ខេត្តកំពង់ធំ ៖ ថ្លែងនៅក្នុងកិច្ចប្រជុំ ជួបជាមួយអ្នកសារព័ត៍មាន និងមន្ត្រីរាជការ នៅក្នុងខេត្តកំពង់ធំចំនួនជាង100នាក់ ក្នុងរយះពេល1ឆមាសម្តង នៅរសៀលថ្ងៃទី២៧ ខែកុម្ភៈ ឆ្នាំ២០២០ នេះឯកឧត្តម សុខ លូ អភិបាលខេត្តកំពង់ធំ បានប្រាប់ទៅដល់គ្រប់ប្រធានមន្ទីរ អង្គភាពនៅក្នុងខេត្តទាំងអស់ ត្រូវចូលរួមសហការជាមួយអ្នកសារពត៍មាន ខណៈដែលអ្នកសារព័ត៍មាន បានស្នើសុំការបំភ្លី តាមមន្ទីរណាមួយ ព្រោះថាអ្នកសារព័ត៍មានគឺជាកញ្ចក់ឆ្លុះបញ្ចាំង ទិដ្ឋភាពសង្គម ហើយចំណែកអ្នកសារព័ត៍មានវិញ ក៏ត្រូវមានការយោគយល់ ត្រូវសរសេរព័ត៍មានដែលពិត មិនបំពាន់សិទ្ធអ្នកដ៏ទៃ កុំបំភ្លៃការពិត ហើយម្យ៉ាងវិញទៀត ខ្លួនឯកឧត្តមផ្ទាល់ក៏បានយកអ្នកសារព័ត៍មាន ផ្តល់ព័ត៍មានដល់ឯកឧត្តម ដោយផ្ទាល់ដែរ ពីព្រោះព័ត៍មានសំខាន់ណាស់ បើមានព័ត៍មានច្បាស់ ទើបមានការស្ថាបនា ព្រោះពេលខ្លះ មន្ត្រីរបស់ខ្លួនមួយចំនួន បានលាក់បាំងព័ត៍មាន ដោយមិនបានរាយការណ៏ជូនលោកឡើយ។
ថ្លែងនៅក្នុងកិច្ចប្រជុំនេះដែរ លោក ហេង សេងលី នាយកការផ្សាយទូរទស្សន៏ស្លឹករឹត បានលើកឡើងថា លោកមានសេចក្តីរីករាយ យ៉ាងខ្លាំងចំពោះ ភាពរីកចម្រើន របស់ខេត្តកំពង់ធំ នាពេលបច្ចប្បន្ននេះ មានហេដ្ឋរចនាសម្ព័ន្ធ ដូចជាផ្លួវក្រវ៉ាត់ក្រុង និងការអភិវឌ្ឍ បែបប្រវត្តិសាស្ត្រ ជាបន្តបន្ទាប់ ហើយចំពោះបញ្ហាប្រឈមមួយចំនួនដែលអ្នកសារព័ត៍មាន បានជួបបញ្ហាខ្លះៗនោះ គឺអ្នកសារព័ត៍មាន ពិបាកក្នុងការសុំបទសម្ភាសន៏ ពីបណ្តាមន្ទីរ អង្គភាពមួយចំនួន មិនលើកទូរស័ព្ទុំ។
ក្នុងនោះដែល ឯកឧត្តមបានផ្តល់ថវិកាជូនអ្នកសារពត៌មានក្នុងខេត្តក្នងម្នាក់ៗទទួលបានថវិកាចំនួន20ម៉ឺនរៀលរួមទាំងបាយសាមគ្គីនៅអាគារគឹមសេងផងដែរ ៕
