ខេត្តសៀមរាប ៖ លោក ខាំ លឿ ប្រធានក្រុមប្រឹក្សាឃុំកណ្តែក ស្រុកប្រាសាទបាគង ខេត្តសៀម រាបបានច្រានចោលចំពោះការ ចុះផ្សាយជាសាធារណៈរបស់ គេហទំព័របណ្តាញព័ត៌មានក្នុង ស្រុកនិងបណ្តាញទំនាក់ទំនង សង្គមផងដែរនៅចំពោះមុខការ ចោទសួរពីសំណាក់អ្នកយកព័ត៌ មាននាពេលថ្មីៗនេះនៅសាលា ឃុំកណ្តែកអំពីករណីចោទប្រកាន់ថា រូបលោកបានប្រើប្រាស់ ការគំរាមកំហែងគៀបសង្កត់ ប្រជាជនចាប់បង្ខំឱ្យផ្តិតមេដៃ ដើម្បីលក់ដីអាងទំនប់៧៨នៅ ក្នុងភូមិឃុនមោឃ ។ អាងទំនប់ នោះមានគុណប្រយោជន៍បំរើឱ្យ ដល់ការងារបង្កបង្កើនផលស្រោច ស្រពដីស្រែប្រាំងប្រមាណជិត ១០០០ហិកតាដែលមានប្រជា ពលរដ្ឋចំនួន ៦ភូមិ រួមអាស្រ័យ ផលផងដែរ ។
លោកបាននិយាយថា ការ ចោទប្រកាន់នោះគឺជាការមួល បង្កាច់បណ្តាលឱ្យប៉ះទង្គិចដល់ កិត្តិយសរបស់លោកយ៉ាងធ្ងន់ធ្ងរ ក្នុងនាមលោកជាអាជ្ញាធរមូល ដ្ឋានមានកាតព្វកិច្ចបំរើប្រជាជន នោះ ។
លោក ខាំ លឿ មេឃុំ កណ្តែកបានបង្ហាញឯកសារភស្តុ តាងស្តីពីការស្នើសុំស្តារអាងទឹក ទំនប់៧៨ ចំនួនមួយច្បាប់ ស្មើ នឹង ៦ សន្លឹក ។ នៅក្នុងសំណុំ ឯកសារនោះមានស្នាមមេដៃ ប្រជាពលរដ្ឋរស់នៅទំនប់៧៨ ចំនួន៥សន្លឹក ស្មើនឹងស្នាមមេដៃ ចំនួន ៥៤នាក់ ចុះថ្ងៃទី១៥ ខែធ្នូ ឆ្នាំ២០១៥ ។ សន្លឹកស្នាមមេដៃ នោះបានប្រគល់ទៅឱ្យតំណាង របស់ខ្លួនមានចំនួន ៥ នាក់ ធ្វើ ពាក្យទៅប្រធានឃុំ តាមរយៈ លោកមេភូមិដែលមានចែងនៅ ក្នុងកម្មវត្ថុ ដោយសរសេរថា សំណើសុំការអនុញ្ញាតស្តារអាង ទឹកទំនប់៧៨ ដោយបញ្ជាក់នៅ ក្នុងសំណើនោះថា ដើម្បីអាច រក្សាពូជត្រីមានទឹកសម្រាប់សត្វ ពាហនៈនិងស្រោចស្រពដំណាំ ស្រូវប្រាំង ។ នៅលើសំណើនោះ ពុំទាន់មានចំណាររបស់មេភូមិ និងការឯកភាពរបស់លោកមេ ឃុំនោះឡើយ ។
លោកមេឃុំ ខាំ លឿ បាន បកស្រាយឱ្យដឹងថា ក្រោយពី បានទទួលសំណើនេះក្នុងជួរក្រុម ប្រឹក្សាឃុំ គ្រោងនឹងកោះប្រជុំ ដោយឱ្យមានការចូលរួមពីសំណាក់មេភូមិដែលពាក់ព័ន្ធផង ដែរ ក៏ប៉ុន្តែស្រាប់តែមានបញ្ហា ចុះផ្សាយមួលបង្កាច់នេះតែម្តង ។
ជាមួយនេះក៏មានការបំភ្លឺ ផងដែរ ពីសំណាក់លោក សំ មៀម ជំទប់ទី២ មកពីគណបក្ស សមរង្ស៊ី បាននិយាយថារូបគាត់ មិនបានឃើញ លោកមេឃុំ ខាំ លឿ លក់ដីឫក៏បង្ខិតបង្ខំប្រជា ពលរដ្ឋឱ្យផ្តិតមេដៃនោះឡើយ ។
ចំណែកលោក ទូច ហូយ ជាជំទប់ទី ១ មកពីគណបក្ស ហ្វុនស៊ិនប៉ិច បានឱ្យដឹងថាប្រជា ពលរដ្ឋ បានធ្វើពាក្យស្នើរសុំមក ឃុំមែន ប៉ុន្តែការលក់ដូរដីទំនប់ ៧៨ ឫការបង្ខំប្រជាពលរដ្ឋ ឱ្យ ផ្តិតមេដៃនោះ គឺមិនមាននោះ ទេ ។ ចំពោះលោក សៀក រ៉ិច ដែលជាអ្នកបង្ហាញខ្លួនតាមព័ត៌ មានក្នុងស្រុកវិញ បាននិយាយ ថា គាត់មិនបានចោទប្រកាន់ ទៅលោកមេ ឃុំ ខាំ លឿ តាម ប្រព័ន្ធផ្សព្វផ្សាយនោះឡើយ ហើយគាត់ក៍មិនបានចោទប្រកាន់លោកមេឃុំបង្ខំឱ្យប្រជា ពលរដ្ឋណាឱ្យផ្តិតមេដៃនោះ ដែរ ។ រីឯប្រជាពលរដ្ឋនៅក្នុង ភូមិឃុនមោឃចំនួន ៥៣គ្រួសារ បានអះអាងថា ជុំវិញការចោទ ប្រកាន់ថាលោកមេឃុំកណ្តែក លក់អាងស្តុកទឹក និងធ្វើការ បង្ខិតបង្ខំ ឱ្យពួកគាត់ផ្តិត មេដៃ នោះជាប្រឌិតឡើងរបស់បុគ្គល មួយចំនួនដែលខ្លួនឯងធ្វើអំពើ អាក្រក់នោះទេ ពួកគាត់ធានា ថា វាមិនមែនជាការពិតនោះ ឡើយ ៕
