ខេត្តឧត្តរមានជ័យ ៖ បទ ល្មើសព្រៃឈើនៅក្នុងខេត្តឧត្តរ
មានជ័យ នៅតែបន្តយ៉ាងសកម្ម ក្រោមរូបភាពនៃការប្រើប្រាស់ អាជ្ញាប័ណ្ណរបស់ក្រុមហ៊ុនកាស៊ី ណូមួយនៅច្រកទ្វារអន្តរជាតិជាំ សាង៉ាំ ជាប់ព្រំដែនកម្ពុជា-ថៃ ខេត្តឧត្តរមានជ័យសកម្មភាពនេះ ត្រូវបានគេដឹងថា ចរាចរណ៍ដឹក ជញ្ជូនឈើគ្រប់ប្រភេទកើត ឡើងជាង ៤ឆ្នាំមកហើយ ។
ប្រភពព័ត៌មានមាត់ចាប មាត់ព្រាបបានលើកឡើង ២ ករណីផ្សេងគ្នាថា ៖ ក្រុមហ៊ុន កាស៊ីណូ លឹម ហេង គ្រូប បាន ប្រមូលទិញឈើចំរុះក្នុងស្រុក យកទៅកែឆ្នៃជាគ្រឿងសង្ហារឹម សម្រាប់ប្រើប្រាស់នៅក្នុងកាស៊ី ណូ ហើយប្រភពមួយផ្សេង ទៀតលួចបង្ហើបប្រាប់ថា ឈើ ទាំងនោះបាននាំចូលទៅដាក់ ក្នុងឃ្លាំងរបស់ក្រុមហ៊ុនដែល នៅជាប់ច្រកព្រំដែនអន្តរជាតិជាំ សាង៉ាំ សម្រាប់កែឆ្នៃជាគ្រឿង សង្ហារឹមដោយរោងម៉ាស៊ីនមួយ កន្លែង រួចហើយបន្តនាំឆ្លងដែន នាំចូលទៅប្រទេសថៃ ហើយ ប្រភពព័ត៌មាននោះបានបញ្ជាក់ បន្ថែមថា ការរកស៊ីបែបនេះ របស់ក្រុមហ៊ុនកាស៊ីណូ លឹម ហេង មានរយៈពេល៤ឆ្នាំមក ហើយក៏ប៉ុន្តែមន្ត្រីជំនាញរដ្ឋបាល ព្រៃឈើក៏ដូចជាសមត្ថកិច្ចជំនាញនានា ដែលពាក់ព័ន្ធមិន ហ៊ានបង្ក្រាបនោះឡើយ ។
ជាក់ស្តែង នៅពេលថ្មីៗនេះ នៅឃុំលំទង ស្រុកអន្លង់វែង ខេត្តឧត្តរមានជ័យ មានរថយន្ត ដឹកឈើរបស់ក្រុមហ៊ុន លឹម ហេង កំពុងតែធ្វើសកម្មភាព លើកដាក់ដឹកឈើចេញពីចំណុច ភូមិលំទងចាស់ ។ លោកមេការ ដឹកឈើម្នាក់បានប្រាប់ថា ការ ដឹកជញ្ជូនឈើនេះ គឺក្រុមហ៊ុន លឹម ហេងមានអាជ្ញាប័ណ្ណត្រឹម ត្រូវហើយបានរត់ការដល់មេ សមត្ថកិច្ចជំនាញទៀតផង ។
មានប្រភពព័ត៌មានផ្សេង ទៀត ចេញពីតំបន់រកស៊ីដឹកឈើ នោះ បាននិយាយថា ៖ ជារៀង រាល់ថ្ងៃនៅតាមខ្សែរបន្ទាត់ព្រំដែនខេត្តឧត្តរមានជ័យ ក្រុមហ៊ុន លឹម ហេង បានប្រើប្រាស់រថយន្ត បែនដឹកដីប្រមូលទិញឈើចំរុះពី ប្រជាពលរដ្ឋនៅជាប់តំបន់ព្រៃ អភិរក្សសហគមន៍ដឹកជញ្ជូនប្រមូលទុក ដែលមួយកន្លែងៗ មាន រាប់សិបម៉ែត្រត្រីគុណ ។
មន្ត្រីជំនាញរដ្ឋបាលព្រៃឈើ ម្នាក់បានឱ្យដឹងថាចំពោះសកម្ម ភាពដឹកជញ្ជូនឈើរបស់ក្រុមហ៊ុន ខាងលើគឺមានច្បាប់អនុញ្ញាត ដឹកជញ្ជូនគ្រប់គ្រាន់តែលោកមិន អាចបញ្ជាក់បានទេថា ច្បាប់ នោះត្រឹមត្រូវដែរឬអត់ហើយ ច្បាប់នោះចេញពីប្រភពណា នោះទេ តែលោកគ្រាន់តែដឹង បានថា ក្រុមហ៊ុនកាស៊ីណូ លឹម ហេង មានសិទ្ធប្រមូលទិញ និង ដឹកជញ្ជូនឈើឆ្លងដែនចូលទៅ ប្រទេសថៃ ។
ជុំវិញបញ្ហាក្រុមហ៊ុនកាស៊ី ណូ លឹម ហេង រកស៊ីដឹកជញ្ជូន ឈើ តើវាពិតជាស្របច្បាប់មែន ឬមិនមែននោះគ្មានប្រភពណា មួយបញ្ជាក់ឱ្យបានច្បាស់លាស់ នោះទេ ជួនកាលអាចថា ក្រុម ហ៊ុនពិតជាមានច្បាប់អនុញ្ញាតិ ឱ្យដឹកជញ្ជូនឈើទាំងនោះពិត ប្រាកដមែនជួនកាលអាចមាន ជនខិលខូចយកឥទ្ធិពលរបស់ ក្រុមហ៊ុនបន្លំភ្នែកសមត្ថកិច្ចរកស៊ី ក្នុងល្បិចស្វាលួចស៊ីបាយរួចយក បាយលាបមាត់ពពែដើម្បីទម្លាក់ កំហុសឱ្យអ្នកដទៃ ៕
