រាជធានីភ្នំពេញ ៖ យោងតាមផេកហ្វេសប៊ុក Royal du Cambodge នៅថ្ងៃទី២៥ ខែមីនា ឆ្នាំ២០២០នេះ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត បានផ្ញើរព្រះរាជសារ ជូនពរសម្ដេចតេជោ ហ៊ុន សែន នាយករដ្ឋមន្ត្រី ព្រមទាំងសមាជិកសមាជិកាទាំងអស់នៃរាជរដ្ឋាភិបាលកម្ពុជា ទទួលបានជោគជ័យ ក្នុងបេសកកម្មដ៏ថ្លៃថ្លាក្នុងការបង្ការ និងទប់ស្កាត់ការរីករាលដាលនៃជំងឺ COVID-19 ជូនប្រជាជាតិកម្ពុជា ។
តាមបណ្ដាញហ្វេសប៊ុក Royal du Cambodge បានសរសេរថា “ខ្ញុំសូមជូនពរ សម្តេចអគ្គមហាសេនាបតីតេជោ ព្រមទាំងសមាជិក សមាជិកាទាំងអស់ នៃរាជរដ្ឋាភិបាលកម្ពុជា ទទួលបានជោគជ័យក្នុងបេសកកម្មដ៏ថ្លៃថ្លា (ការបង្ការ និងទប់ស្កាត់ការរាលដាលនៃជំងឺ COVID-19) ជូនប្រជាជាតិកម្ពុជា” ៕
