ខេត្តឧត្តរមានជ័យ ៖ បទ ល្មើសល្បែងស៊ីសងគ្រប់ប្រភេទ នៅក្នុងខេត្តឧត្តរមានជ័យ ដែល ឯកឧត្តម ស ថាវី អភិបាលខេត្ត ឧត្តរមានជ័យ និងឯកឧត្តម ម៉ែន លី ស្នងការនគរបាលខេត្ត នៅ ក្នុងឱកាសប្រជុំគណៈបញ្ជាការ ឯកភាពខេត្ត កាលពីថ្ងៃទី ២៤ ខែមករា ឆ្នាំ២០១៥ បានជម្រុញ ដល់អាជ្ញាធរនៅតាមមូលដ្ឋាន និងសមត្ថកិច្ចគ្រប់ស្ថាប័នត្រូវធ្វើ ការទប់ស្កាត់គ្រប់ទីកន្លែងនិង ការបញ្ឈប់រាល់ល្បែងស៊ីសង គ្រប់ប្រភេទ ។
បន្ទាប់ពីបទបញ្ជារបស់ គណៈបញ្ជាការឯកភាពបាន ប្រកាសទូទាំងខេត្តអាជ្ញាធរនិង សមត្ថកិច្ចបានចុះប្រតិបត្តិការ ភ្លាមៗ បន្ទាប់ពីការប្រជុំដាក់ វិធានការទៅតាមរដ្ឋបាលស្រុក និងសមត្ថកិច្ចនានា ដោយគេ សង្កេតឃើញសកម្មភាពអប់រំ បញ្ចប់ល្បែងស៊ីសងគ្រប់ប្រភេទ ដូចជាឆ្នោតកន្ទុយលេខនិងបៀរ អាប៉ោង បានបិទអស់មួយចំនួន ផងដែរ។ ក៏ប៉ុន្តែនៅតាមបណ្តា ស្រុកមួយចំនួនអាជ្ញាធរនៅមិន ទាន់បានអនុវត្តបទបញ្ជានេះ ឡើយ ។
សកម្មភាពល្បែងឆ្នោតកន្ទុយ លេខនិងបៀរអាប៉ោងនៅក្នុង ស្រុកអន្លង់វែង អាជ្ញាធរស្រុក សមត្ថកិច្ចក្នុងស្រុក រួមនឹងប្រជា ការពារបានចុះអប់រំណែនាំដល់ មេឆ្នោត និងអ្នកដើរលក់កន្ទុយ លេខរួមនឹងទីតាំងបើកកន្លែង លេងបៀ អាប៉ោងមួយចំនួន ទៀត មិនឱ្យធ្វើសកម្មភាពលេង ល្បែងស៊ីសងតទៅទៀតឡើយ។
ជាងនេះទៅទៀត រាល់សកម្មភាពណាក៏ដោយដែល ពាក់ព័ន្ធនឹងច្បាប់មិនអនុញ្ញាត ត្រូវហាមឃាត់មិនឱ្យបន្តកើត មាននៅតាមមូលដ្ឋាននោះឡើយ ព្រោះសកម្មភាពល្បែងស៊ីសង កើតមាននៅមូលដ្ឋានណាងាយ នឹងកើត មានបទល្មើសចោរកម្ម ឆក់ប្លន់ហើយថែមទាំងជាឧបសគ្គរារាំងដល់ការអភិវឌ្ឍន៍មូល ដ្ឋាននោះ ។ ក៏ប៉ុន្តែសកម្មភាព បៀរអាប៉ោងនិងឆ្នោតកន្ទុយ លេខ នៅស្រុកត្រពាំងប្រាសាទ ដូចជាបៀរអាប៉ោង និងឆ្នោត កន្ទុយលេខ បានកើតមានជា ច្រើនកន្លែងនៅក្នុងកណ្តាលផ្សារ ស្រុកដែលអាជ្ញាធរនិងសមត្ថកិច្ច ពុំទាន់មានវិធានការណ៍ណា មួយទៅលើអ្នកបើកល្បែងស៊ី សងទាំងនោះឡើយ ហើយមេ ឆ្នោតបើកលេងជារៀងរាល់ថ្ងៃ ត្រូវបានគេស្គាល់ច្បាស់មានឈ្មោះ ចែ ឡែន និងឈ្មោះ ម៉ាប់ ។
ចំណែកឯ ០២ នាក់ ទៀត ដែលជាមេឆ្នោតផង និងជាអ្នក បើកកន្លែងលេងល្បែងបៀរ អាប៉ោងផងមានឈ្មោះ ស៊ឺ សរ និងឈ្មោះ ឃី ។ ចំពោះអ្នកទាំង ៤នាក់ខាងលើ ត្រូវបានគេចាត់ ទុកជាមេធំៗប្រចាំការនៅក្នុង ស្រុកត្រពាំងប្រាសាទហើយក៏ មានកូនកញ្ច្រែងដើរលក់ឆ្នោត ជាច្រើនកន្លែងផងដែរ ៕
