសញ្ញាដៃដល់ចំនួន០៣នាក់ ដែលជាជនដៃដល់មកលើជនរងគ្រោះ។
១ឈ្មោះ អ៊ូ សេ ភេទស្រី អាយុ៤៦ឆ្នាំ ម្ដាយ។
២ឈ្មោះ ភន ហៀង ភេទស្រី អាយុ២៦ឆ្នាំ កូនស្រី។
៣ឈ្មោះ ភន ម៉ៅ ភេទប្រុស អាយុ២៥ឆ្នាំ កូនប្រុស។
សូមរំលឹកថា ឈ្មោះ អ៊ូ សេ មានប្តី ឈ្មោះ ភន ទោម មានទីលំនៅភូមិស្រែត្រាវ ឃុំថ្មស ស្រុកបូទុមសាគរ ខេត្តកោះកុង។
ហើយឈ្មោះ ភន ទោម មានប្រពន្ធចុង ដែលជាជនរងគ្រោះមានឈ្មោះ ឆេង ណែត ភេទស្រីអាយុ៣៧ឆ្នាំ ហើយមានកូនប្រុសមួយ ជាចំណងដៃជាមួយលោក ភន ទោម ទើបតែសម្រាលកូនបាន១ខែកន្លះទេ ក៏ត្រូវបានប្រពន្ធដើមលោក ភន ទោម លើកគ្នាទៅ វៃដូចចោរប្លន់ផ្ទះអញ្ចឹង។
តាមសម្តីជនរងគ្រោះឈ្មោះ ឆេង ណែត បានរៀបរាប់ទាំងទឺកភ្នែក ព្រមទាំងបីកូនលើដៃ និយាយថា នៅវេលា ម៉ោងប្រមាណ៦ព្រឹក ថ្ងៃទី២៩ មិនា ឆ្នាំ២០២០ ប្រពន្ធបង ទោម បាននាំគ្នា៦នាក់ ស្រី៤នាក់ ប្រុស២នាក់ ហើយប្រពន្ធបង ទោម បានយកឈើធិវជ្រុង កម្រាស់ ៥ហ៊ុន ទទឹង ១តឹក ប្រវែង0,8តឹក បានយកឈើទៅវាយសោទ្វារ រយៈពេល១០នាទីទើបសោទ្ទារនោះបើក ហើយនាំគ្នាទំលុះចូលទៅក្នុងផ្ទះ ហើយធ្វើសកម្មភាពវ៉ៃខ្ញុំតាមចិត្ត មិនអាចតដៃបាន ហើយដៃរបស់ខ្ញុំ អោបក្រសោបកូន ខ្លាចត្រូវកូន តែទីបំផុតនៅតែត្រូវក្បាលកូនដដែល។ ជនរងគ្រោះបន្តថា នៅពេលនោះ ប្រពន្ធបង ទោម និងកូនស្រី បានយកមាសរបស់គាត់អស់ ចំនួន៣តម្លឹង៩ជីមាស់ (បីតម្លឹងប្រាំបួនជីមាស) មិនតែប៉ុណ្ណោះទេ លុយដែលគាត់បានលាក់នៅក្នុងខោលីអូរចំនួន៩៥រៀល ប្រពន្ធនិង កូនបង ទោម ខ្វះយកចេញពីខោអស់ ជាពិសេសនោះ ខ្សែកដែលគាត់ពាក់នៅករចំនួន៦ជីមាស ប្រពន្ធបង ទោម និងកូន មកទាញកន្ត្រាក់យកពីកអស់។
ជនរងគ្រោះនិយាយទាំងទឺកភ្នែកថា ប្រពន្ធកូនបង ទោម បានយកឈើវ៉ៃកម្ទេចសម្ភារៈនៅក្នុងផ្ទះទាំងអស់ ហើយវ៉ៃ ម៉ូតូ019មួយគ្រឿងចំក្បាលម៉ូតូបែកក្បាលម៉ូតូនេះពណ៌ខ្មៅពាក់ស្លាកលេខ1C3245កោះកុង។
