សៀមរាប៖“នៅព្រឹកថ្ងៃទិ៣០ខែមេសាមានពិធីក្រុងពលីបញ្ចុះបឋមសិលានិងបើកការសាងសង់រមនីយដ្ឋានសុខាសៀមរាបក្រោមការចូលរួមពីលោក ឃឹមប៊ុនសុង អភិបាលនៃគណៈអភិបាលខេត្តនិងលោកអ្នកឧកញ៉ាបណ្ឌិត សុខ គង់ប្រធានក្រុមហ៊ុនសុខាអូតែលនិងលោកជំទាវនិងលោក សូ ម៉ារ៉ា រដ្ឋលេខាធិការក្រសួងទេសចរ និងមន្ត្រីជុំវិញខេត្តមួយចំនួនផង ។ ពិធីក្រុងពលីនេះ ស្ថិតនៅពីខាងលិចឈៀងខាងជើងរង្វង់មូលអង្គរឃ្យុងយូក្នុងភូមិទ្រាំង សង្កាត់ស្លក្រាមក្រុងសៀមរាប។
លោក សូ ម៉ារ៉ា រដ្ធលេខាធិការក្រសួងទេសចរ បាន ថ្លែង ប្រាប់ ដល់ក្រុម អ្នក កាសែត កាល ពីវេលា ព្រឹក ថ្ងៃ ទី ៣០-០៤-២០១៤នេះ នៅក្នុង ឱកាសបើកការដ្ធាន សាសង់ រមណីយដ្ធាន” សុខា សៀមរាប “ កាលពី ម្សិលម៉ិញនេះ ដែល មាន ទីតាំង ស្ថិត នៅ ភូមិ ទ្រាំង សង្កាត់ ស្លក្រាម ក្រុង សៀមរាប (ទល់មុខ អាគាររដ្ធបាលសាលាខេត្តសៀមរាប)។លោក រដ្ធលេខាធិការក្រសួងទេសចរ បាន ថ្លែងបន្តទៀត ថា ប្រទេសកម្ពុជា ជា ប្រទេសតែមួយ គត់ក្នុងភូមិភាគអាស៊ីអាគ្នេយ៍ក៍ដូចជាប្រទេសក្នុងតំបន់ដែលបានទទួលនូវលំហូរចូលនៃភ្ញៀវទេសចរដ៍ច្រើនសន្ធឹកសន្ធាប់! យើងឃើញថា កន្លង មក ព្រះរាជាណាចក្រកម្ពុជា បានទទួលភ្ញៀវទេសចរ ជាង ៤ លាន ២ សែន នាក់ ដែលមានកំណើន កើន ដល់ ទៅ ១៧ ចុច ៥ ភាគរយ ដោយ គំរោងដែលគ្រោងទុកនោះ មានត្រឹមតែ ១៥ ភាគរយនោះទេ ! តែធាតុពិត ទទួលបានរហូត ដល់ ទៅ ១៧ ចុច ៥ ភាគរយ! ។
លោកបន្តឱ្យដឹងទៀតថា យើងឃើញថា បច្ចុប្បន្ននេះនៅក្នុងខេត្តសៀមរាប ចំនួន សណ្ឋាគារនៅខេត្តសៀមរាប មានចំនួន ១៦៤ សណ្ធាគារ ហើយ មាន បន្ទប់រហូត ដល់ ទៅ ១ ម៉ឺន ៤ ពាន់បន្ទប់ទៅហើយ ! នេះមិនទាំងគិតចូលផ្ទះសំណាក់នឹងសណ្ឋាគារតូចៗ ដែល មាន ចំនួន ៦ ពាន់ បន្ទប់ថែមទៀតផង ! បូកសរុបជិត ២ ម៉ឺនបន្ទប់ ! ប៉ុន្តែសេចក្ដីត្រូវការនៃ បន្ទប់ការស្នាក់នៅ ការផលិតធនធានសេវា គឺជាការចាំ បាច់ ! នៅតែបន្តត្រូវធ្វើ ហើយថ្ងៃនេះ ជាថ្ងៃថ្មីមួយទៀត ដែលក្រុមហ៊ុនសុខាបានបន្តធ្វើការវិនិយោគលើវិស័យទេសចរ “ដោយបានសាងសង់ សណ្ឋាគារ – រមនីយដ្ឋាន ដែលមាន ចំនួន ៦០០បន្ទប់ទៀតជាខ្នាត អន្តជាតិផ្កាយ ៥ ដែល គំរោងបញ្ចប់ក្នុងរយះពេល មួយ ឆ្នាំ កន្លះ “ ។ ហើយនៅពេលខាងមុខនេះព្រះរាជាណាចក្រកម្ពុជានឹងសហរកម្ម អាស៊ាន ហើយ ចំនួន ភ្ញៀវទេសចរ នឹង មាន ចំនួន កើនឡើង អិត ឈប់ឈរបន្ថែមទៀត។
