ខេត្តសៀមរាប ៖ តំណាងសមាគមន៍ក្រុមរត់ឡានតាក់ស៊ីមកពីបី(៣) ខេត្ត បានតវ៉ាជាមួយនិងក្រុមកូនចៅលោក ឧកញ្ញ៉ា ទូច ស៊ៀ ដាក់បេនទាប្រាក់ពីក្រុមពួកគាត់ចំនួន ៩៦ រថយន្ត ថ្លៃសេវាកម្មឆ្លងកាត់ផ្លូវ ខេត្ត សៀមរាប ឆ្ពោះ ទៅខេត្តបន្ទាយមានជ័យ (ដែលគេតែងហៅថា កុងត្រូលជជុះនោះ) នៅ ចំណុច ផ្លូវជាតិលេខ៦ជិតដល់ច្រកចូល ទៅបូរ៉ី សៀងណាំ ប្រមាណ៤០ ម៉ែត្រ ស្ថិតក្នុងភូមិ ចុង កៅស៊ូ សង្កាត់ស្លរក្រាម ក្រុងសៀមរាប ខេត្ត សៀមរាប នៅរសៀលថ្ងៃទី ២៥ ខែកុម្ភៈ ឆ្នាំ ២០១៥ ។
លោក ឡេង ស្រ៊ន់ តំណាងឲ្យសមាគមន៍ក្រុមរត់តាក់ស៊ីបានឲ្យដឹងថា សមាគមន៍គាត់រត់តាក់ស៊ីមកពីបី(៣)ខេត្ត គឺព្រៃវែង ខេត្តត្បូងឃ្មុំ និងខេត្តកំពង់ចាម បានបើកបរឆ្លងកាត់ខេត្តកំពង់ធំ ខេត្តសៀមរាប ឆ្ពោះទៅខេត្តបន្ទាយមានជ័យ ដែលជាទិសដៅត្រូវឈប់់ ចត ។
លោកបានបន្តថា រយៈពេលជិត១០ឆ្នាំហើយក្រុមពួកគាត់រត់តាក់ស៊ីទទួលនូវការគាបសង្កត់ពីសំណាក់ក្រុមកូនចៅលោក ឧកញ្ញ៉ា ទូច ស៊ៀ ទាឲ្យបង់ប្រាក់ថ្លៃ ឆ្លងកាត់ក្រុង ក្នុងតំលៃ ១ម៉ឺនរៀល លុះត្រឡប់មកវិញត្រូវបង់ប្រាក់ក្នុងតំលៃ ១ម៉ឺន៥ពាន់រៀល រហូតមកដល់ពេលនេះ ។ លោកបានបញ្ចាក់ថា ម្តងម្កាលដែរក្រុមពួកគាត់បើកបរ គេចតាមផ្លូវវៀង ក្រុងសៀមរាប ក៍ប៉ុន្តែ មិន ដែល គេចរួច ម្តងណាឡើយ ហើយមិនតែប៉ុណ្ណោះ ពួកគេផាក ពិន័យ ទ្វេរដងន្ថែមទៀត ចាប់ពី ៦ម៉ឺនទៅ៨ម៉ឺនរៀល ឯណោះដើម្បីជាការប្រមាន ។
តំណាងសមាគមន៍ ក្រុមតាក់ស៊ី បានបញ្ជាក់ បន្ថែមថា ក្រៅពីបេនខេត្តសៀមរាបគ្មានខេត្តមួយ ណាយកប្រាក់ថ្លៃឆ្លងកាត់ឡើយ ។
ដើម្បី បញ្ជាក់នូវមន្ទិលសង្ស័យ អ្នកព័ត៌មានបានសុំការបំភ្លឺពី លោក នៅ ប្រុស ដែលគេស្គាល់ថាជាអ្នក គ្រប់គ្រងផ្នែកទាភាស៊ីបេនទ្បាននៅខេត្តសៀមរាបតំណាង លោកឧកញ្ញ៉ា ទូច ស៊ៀ តែពេលនោះ លោក បានឆ្លើយថាលោកបានផ្តល់បទសម្ភាសន៍ម្តងរួចមកហើយកាលពីម្សិលមិញ គាត់បានបញ្ជាក់ដាក់ក្រុមអ្នកយកព័ត៌មានថាគាត់ធ្វើនេះគឺ (អនុវត្តតាមសៀវភៅបន្ទុក) តែប៉ុណ្ណោះ។
សូមបញ្ជាក់ផងដែរថា កាលពី ថ្ងៃទី២៤ ខែដដេល ក៏មានការតវ៉ាពីក្រុមអ្នករត់តាក់ស៊ីឆ្លងកាត់ផងដែរ ខណៈនោះ អ្នកព័ត៌មានបាន សម្ភាសលោក ឧកញ្ញ៉ា ទូច ស៊ៀ តាមទូរស័ព្ទ លោកឧកញ៉ាឆ្លើយថា គ្មានអ្នកណា ឲ្យបង់បេនឆ្លង កាត់ផ្លូវនោះទេ មិនតែប៉ុណ្ណោះ លោក ឧញ្ញ៉ាបានរុញអ្នក ព័ត៌មាន ( ខល ) ទៅ លោក នៅ ប្រុស អ្នក គ្រប់គ្រងផ្នែកទាភាស៊ីបេនទ្បាន បានបញ្ជាក់តាមទូរស័ព្ទថា សេវា បង់ប្រាក់ថ្លៃបេនចូលចតចាប់ម៉ួយ នោះ បេន តម្រូវឲ្យយក (ទៅហើយ ត្រឡប់មកវិញ) ក្នុងតំលៃ ២ម៉ឺនរៀល ប៉ុណ្ណោះ រីឯរថយន្តតាក់ ស៊ីឆ្លងកាត់ក្រុង ( មិនបង់ប្រាក់ឡើយ ) ប៉ុន្តែមកដល់ថ្ងៃទី២៥ ខែឆ្នាំដ៏ដែល ក៏មានការតវ៉ាម្តងទៀត ដោយសារលោកតំណាង លោកឧកញ្ញ៉ា ទូច ស៊ៀ ស្ទាក់ចាប់រថយន្តក្រុមតាក់ស៊ីទាប្រាក់ដដែល ដោយមិនគោរពនូវពាក្យសន្យាឡើយ ។
អ្នកព័ត៌មានព្យាយាមទាក់ទងតាមទូរស័ព្ទទៅលោកឧកញ៉ា ជាច្រើនលើកផងដែរ ក៍ប៉ុន្តែមិនទទួលឡើយ តំណាងក្រុម តាក់ស៊ី ទាំង៩៦ បានសុំ ឲ្យបញ្ចុះ ថ្លៃឆ្លងកាត់ ត្រឹមតែ៥ពាន់រៀល ពេល នោះដែរលោក នៅ ប្រុស បានយល់ព្រមឲ្យបង់ក្នុង មួយរថយន្ត៥ពាន់រៀល សម្រាប់ឡាន បី(៣) ប៉ុណ្ណោះ ចំពោះ តាក់ស៊ីជាង៩០ឡានទៀត ចាំដោះស្រាយនៅពេលក្រោយ ៕
ប៊ុនធឿន( សៀមរាប)
