ខេត្តកោះកុង ៖ ឧប្បត្តិហេតុមួយបានកើតឡើង ដោយឡានដឹកទឹកកកមួយគ្រឿងយ៉ាងកញ្ចាស់ម៉ាកហ៊ីហិនដាយកែឆ្នៃពណ៌លឿង ពាក់ផ្លាកលេខ 3A 6573 ព្រះសីហនុ បានដឹកទឹកកពីខេត្តកំពតបើកលឿនយ៉ាងប្រញាប់យកមកចែកចាយនៅស្រុកស្រែអំបិល (ផ្សារស្រែអំបិល) ខេត្តកោះកុងក្រឡាប់។
សមត្ថកិច្ចមូលដ្ឋានប៉ុសី្តប្រាប់ថា មិនបានស្គាល់ឈ្មោះតៃកុងឡានដឹកទឹកកកនោះទេ គ្រាន់តែដឹងម្ចាស់ឡានទឹកកកនោះនៅស្រុកស្រែអំបិល។ លុះមកដល់ចំណុចគីឡូម៉ែត្រ១៥០ ចន្លោះគីឡូម៉ែត្រ១៥១លើផ្លូវជាតិលេខ៤ ស្ថិតក្នុងភូមិបឹងព្រាវ ឃុំអូរជ្រៅ ស្រុកស្រែអំបិល ខេត្តកោះកុង ម៉ោងប្រហែល៤និង៣០ទៀបភ្លឺ ព្រឹកថ្ងៃអាទិត្យ ទី០២ ខែកុម្ភៈ ឆ្នាំ២០២០ ឡានដឹកទឹកកករាប់រយដើម បានក្រឡាប់ដាច់កង់មុខទាំងពីរ បណ្ដាលឲ្យចាក់ទឹកកកចាក់ចោលធ្លាក់ពាសពេញលើផ្លូវជាតិលេខ៤ តែសំណាងល្អមិនឲ្យនរណារងរបូសដល់អ្នកដទៃទេ ធ្វើឲ្យរថយន្តជាច្រើនដែលធ្វើដំណើរបានកកស្ទះជាច្រើនម៉ោងត្រូវរងចាំយកត្រាក់ទ័រគូបូតាកង់កៅស៊ូឈួសទឺកកកចេញ ទើបអាចធ្វើចរាចរណ៍ទៅមុខបាន ចំនែកតៃកុងរថយន្តនឹងព្រូរថយន្តរងរបួសជាទម្ងន់ដឹកទៅសង្រោ្គះនៅមន្ទីរពេទ្យ៕
