ខេត្តបន្ទាយមានជ័យ ៖ អនុវត្តតាមបម្រាមរបស់ក្រសួងការបរទេស និងអគ្គនាយកដ្ឋានអន្តោប្រវេសន៍នគរបាលអន្តោប្រវេសន៍ ច្រកទ្វារអន្តរជាតិប៉ោយប៉ែត ចាប់ពីម៉ោងសូន្យៗនាទីថ្ងៃទី១៦ចូលថ្ងៃទី១៧ ខែមីនា ២០២០ និងមិនឲ្យជនបរទេសចំនួន៥ប្រទេសចូលកម្ពុជាឡើយ ខណៈប្រទេសអ៊ឺរ៉ង់នឹងអនុវត្តនៅម៉ោងសូន្យៗថ្ងៃទី១៧ ចូលថ្ងៃទី១៨ ខែមីនា ។
លោកវរសេនីយ៍ឯក ឆោម ភ័ព្វ នាយប៉ុស្តិ៍នគរបាលអន្តោប្រវេសន៍ស្ដីទីច្រកទ្វារអន្តរជាតិប៉ោយប៉ែតបានឲ្យដឹងថា ៖ដោយអនុវត្តតាមការណែនាំរបស់ឯកឧត្ដម នាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍និងតាមការបញ្ជារបស់លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តោប្រវេសន៍ប៉ោយប៉ែត បានចាត់ឲ្យមានការបិតផ្សាយនៅឈ្មោះប្រទេសចំនួន៦ ដែលរដ្ឋាភិបាលហាមមិនឲ្យចូលកម្ពុជា ជៀសវាងការរាលដាលនៃជំងឺវីរុស កូវីដ១៩ ។
ក្រៅពីការបិទផ្សាយនៅចំនួនប្រទេសទាំង៦រួមមាន អ៊ីតាលី អាល្លឺម៉ង់ អេស្ប៉ាញ បារាំង អាមេរិក និងអីរ៉ង់ នគរបាលអន្តោប្រវេសន៍ច្រកអន្តរជាតិប៉ោយប៉ែតបានបិទផ្សាយតាមគោលដៅជាច្រើន នៅវិធានការណ៍ការពារជំងឺវីរុស កូវីដ១៩ ជាពិសេសការចែកម៉ាសជូនដល់ភ្ញៀវទេសចរណ៍ជាតិ និងអន្តរជាតិដែលឆ្លងកាត់តាមច្រកអន្តរជាតិប៉ោយប៉ែត។
យោងតាមកិច្ចប្រជុំផ្សព្វផ្សាយអំពីវិធានការទប់ស្កាត់ ជំងឺវីរុស កូវីដ១៩ នៅអគ្គនាយកដ្ឋានអន្តោប្រវេសន៍នាព្រឹកថ្ងៃទី១៦ ខែមីនា ឆ្នាំ២០២០ ក្រោមអធិបតីឯកឧត្ដម នាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍
ឯកឧត្ដម នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ បានលើកឡើងនូវបញ្ហាមួយចំនួនមានដូចជា អ្នកដំណើរមកពីប្រទេសទាំង៦ មានប្រទេស អ៊ីតាលី អាល្លឺម៉ង់ អេស្ប៉ាញ បារាំង អាមេរិក និងអីរ៉ង់ ហាមចូលប្រទេស ពលរដ្ឋខ្មែរកាន់លិខិតឆ្លងដែនបរទេសនៃប្រទេសទាំង៦ មកពីប្រទេសទាំង៦ ហាមមិនឲ្យចូល អ្នកការទូត អង្គការក្រៅរដ្ឋាភិបាល បរទេសនៃប្រទេសទាំង៦ ដែលមានប័ណ្ណការទូត ពីក្រសួងការបរទេស និងក្រុមគ្រួសារមានប័ណ្ណការទូត និងទិដ្ឋាការ អនុញ្ញាតឲ្យចូល តែត្រូវរក្សាការរស់នៅដាច់ដោយឡែករយៈពេល ១៤ថ្ងៃ ពលរដ្ឋខ្មែរកាន់លិខិតឆ្លងដែនមកពីប្រទេសទាំង៦ អនុញ្ញាតឲ្យចូល តែត្រូវណែនាំឲ្យរស់នៅផ្តាច់ខ្លួនរយៈពេល ១៤ថ្ងៃ ជនបរទេសទាំង៦សញ្ជាតិ មកពីប្រទេសផ្សេងៗ
ដែលគាត់បានស្នាក់នៅលើសពី១៤ថ្ងៃ ត្រូវមានភស្តុតាងបញ្ជាក់ត្រឹមត្រូវ Stamps ឯកសារបញ្ជាក់ផ្សេងៗ ទើបអនុញ្ញាតឲ្យចូល ចំពោះ Pilots ដែលមានការហោះហើរដល់ប្រទេសនោះហើយ ស្នើឲ្យចូល ត្រូវពិនិត្យចត្តាឡីស័កច្បាស់លាស់ រក្សារយៈពេល ១៤ថ្ងៃ ដូចគ្នា។
ជាមួយគ្នានេះដែរ ឯកឧត្តម នាយឧត្តមសេនីយ៍ គៀត ច័ន្ទថារិទ្ធ បានដាក់ចេញ នូវវិធានការត្រួតពិនិត្យលើបញ្ជីឈ្មោះ អ្នកដំណើរតាមផ្លូវអាកាស (Manifest) មកពិនិត្យមុននឹងវាយតម្លៃភ្ញៀវចូល ត្រួតពិនិត្យ Stamps ចូលប្រទេសនានា ដើម្បីឆែកប្រវត្តិដំណើរ សំណូមពរឲ្យបង្ហាញ Boarding Pass មុន Last Destination ត្រូវបំពេញអាសយដ្ឋាន និងលេខទំនាក់ទំនងឲ្យបានច្បាស់លាស់, ត្រូវធ្វើការសម្ភាសន៍ ត្រូវបង្កើនចំនួនប្រធានគោលដៅ នាយរងប៉ុស្តិ៍តាមវេន, ត្រូវឲ្យគូសសញ្ញា Tick Yes, No ឈ្មោះប្រទេសដែលគាត់រស់នៅ ១៤ថ្ងៃ ត្រូវមានរបាយការណ៍ជាប់ជាប្រចាំអំពីបញ្ហា Covid 19 ត្រូវសហការល្អជាមួយផ្នែកចត្តាឡីស័ក និងពិនិត្យការយកចិត្តទុកដាក់ ត្រូវមានវិធានការការពារ ការឆ្លងរបស់មន្ត្រី ត្រូវពាក់ស្រោមដៃ និងម៉ាស់៕
