ខេត្តកំពង់ឆ្នាំង ៖ តាមប្រភពព័ត៌មានពីប្រជាពលរដ្ឋឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំងបានឲ្យដឹងថា ក្រុមឈ្មួញជីក.ដឹកអាចម៍លក់ កំពុងធ្វើសកម្មភាពយ៉ាងអាណាធិបតេយ្យក្នុងបឹងមួយកន្លែងយ៉ាងគឃ្លើន ហើយ ត្រូវបានគេសង្ស័យមានឃុបឃិតពីសំណាក់មន្ត្រី នៃមន្ទីរស្ថាប័នជំនាញពាក់ព័ន្ធទាំងអស់ទើបស្ងាត់ឲ្យឈឹងដូច្នេះទោះប្រជាពលរដ្ឋរិះគន់ក៏ដោយ ។
ប្រជាពលរដ្ឋបានឲ្យដឹងថាសកម្មភាពបំផ្លាញបឹងខាងលើស្ថិតនៅត្រង់ចំណុចបឹងគុណក្ដី ស្ថិតក្នុងភូមិវត្តថ្នល់ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ខណដែលគ្រឿងចក្រ និងរថយន្តធុនធំៗនៅទីតាំងនោះ ត្រូវបានគេស្គាល់របស់ថៅកែឈ្មោះ ឡង់ឌី ប៉ុន្តែក្រុមឈ្មួញអះអាងថា ពួកគាត់អត់ដឹងច្បាប់អ្វីនោះទេដឹងតែដឹក ព្រោះអីស៊ីខែពីឈ្មោះ ឡង់ឌី រថយន្ត ១គ្រឿងជាង២០០០ដុល្លារអាមេរិច ហើយក៍មិនទាន់បានធ្វើអ្វីធំដុំនៅឡើយនោះដែរ ។
សូមជម្រាបថា ដីដែលក្រុមឈ្មួញឃុបឃិតគ្នាបំផ្លាញនោះ ជាតំបន់បឹងធម្នជាតិ.ព្រៃលិចទឹក.ជម្រកត្រីពងកូនសម្រាប់បំរើផលប្រយោជន៍សាធារណៈ ។ ប៉ុន្តែឥឡូវត្រូវក្រុមឃ្មួញឃុបឃិតជាមួយមន្ត្រីជំនាញជីកកកាយយកអាចដីលក់យ៉ាងរលូន។
ពាក់ព័ន្ធករណីក្រុមឈ្មួញជីកដឹកអាចម៍ដីលក់ខាងលើក្រុមសារព័ត៌មាន មិនអាចស្វែងរកការបំភ្លឺពីលោក ឡង់ឌី បានទេ ខណៈ លោក ងិន ហ៊ុន ប្រធានមន្ទីរកសិកម្ម រុក្ខាប្រម៉ាញ់ និងនេសាទ បានប្រាប់តាមទូរស័ព្ទដោយនិយាយយ៉ាងខ្លីថា អត់ដឹងតែប៉ុណ្ណោះ ៕
