ខេត្តកោះកុង ៖ យន្តហោះដ្រូន១គ្រឿងដែលមានលេខសម្គាល់ 1701002 ហើយក៍មានអក្សរចិនផងដែរ បានធ្លាក់ក្នុងវាល ស្មៅស្បៅ ជិតផ្ទះប្រជាជនប្រមាណជាង១០០ម៉ែត្រ ចំណុចគេហៅ កូនកុក ស្ថិតនៅក្នុងភូមិពាមកាយ ឃុំកោះស្ដេច ស្រុកគីរីសាគរ ខេត្តកោះកុង។
តាមប្រភពពីពលរដ្ឋបាននិយាយថា យន្តហោះ១គ្រឿងនេះ ពួកគាត់បានឃើញជាច្រើនថ្ងៃមកហើយ បើគឹតទៅតាំងពីថ្ងៃទី១១ឬ១២ ខែមករា ឆ្នាំ២០២០នេះ។ ប្រភពដដែលបានបន្តថា ពួកគាត់ឃើញ យន្តហោះនេះ ហើយភ័យមិនដឹងនិយាយថាមិចនោះទេ ហើយគឹតយូរៗទៅ ទើបដាច់ចិត្តទៅរាយការប្រាប់សមត្ថកិច្ច នៅល្ងាចថ្ងៃទី១៦ ខែមករា ឆ្នាំ២០២០ នេះ ទើបដឹងរឿងគ្រប់ៗគ្នាទៅ។
តាមប្រភពព័ត៌មានពីលោកស្នងការខេត្តកោះកុង លោក សំ ឃិតវៀន បានអោយដឹងថា យន្តហោះ ដ្រូន១គ្រឿងនេះមិនដឹង ថាមកពីប្រភពណាទេ ហើយមានអក្សរចិន ។ លោកស្នងកាឃើញអក្សរចិន លោកក៏បានទំនាក់ទំនងទៅខាងក្រុមហ៊ុនចិន ញូញៀន អោយមកមើល មុនដំបូង គេថាជារបស់ក្រុមហ៊ុន តែដល់ធ្វើការពិនិត្យមើលទៅមិនមែនជារបស់ ក្រុមហ៊ុននេះទេ ពីព្រោះវាធំពេកហើយ ខាងក្រុមហ៊ុនបានទៅវិញទៅ។
តាមប្រភពព័ត៌មានពីលោកស្នងការ សំ ឃិតវៀន នៅកន្លែងយន្តហោះដ្រូននេះ លោកបានពិនិត្យមើលជុំវិញ យ៉ាងយកចិត្តទុកដាក់បំផុត មិនឃើញមានកាមេរ៉ាសោះ ហើយខាងក្រោមបាតដ្រូននេះ ក៏មិនមានកាមេរ៉ាទេ តែមានប្រហោងខាងក្រោម ក្រៅពីនេះ យន្តហោះដ្រូននេះមានម៉ាស៊ីន២ ហើយមានក្បាលប៊ូស៊ី៤ក្រាប់ ចំណែកពោងយន្តហោះដ្រូននេះបានដាច់ធ្លាក់ចំងាយប្រមាណជាង១០ម៉ែត្រឯនោះពីយន្តហោះដ្រូន។ យន្តហោះដ្រូននេះ មានបណ្តោយ៥ម៉ែត្រ១តឹក ស្លាបវាម្ខាងទៅម្ខាងទៀត មានប្រវែង៩ម៉ែត្រ១តឹក។
តាមប្រភពព័ត៌មានពីឯកឧត្តម ឧត្តមសេនីយ៍ឯក គង់ មុន្នី មេបញ្ជាការរងកងទ័ពជើងគោករបស់ក្រសួងការពារជាតិ បាន ជិះយន្តហោះពីក្រសួងការពារជាតិមកដល់ទីតាំងដែលយន្តហោះដ្រូនធ្លាក់ន លោកបានយកជំនាញខាងបច្ចេកទេសមកពិនិត្យមើល ហើយ ឯកឧត្តម ក៏បានពិនិត្យមើលយ៉ាងយកចិត្តទុកដាក់ដែរ ។ ឯកឧត្តម គង់ មុន្នី បាននិយាយថា យន្តហោះដ្រូននេះជារបស់សំរាប់សើបការ ហេតុអ្វីមិនមានកាមេរ៉ា ជាធម្មតានេះត្រូវតែមានកាមេរ៉ា ពីព្រោះដ្រូន គេផលិតវាមកសំរាប់ថតពីលើ មើលជុំវិញទិដ្ឋភាពទូទៅ ហើយក៍សំរាប់សើបការដែរ ហេតុអ្វីដ្រូននេះធំយ៉ាងនេះ មិនមានកាំមេរ៉ា ។ លោក បានសន្និដ្ឋានថា ប្រហែលជាជ្រុះបាត់ក៍មិនដឹង។
ឯកឧត្តម គង់ មុន្នី បានប្រាប់សមត្ថកិច្ចដែលនៅការពារកន្លែងយន្តហោះដ្រូនធ្លាក់ អោយជួយដើររកមើល ក្រែងមានកាមេរ៉ា វាធ្លាក់ នៅជិតនោះ មុនវាដាច់ខ្សែពោងធ្លាក់មកដល់ដី ។ ឯកឧត្តម បានបន្តថា ដ្រូននេះវាអាចផ្ទុះប្រការណាមួយ ពីព្រោ ប្រភេទដ្រូន បើសិន ជារបស់គេស៊ើបការ ពិសេសនោះវាអាចផ្ទុះ នៅពេលយើងប៉ះវា ។ ឯកឧត្តម ឧត្តមសេនីយ៍ឯក គង់ មុន្នី បន្តថា រឿងយន្តហោះដ្រូននេះ លោកហៅជំនាញមកពិនិត្យមើល ហើយដោះយកទៅក្រសួងការពារជាតិ ដើម្បីរក្សាទុកនិងធ្វើការ ស៊ើបអង្កេតរឿងនេះបន្តថាមកពីប្រភពណា ៕ ដោយ យួន ឈីវ
