រាជធានីភ្នំពេញ ៖ ម៉ោង៩ព្រឹកថ្ងៃទី០៤ ខែកុម្ភៈ ឆ្នាំ២០២០ មានករណីធ្លាក់ដងស្ទូចនៃសំណង់អគារខុនដូរខ្ពស់មួយកន្លែងនៅក្នុងខ័ណ្ឌចំការមន កាលពីវេលាម៉ោង៩ព្រឹកថ្ងៃទី០៤ ខែកុម្ភៈ ឆ្នាំ២០២០ បណ្ដាលឲ្យត្រូវអេស្កាវ៉ាទ័រមួយគ្រឿង និងរថយន្តមួយគ្រឿងទៀតរបស់ស្ថានទូតអាមេរិក ព្រមទាំងរងរបួសមន្ត្រីស្ថានទូតម្នាក់ថែមទៀត សមត្ថកិច្ចបានឃាត់ខ្លួនមេការជនជាតិចិនម្នាក់និងមេការខ្មែរម្នាក់។
ករណីនេះកើតឡើងនៅចំណុចសំណង់អគារខុនដូ ផ្លូវថ្មី សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
សមត្ថកិច្ចមូលដ្ឋានបានបញ្ជាក់ថា មុនពេលកើតហេតុ ក្រុមជំនាញខាងបច្ចេកទេសដងស្ទូចនៃសំណង់អគារនេះបានរុះរើដើម្បីបិទបញ្ចប់ការសាសង់របស់ខ្លួន ប៉ុន្តែមិនដឹងជារុះរើខុសបច្ចេកទេសឬក៏យ៉ាងណានោះទេ ក៏ស្រាប់តែបាក់ដងស្ទូចធ្លាក់មកដល់ដី បណ្ដាលឲ្យត្រូវអេស្កាវ៉ាទ័រមួយគ្រឿង និងរថយន្តមួយគ្រឿងទៀតរបស់ស្ថានទូតអាមេរិក រួមទាំងរងរបួសមន្ត្រីស្ថានទូតម្នាក់ថែមទៀត ។ អាជ្ញាធរបានសម្រេចបិទការដ្ឋានខាងលើក្រោយកើតហេតុ ៕
