ខេត្តមណ្ឌលគីរី ៖ សកម្មភាព ដឹកជញ្ជូនឈើប្រណីតចូលទៅ ប្រទេសវៀតណាម តាមច្រកដាក់ដាំ ខេត្តមណ្ឌលគីរី កំពុង មានសកម្មភាពយ៉ាងអនាធិបតេយ្យ បណ្តាលឱ្យសម្បត្តិព្រៃឈើនៅ ក្នុងឧទ្យានជាតិកែវសីមារងនូវ ការកាប់បំផ្លាញយ៉ាងគំហុកពុំ អាចទប់ស្កាត់បានចំណែកមន្ត្រី ជំនាញពាក់ព័ន្ធរួមមានមេព្រៃ នគរបាលប្រឆាំងបទល្មើសសេដ្ឋ កិច្ចមិនដែលមានវិធានការបង្ក្រាប បទល្មើសដឹកជញ្ជូនឈើប្រណីត ទៅលក់នៅប្រទេសវៀតណាម បានម្តងណា ឡើយ ។
ប្រជាពលរដ្ឋនៅក្នុងស្រុក អូររាំង និងស្រុកកែវសីមា ខេត្ត មណ្ឌលគិរីបានឱ្យដឹងថាព្រៃឈើ ក្នុងមូលដ្ឋានរបស់ពួកគាត់នៅ តែប្រឈមនឹងការបំផ្លាញឥត ឈប់ឈរ ពិសេសឈើប្រណីត និងឈើប្រភេទលេខ ១ ស្ទើរតែ វិនាសហិនហោច អស់ហើយ ។
មានឈ្មួញ២នាក់ ដែលល្បី ល្បាញខាងដឹកជញ្ជូនឈើប្រណីត ទៅស្រុកយួនតាម ច្រកដាក់ដាំ ដោយក្នុងមួយថ្ងៃៗ ពួកគេដឹក ជញ្ជូនឈើតាមរថយន្តទៅលក់ នៅស្រុកយួនមិនតិចជាង ៦០ គ្រឿងនោះទេ ។
ប្រជាពលរដ្ឋបានឱ្យដឹង ទៀតថា ឈ្មួញឈើខាងលើ គឺ ជាអ្នកមានយសសក្តិមុខមាត់ធំ នៅក្នុងសង្គមកម្ពុជាដែលសមត្ថ កិច្ចតូចតាចពុំហ៊ានប៉ះរោមជើង ទីបំផុតមានតែសម្របសម្រួល ខ្លួនដើម្បីសុំរស់បើចង់សុខហើយ ឈរជើងបានយូរអង្វែង ហេតុ ដូច្នោះហើយទើបការដឹកជញ្ជូន ឈើរបស់មេឈ្មួញគ្រាក់ទាំងពីរ រូបខាងលើបានយ៉ាងរលូនដោយ មានការសម្របសម្រួលពីសមត្ថ កិច្ចដើម្បីលាភសក្ការៈផ្ទាល់ខ្លួន ទៀតផង ។
ប្រភពពីមន្ត្រីអង្គការក្រៅ រដ្ឋាភិបាលបានឱ្យដឹងថាអ្នកមាន លុយអ្នកមានអំណាចបានបញ្ចុះ បញ្ជូលឱ្យប្រជាពលរដ្ឋក្រីក្រយក ម៉ាស៊ីនត្រង់ស៊ីន័រចូលព្រៃឧទ្យាន ជាតិកែវសីមានៅព្រៃសហគមន៍ ដើម្បីកាប់ឈើប្រណីតនិងឈើ ប្រភេទលេខ ១ យកមកលក់ឱ្យ ពួកគេ ។
បើតាមប្រភពពីក្រុមឈ្មួញ មួយចំនួនបានឱ្យដឹងថា ក្នុងមួយ ខែៗឈ្មួញបានចំណាយលុយរាប់ សិបម៉ឺនដុល្លារក្នុងការសម្រួល ដល់មុខរបរដឹកជញ្ជូនឈើប្រណីតទៅលក់នៅស្រុកយួនផ្តាច់ មុខតាមច្រកដាក់ដាំខេត្តមណ្ឌល គិរី ។
វាជាការពិតណាស់អ្នកតាមដានសកម្មភាពបទល្មើស ព្រៃឈើនៅកម្ពុជាបានឱ្យដឹងថា ពួកឈ្មួញរកស៊ីបទល្មើសព្រៃ ឈើនាពេលកន្លងមកភាគច្រើន ជាអ្នកមានអំណាចមានខ្នង បង្អែក ទើបអាចរកស៊ីរបរនេះ បានដោយរលូន ទោះបីជារាជ រដ្ឋាភិបាលព្រមានឱ្យពួកគេបញ្ឈប់ សកម្មភាពក៏គេពុំខ្លាចញញើត ប៉ិនសរសៃសក់ដែរ នៅតែបន្តរកស៊ីបទល្មើសបំផ្លាញព្រៃឈើ បានយ៉ាងជោគជ័យដោយសារ តែច្បាប់នៅស្រុកខ្មែរមានភាព ធូររលុង ពុំដែលឃើញអូស.ក ឈ្មួញរកស៊ីធំៗឡើងមុខក្រចក សេះនោះឡើយឃើញតែឈ្មួញ តូចតាចតែប៉ុណ្ណោះដែលត្រូវ បង្ក្រាប ៕
