ខេត្តកោះកុង ៖ បន្ទាប់ពីមន្ត្រីបរិស្ថាន ស្រុកបូទុមសាគរ ខេត្តកោះកុង បានចាប់ឈើបាន១អាទិត្យក្រោយមក ទើបលិចលឺឈ្មោះ មេឈ្មួញរកស៊ីឈើដុះស្លែពីរនាក់ប្ដីប្រពន្ធ មានឈ្មោះចែ ហុយ និងប្ថីឈ្មោះ ពូ ភ័ក្ដ្រ រស់នៅក្នុងភូមិចំការលើ ឃុំថ្មស ស្រុកបូទុមសាគរ ខេត្ត កោះកុង ដែលជាម្ចាស់ឈើអត់ច្បាប់ទាំងនោះ។
គួររំលឹកថា មន្ត្រីបរិស្ថានចាប់ឈើនេះក្រោមបទបញ្ជារបស់លោក
អ៊ឺង មន្នី ហៅ ពូវ៉ាត ដែលជាប្រធានការិយាល័យបរិស្ថានស្រុកបូទុមសាគរ និងបានសហការគ្នាជាមួយអ្នកសារព័ត៌មាន បានចាប់ឈើដែលលាក់ទុកនៅក្នុងព្រៃ នៅចំណុចព្រែកតាតី ឃុំថ្មស ស្រុកបូទុមសាគរ ខេត្តកោះកុង ហើយឈើនេះជាប្រភេទឈើស្រោល កម្រិតជិតផុតពូជហើយ។
តាមប្រភពច្បាស់ការពីប្រជាពលរដ្ឋបាននិយាយប្រាប់អ្នកសារព័ត៌មានថា ឈើស្រោលនេះដឹកចេញមកពីចំណុចគេហៅភ្នំ កូនកុក ស្ថិតនៅក្នុងស្រុកគីរីសាគរ ឆ្លងកាត់មកស្រុកបូទុមសាគរ។ តាមប្រភពដដែលបន្តថា ឈើនេះដឹកតាមឡាននៅពេលយប់យកមកដាក់ ទូក នៅចំណុចព្រែកតាតី ហើយដឹកចេញទៅលក់នៅ កំពង់សោម ឬ ទៅលក់នៅប្រទេសថៃ ឈើនេះ ប្រភេទគេហៅឈើ មៃ តាប់ ។
តាមប្រភពច្បាស់ការពីប្រជាពលរដ្ឋនៅភូមិចំការលើនិយាយប្រាប់អ្នកសារព័ត៌មានថា ទូកដាក់ឈើចែ ហុយ ពូ ភ័ក្ត្រ នេះ ដាក់ក្នុង១ទូក ចំណុះ៩ម៉ែត្រគីប ហើយរត់ក្នុង១ខែ ពី៨ឡើងទៅ១០ឡើងឯនោះ នេះតាមប្រភពព័ត៌មានពីប្រជាពលរដ្ឋ។ ប្រភពដដែលបន្តទៀតថា ពីរ នាក់ប្ដីប្រពន្ធរូបនេះ រកស៊ីដឹកឈើអត់ច្បាប់រាប់សឹបឆ្នាំមកហើយ លួចដឹកតែពេលយប់ទេ ហើយមិនដែលមានអ្នកណាចាប់គាត់បានទេ ទើបតែពេលនេះ ឃើញមានមន្ត្រីបរិស្ថានចាប់បានតែឈើ២៦ដុំ ស្មើនឹងមួយម៉ែត្រគីបហុកសិប។ ឈើនេះខាង បរិស្ថាន បានយកមករក្សាទុក នៅស្នាក់ការបរិស្ថាន ស្រុកបូទុមសាគរ។
ប្រភពដដែលបន្តថា ឈើម៉ៃតាប់នេះ យកទៅលក់ក្នុង១ម៉ែត្រគីប តំលៃ២ ០០០ ០០០រៀល (ពីរលានរៀល)។
ចំណែកអ្នកសារព័ត៌មាន បានទូរស័ព្ទទៅសួរពីរនាក់ប្ដី ប្រពន្ធ ពូ ភ័ក្ត្រ គាត់ថា ឈើនេះដឹកយកទៅថ្មសទេ ធ្វើតុរ ទូ ចំណែក ចែ ហុយ ឆ្លើយថា ដឹកយកមកចំការលើ ប្រើប្រាស់យកមកធ្វើជើងគ្រែទេ ហើយក៍បឹត ទូរស័ព្ទទៅ ដែលនេះជាការ ឆ្លើយបំភ្លឺរបស់ពីរនាក់ ប្ដីប្រពន្ធឈ្មួញរកស៊ីឈើខុសច្បាប់ខាងលើនេះ។
ប្រជាពលរដ្ឋរង់ចាំមើល អាជ្ញាធរដែលពាក់ព័ន្ធ នៅក្នុងរឿងនេះមានវិធានការយ៉ាងណាទៅចំពោះឈ្មួញដែលរកស៊ីបទល្មើសព្រៃឈើពីរនាក់ ប្តីប្រពន្ធរូបនេះ ដែលជាមេឈ្មួញឈើដុះស្លែប្រចាំតំបន់នេះ៕(ដោយយួនឈីវ)
