ខេត្តបន្ទាយមានជ័យ ៖ នាពេលកន្លងមក កម្លាំងនគរបាលអន្តោប្រវេសន៍ក្រុងប៉ោយប៉ែត ដែលដឹកនាំដោយលោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត ចែកម៉ាសហ្វ្រីជូនដល់ភ្ញៀវជាតិ-អន្តរជាតិ អាជីវករ កម្មករ ពលករ អ្នករត់ម៉ូតូឌុប ដែលធ្វើដំណើរឆ្លងកាត់តាមច្រកព្រំដែនអន្តរជាតិប៉ោយប៉ែត ខេត្តបន្ទាយមានជ័យ នៃប្រទេសកម្ពុជា ដើម្បីការពារសុវត្ថិភាព ខណៈដែលបណ្ដាប្រទេសមួយចំនួនលើពិភពលោកកំពុងកើត និងឆ្លងរាតត្បាតជំងឺរលាកផ្លូវដង្ហើមបង្កឡើងដោយវីរ៉ុសកូរ៉ូណាប្រភេទថ្មីដេលហៅថាcovid19។
តាមប្រភពពត៌មានបានឲ្យដឺងថា នាពេលកន្លងមក កម្លាំងនគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត បានធ្វើសកម្មភាពចែកម៉ាសហ្វ្រីជូនពលរដ្ឋកម្ពុជា ភ្ញៀវជាតិ-អន្តរជាតិ យ៉ាងសកម្ម ចែកម៉ាសចំនួន១លានម៉ាសហ្វ្រីរយៈពេល១ខែ ដើម្បីការពារសុវត្ថិភាពជូនប្រជាពលរដ្ឋកម្ពុជាផងដែរ។
គួររំលឹកថា ថ្ងៃទី២៧ ខែមករា ឆ្នាំ២០២០កន្លងទៅ នៅចំណុចច្រកចេញ-ចូលគល់ស្ពានមិត្តភាពកម្ពុជា-ថៃ ស្ថិតភូមិក្បាលស្ពាន១ សង្កាត់-ក្រុងប៉ោយប៉ែត ខេត្តបន្ទាយមានជ័យ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត លោកឧត្ដមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត បានដឹកនាំមន្រ្តីក្រោមឱវ៉ាត ចុះធ្វើការចែកម៉ាសជូនដល់ភ្ញៀវទេសចរណ៍ជាតិ-អន្តរជាតិ អាជីវករ ពលករ កម្មករអូសរទេះ អ្នករត់ម៉ូតូឌុប ដែលធ្វើដំណើរឆ្លងកាត់ទីនោះដោយឥតគិតថ្លៃ ហើយមន្ត្រីនគរបាលអន្តោប្រវេសន៍បន្តចែករហូតដល់អស់ម៉ាស។
ប្រជាពលរដ្ឋសម្តែងនូវការគាំទ្រចំពោះសកម្មភាពចែកម៉ាសរបស់លោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិប៉ោយប៉ែត ហើយសំណូមពរសុំឲ្យលោកធ្វើបន្តទៀតបើមានលទ្ធភាពអាចធ្វើទៅបាន៕