ជំនួស មុខ ឱ្យ អ្នកឧកញ៉ាបណ្ឌិត សុខ គង់ ប្រធានក្រុមហ៊ុន សុខា អូតែល នាព្រឹកនោះដែរ លោកឧកញ៉ា ឌៀប សេង ហេង អគ្គនាយករង ក្រុមហ៊ុន សុខា អូតែលបាន ថ្លែងនាឱកាសបើក ការដ្ថាន រមនីយដ្ឋាន សុខា សៀមរាប នេះ (ជាលើកទី៦នៅក្នុងព្រះរាជាណាចក្រកម្ពុជា)ដែលត្រូវចាប់ផ្ដើមដំណើរការសាងសង់នៅថ្ងៃនេះត្រូវបានរៀបចំប្លង់ស្ថាបត្យកម្ម នឹង ការតុបតែងទៅតាម រចនាបទខ្មែរដោយគួបផ្សំជាមួយនឹងរចនាបទបែបទំនើបខ្លះដើម្បីធ្វើឱ្យសោភណ្ឌភាព កាន់តែមានភាពប្រណិត នឹងការទាក់ទាញថែមទៀតជាពិសេសការរៀបចំប្លង់គឺអនុវត្តន៍តាមសៀវភៅបន្ទុកនឹងការណែនាំរបស់អាជ្ញាធរអប្សារា។រមនីយយដ្ឋានសុខាសៀមរាប នេះ សាងសង់នៅលើផ្ទៃដីប្រមាណ ១៤ ហិចតា ក្នុង ផ្ទៃ ដីសរុប ២៣ ហិចតា ។ នៅក្នុងរមនីយដ្ឋាន សុខា សៀមរាបនេះដែរ ក៍ មានសំណង់ដូចជា សណ្ធាគារ មណ្ឌល កំសាន្ត ដែល រួម មាន អាង ហែលទឹក, ម៉ាហ្សា កន្លែងហាត់ប្រាណ នឹង សាល មហាស្រព សុខា មាន កន្លែង ប្រជុំខ្នាតអន្តរជាតិសាលប្រជុំ មធ្យម នឹង មាន បន្ទប់ប្រជុំ តូចៗ ផ្សេងៗទៀត ផង ដែរ។
ការសាងសង់រមនីយដ្ឋាននេះគឺ ជា ការបង្កើតការងារថ្មីបន្ថែមមួយទៀត ដល់ប្រជាជនកម្ពុជា ចាប់ពីដំនាក់កាល សាងសង់នេះ ទៅ រហូត ដល់ពេលដំនើរការអាជីវកម្មដែលអាចស្រូបទាញកំលាំងពលកម្មកម្ពុជា រាប់ពាន់នាក់ ។ ម្យ៉ាងវិញទៀតសំណង់នេះនឹងរួមចំណែកយ៉ាងសកម្ម ក្នុងការបង្កើតឡើងនូវលទ្ធភាពនឹងសក្តានុភាពថ្មីមួយទៀត ក្នុងការផ្ដល់សេវាកម្មទេសចរនឹងទាក់ទាញភ្ញៀវទេចរជាតិនឹងអន្តរជាតិក៍ដូចជាការរួមចំនែកដ៍ធំធេងក្នុងការអភិវឌ្យន៍វិស័យទេចរនៅព្រះរាជាណាចក្រកម្ពុជាពិសេសនៅខេត្តសៀមរាបនឹងជាងនេះទៅទៀតគឺការបង្កើតការងារថ្មីជូនពលករកម្ពុជានៅក្នុងខេត្តសៀមរាបយើងនេះផងដែរ ៕
ដោយ ច័ន្ទ រស្មី
