ខេត្តកណ្តាល ៖ នៅថ្ងៃទី ២៥ ខែមករា ឆ្នាំ២០១៥ អ្នកភូមិនៅ កោះអន្លង់ចិន ឃុំអន្លង់ចិន ស្រុកស្អាង ខេត្តកណ្តាល បានប្រមូល ផ្តុំគ្នាធ្វើបាតុក្មតវ៉ាទៅនឹងការធ្វើ អាជីវកម្មបូមខ្សាច់របស់ក្រុមហ៊ុន សុខ ទៀង អ៊ឹមផត អ៊ិចផត ដែលអះអាងថា មានច្បាប់អនុ ញ្ញាតឱ្យរដ្ឋមន្ត្រីក្រសួងរ៉ែនិង ថាមពល ។
យ៉ាងហោចណាស់មាន ម៉ាស៊ីននិងសាឡង់បូមខ្សាច់ក្រុម ហ៊ុនសុខ ទៀង អ៊ីមផត អ៊ិចផត ជិត១០គ្រឿងចាប់ផ្តើមដំណើរ ការបូមខ្សាច់ កាលពីថ្ងៃទី ២៥ ខែមករា ឆ្នាំ២០១៥ ធ្វើឱ្យអ្នក ភូមិជ្រួលច្របល់ព្រួយបារម្ភយ៉ាង ខ្លាំងពីការធ្វើអាជីវកម្មនេះអាច នឹងប៉ះពាល់ដល់លំនៅឋានរបស់ ពួកគាត់ហើយខាងក្រុមហ៊ុនបាន សម្រេចផ្អាកបណ្តោះអាសន្ន ដើម្បីរង់ចាំមានដំណោះស្រាយ ។
ការតវ៉ារបស់ប្រជាពលរដ្ឋបានប្រើផាវ និងកាំជ្រួចបាញ់ ដុតកង់ឡានរួមទាំងប្រើប្រាស់ ទូកយ៉ាងតិច៧គ្រឿង បើកតាម ដងទន្លេដើម្បីប្រឆាំងតវ៉ាជាមួយ នឹងក្រុមហ៊ុនមួយនេះ ធ្វើយ៉ាង ណាឱ្យអាជ្ញាធរ ស្ថាប័នពាក់ព័ន្ធ ពិសេសប្រមុខរាជរដ្ឋាភិបាលគួរ បញ្ឈប់ការធ្វើអាជីវកម្មបូម ខ្សាច់របស់ក្រុមហ៊ុន សុខ ទៀង ដែលក្នុងគោលដៅធ្វើអាជីវកម្ម ខ្សាច់សំណង់លើផ្ទៃដីសរុប ៣១ ,៧៧ហិកតានៅតំបន់កោះអន្លង់ ចិន ស្រុកស្អាង ខេត្តកណ្តាល ។
អ្នកភូមិជាច្រើននាក់និយាយថា ប្រសិនបើពុំមានវិធានការ អន្តរាគមន៍ ណាមួយពីអាជ្ញាធរ ស្ថាប័នពាក់ព័ន្ធលំនៅឋានរបស់ ពួកគាត់អាចប្រឈមនឹងហានិ ភ័យខ្ពស់បាក់ច្រាំងប៉ះពាល់ដល់ការរស់ប្រចាំថ្ងៃ ។
ប្រជាពលរដ្ឋជាច្រើនបាន និយាយពួកគាត់នឹងបន្តនាំគ្នាធ្វើ ការតវ៉ាដោយអហិង្សាគ្រាន់តែ ប្រើប្រាស់ទូកម៉ាស៊ីនដុតកង់ឡាន ឬប្រើផាវកាំជ្រួចដើម្បីប្រឆាំង តវ៉ាចំពោះការធ្វើអាជីវកម្មបូម ខ្សាច់របស់ក្រុមហ៊ុ នសុខ ទៀង អ៊ីមផត អ៊ិចផត ប្រសិនបើពុំ មានដំណោះស្រាយហើយក្រុម ហ៊ុននេះនៅតែបន្តសកម្មភាព របស់ខ្លួនតាមអាជ្ញាប័ណ្ណអណ្តូង រ៉ែបើក និងការដ្ឋានវាយថ្ម ដែល អនុញ្ញាតដោយលោករដ្ឋមន្ត្រី ស៊ុយ សែមនោះ ។
គួររំលឹកថា កាលពីថ្ងៃទី១៩ ខែមករា ឆ្នាំ២០១៥ លោក ស៊ុយ សែម រដ្ឋមន្ត្រីក្រសួងរ៉ែនិង ថាមពលបានចេញអាជ្ញាប័ណ្ណ អណ្តូងរ៉ែបើក និងការដ្ឋានវាយ ថ្មអនុញ្ញាតឱ្យក្រុមហ៊ុនសុខទៀង អ៊ីមផត អ៊ិចផត មានអាសយ ដ្ឋានផ្ទះលេខ៣០៨ ភូមិដើមចន្ទ សង្កាត់ច្បារអំពៅទី២ ខណ្ឌ មានជ័យ ធ្វើអាជីវកម្មខ្សាច់សំ ណង់នៅតំបន់កោះអន្លង់ចិន ឃុំអន្លង់ចិន ស្រុកស្អាង ខេត្ត កណ្តាលលើផ្ទៃដីសរុប៣១,៧៧ ហិកតា ។
ការធ្វើអាជីវកម្មបូមខ្សាច់ ដែលគេចាត់ទុកថា ជាមាសស នៅទូទាំងប្រទេសកំពុងតែត្រូវ ប៉ាន់សម្រាប់ក្រុមហ៊ុនដែលរកស៊ី របរនេះ តែវាបណ្តាលឱ្យកើត ការព្រួយបារម្ភពីប្រជាពលរដ្ឋ ដែលរស់នៅតាមដងទន្លេដោយ សារមានការបាក់ស្រុតច្រាំង ទន្លេជាបន្តបន្ទាប់ប៉ះពាល់យ៉ាង ធ្ងន់ធ្ងរដល់លំនៅដ្ឋានដីចម្ការ របស់ប្រជាពលរដ្ឋបាក់ស្រុតធ្លាក់ ចូលក្នុងបាតទន្លេបណ្តាលឱ្យ ប្រជាពលរដ្ឋខ្វះទីជម្រកក៏ដូចជា ការបង្កបង្កើនផលប៉ះពាល់ដល់ ជីវភាពរស់នៅប្រចាំថ្ងៃរហូត ដល់រាជរដ្ឋាភិបាលប្រកាសផ្អាក ការអនុញ្ញាតឱ្យបូមខ្សាច់នៅ ទូទាំងប្រទេស ប៉ុន្តែនៅតែមាន ត្រីងៀតឆ្លៀតពងការបូមខ្សាច់ នៅតែមានសកម្មភាព និងមាន ច្បាប់ទៀតផង ៕