ជនរងគ្រោះបន្តថា នៅពេលប្រពន្ធបង ទោម និងកូនកំពុងតែធ្វើសកម្មភាពនេះ គាត់ស្រែកហៅអោយលោក ភន ទោម ជួយគាត់ដែរ តែបង ទោម ឃាត់ប្រពន្ធ និងកូនមិនឈប់ទេ រួចហើយជនរងគ្រោះ ក៍រត់ចេញពីក្នុងផ្ទះ មកផ្ទះជិតខាងអោយគេជួយ នៅពេលនោះ គាត់ក៍រត់ចូលទៅក្នុងផ្ទះ អ្នកជិតខាង ចូលដល់ក្នុងផ្ទះគាត់ រួចហើយប្រពន្ធបង ទោម និងកូនតាមទៅវ៉ៃគាត់ដល់ក្នុងផ្ទះគេទៀត នៅពេលប្រពន្ធបង ទោម និងចូលវ៉ៃដល់ក្នុង អ្នកមីងឈ្មោះ ប៊ុន ពៅ ភេទស្រី ដែលនៅផ្ទះជិតគ្នានោះហើយនៅពេលនោះ អ្នកមីងនោះក៍បានហាមឃាត់ តែប្រពន្ធបង ទោម និងកូននៅតែវ៉ៃ ហើយប្រពន្ធបង ទោម កកូរកកាយរកអំបិល ម្ទេស ដើម្បីយកមក ប្រឡាក់ប្រពន្ធចុង។
តាមប្រភពព័ត៌មានពីម្ចាស់ផ្ទះដែលនៅជិតខាង ជាមួយជនរងគ្រោះនេះ ឃើញនិងភ្នែក អ្នកមីងឈ្មោះ ប៊ុន ពៅ បាននិយាយថា ប្រពន្ធពូ ទោម និងកូនស្រីប្រុស បានចូលដល់ក្នុងផ្ទះរបស់ហើយ ធ្វើសកម្មភាពវ៉ៃប្រពន្ធចុងពូ ទោម នៅក្នុងផ្ទះគាត់ អ្នកមីងនោះបន្តថា គាត់បាន ស្រែកហៅពូ ទោម មកជួយប្រពន្ធចុងគាត់ផង តែពូទោម គាត់ឆ្លើយតបមកថា គាត់មិនហ៊ានចូលផ្ទះគេទេ បើអ្នកណាគេធ្វើហើយ ហាមមិនស្ដាប់នោះជារឿងរបស់គេទេ ទុកអោយច្បាប់គេធ្វើទៅ នេះសម្ដីអ្នកមីងនិយាយប្រាប់អ្នកសារព័ត៌មាន អ្នកមីងនេះបន្តថា កូន ក្មេងទើបតែកើតបាន១ខែកន្លះ ក៍ត្រូវរបួសក្បាលពីកន្លែងដែរ ឈាមតែស្រាល។
ចំណែកលោកអធិការរងស្រុកបូទុមសាគរ លោក សេង រដ្ឋា បានគូសបញ្ជាក់ថា ជនបង្កហេតុបីនាក់នេះ ដែលធ្វើសកម្មភាព អំពើរហឹង្សាមកលើជនរងគ្រោះ រួមមាន ដំបងឈើ ១ដើម រួមនិងទឹកអាស៊ីត១ដប ដែលយកមកបំរុងនិងស្រោចស្រពលើប្រពន្ធចុង។
តាមប្រភពពីជនបង្ករហេតុ ពូកែខាងប្រើអំពើហឹង្សាបានសារភាពកំហុសដែលខ្លួនបានធ្វើទៅលើជនរងគ្រោះពិតមែន តែដោយសារខឹង និងប្រពន្ធចុង និងប្ដីពេក ទើបគាត់ធ្វើបែបនេះ នៅពេលនោះ ជនបង្កហេតុទាំង៣នាក់នេះបានសារភាពកំហុសដែលខ្លួនបានធ្វើសកម្មភាពវ៉ៃទៅលើប្រពន្ធចុងរបស់ឪពុកមែន។
តាមសម្ដីប្រពន្ធដើមឈ្មោះ អ៊ូ សេ និយាយប្រាប់សមត្ថកិច្ចជំនាញនៅចំពោះមុខថា លោក ភន ទោម ជាប្ដីនេះធ្លាប់វ៉ៃគាត់រាប់មិនអស់ទេ ហើយវ៉ៃគាត់បែកក្បាលទៀត ហើយថែមទាំងច្របាច់កគាត់ទៀត ហើយវ៉ៃទាំងកូនស្រីខ្លួនឯងទៀត។
ចំណែកកូ ស្រីលោក ភន ទោម ដែលជាជនបង្កនិយាយថា ឪពុករបស់គាត់វ៉ៃគាត់មួយដៃរ។
ជនបង្កហេតុជើងខ្លាំងខាងវ៉ៃទាត់ធាក់នេះ ត្រូវបានអធិការនគរបាលស្រុកបូទុមសាគរ បង្កសុំណុំរឿងបញ្ជូនទៅ ស្នងការនគរបាលខេត្តកោះកុង ដើម្បីចាត់វិធានការតាមផ្លូវច្បាប់ ៕
(ដោយ យួន ឈឺវ)
