ខេត្តព្រៃវែង ៖ នៅព្រឹកថ្ងៃច័ន្ទនេះ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រខ្មែរ ជាទីគោរពសក្តារៈដ៏ខ្ពង់ខ្ពស់បំផុត បានសព្វព្រះរាជហឫទ័យយាងចុះសុខទុក្ខ និងប្រោសព្រះរាជទាន ព្រះរាជអំណោយដល់ប្រជាពលរដ្ឋជាង៦០០គ្រួសារ នៅភូមិស្រម៉ ឃុំត្រពាំងស្រែ ស្រុកមេសាង ខេត្តព្រៃវែង។
នៅក្នុងព្រះរាជដំណើរយាងចុះសួរសុខទុក្ខប្រជាពលរដ្ឋស្រុកមេសាងនោះ ព្រះអង្គក៏បានរៀបចំអាហារមួយចំនួនជូនកុមារជាង ៤០០នាក់ផងដែរ។ តាមព្រះរាជសកម្មភាពទាំងនេះ បានបង្ហាញឱ្យឃើញថា ព្រះមហាក្សត្រខ្មែរ បានយកព្រះទ័យទុកដាក់យ៉ាងជ្រាលជ្រៅបំផុតចំពោះសុខទុក្ខរបស់ប្រជាពលរដ្ឋនៅតាមទីជបនបទ ខណដែលប្រជាពលរដ្ឋក៏បានបង្ហាញនូវក្តីគោរពស្រឡាញ់យ៉ាងជ្រាលជ្រៅប្រកបដោយភាពស្មោះស្មគ្រ័ចំពោះព្រះមហាក្សត្រនៃកម្ពុជាផងដែរ ៕
