ខេត្តកំពង់ធំៈ សមត្ថកិច្ចផ្នែករដ្ឋបាលព្រៃ ឈើកំពង់ថ្មឃាត់រយថន្តយីឌុប មួយគ្រឿង លួចដឹកឈើខុសច្បាប់ ដោយប្រើច្បាប់អស់សុពលភាព របស់អភិបាលខេត្តកំពង់ធំ ដឹក មួយជើងហើយមួយជើងទៀត ទីបំផុតអស់ល័ក្ខត្រូវបានមេព្រៃ ក្របួច ទើបបែករឿងឈ្មួញទិញ ច្បាប់អនុញ្ញាតរបស់អភិបាល ខេត្តកំពង់ធំ ក្នុងមួយសន្លឹក ២. ០០០ដុល្លា ។ កាលពីថ្ងៃទី ៨ ខែ មករា ឆ្នាំ ២០១៥ លោក សុទ្ធ ម៉ារី នាយផ្នែករដ្ឋបាលព្រៃ ឈើកំពង់ថ្មនិងមន្ត្រីក្រោមឱវាទ បានដឹកនាំបង្ក្រាបរថយន្តយីឌុប មួយគ្រឿង ពណ៌ខៀវ អត់ស្លាក លេខ ដឹកឈើលេខ ២ ដែលត្រូវ បានគេស្គាល់ ឈ្មោះ ប្រាក់ ថា ជាអ្នករត់ការដឹកឈើដុះស្លែ ចេញពីភូមិ៩៩ ឃុំមានរិទ្ធ ស្រុក សណ្តាន់ ខេត្តកំពង់ធំ ឆ្ពោះទៅ ដាក់នៅស្រុកបារាយណ៍ ខេត្ត ស្គុន ខេត្តកំពង់ចាម តែត្រូវបាន សមត្ថកិច្ចក្របួចបានដោយសារ តែច្បាប់អនុញ្ញាតរបស់អភិបាល ខេត្តកំពង់ធំ អស់សុពលភាព ។
ប្រភពពត៌មានបានឱ្យដឹងថា មានរថយន្តជាច្រើនគ្រឿង ខ្លះ មានច្បាប់សេះហោះដឹកមិនចេះ អស់សុពលភាពខ្លះក្លែងបន្លំច្បាប់ ដឹកជញ្ជូនដូចហែកឋិន តែពុំត្រូវ បានលោក សៅ វណ្ណី នាយផ្នែក រដ្ឋបាលព្រៃឈើសណ្តាន់បង្ក្រាប នោះឡើយ ព្រោះមានការឃុប ឃិតគ្នាប្រព្រឹត្តអំពើពុករលួយក្នុង ជួររដ្ឋបាលព្រៃឈើសណ្តាន់ បណ្តែតបណ្តោយឱ្យមានការ ដឹកជញ្ជូនយ៉ាងរលូន ជាក់ស្តែង រថយន្តយីឌុបមួយគ្រឿងនេះបាន ដឹកដោយរលូនមកដល់ស្រុកបារាយណ៍តែត្រូវបានជាប់អន្ទាក់ សមត្ថកិច្ច ក៏ព្រោះតែលោក ប្រាក់ថា ពុំបានរត់ផ្លូវមុន ។
តាមការឱ្យដឹងពីលោក ហេង ឈុនហ៊ី នាយប៉ុស្តិ៍បាល កំពង់ថ្មបានឱ្យដឹងថា លោកមិន ទទួលខុសត្រូវជាដាច់ខាត ចំពោះ ច្បាប់របស់គាត់ដែលបានឯកឧត្តម អ៊ុត សំអន អភិបាលខេត្ត កំពង់ធំចេញឱ្យទិញដឹកឈើចំនួន ៣២ ម៉ែត្រគូប ដើម្បីយកមកធ្វើ ប៉ុស្តិ៍រដ្ឋបាលកំពង់ថ្មតែលោកបាន លក់លោក ហេង ឈុនហ៊ី នាយ ប៉ុស្តិ៍បានយកលិខិតនេះលក់ឱ្យ ទៅឈ្មួញក្នុងតំលៃ ២.០០០ ដុល្លារ ដែលបានចេញតាំងពីថ្ងៃ ទី៤ ខែមីនា ឆ្នាំ ២០១៤ ឈ្មួញ បានឆ្លៀតឱកាសជាច្រើនដង ដោយប្រើលិខិតដដែល លុះដល់ ថ្ងៃទី ៨ ខែមករា ឆ្នាំ ២០១៥ ឈ្មួញដឹកឈើម្តងទៀត ត្រូវបាន សមត្ថកិច្ចឃាត់យកមកទុក នៅ ផ្នែករដ្ឋបាលព្រៃឈើកំពង់ថ្ម ។
ពាក់ព័ន្ធនឹងលោក ហេង ឈុនហ៊ី នាយប៉ុស្តិ៍រដ្ឋបាលកំពង់ថ្ម បច្ចុប្បន្ននៅក្នុងខ្ទមនៅឡើយ យកចំណីស្ទឹងជីនិត ធ្វើជាប៉ុស្តិ៍ រីឯឈើ ក៏ពុំមាន សូម្បីតែមួយដុំ ចំណែកលុយ ក៏រកមុខមិនឃើញ ថា ធ្លាក់ទៅណាអស់ពាក់ព័ន្ធ ទៅនឹងចម្ងល់នេះ លោក ជូ សំអាន ស្នងការខេត្តកំពង់ធំ បានឱ្យដឹងតាមទូរស័ព្ទថាលោក បានដឹងពីរឿងនេះហើយលោក និងចាត់ឱ្យមានការសាងសង់ ប៉ុស្តិ៍ឡើងវិញនិងត្រូវបានត្រួតពិនិ ត្យនូវការដឹកជញ្ជូន នឹងថវិការ។
ឯកឧត្តម អ៊ុត សំអន អភិបាលខេត្តកំពង់ធំបានឱ្យដឹងថា ទូរស័ព្ទថាលោកអគុណអ្នកព័ត៌ មានខ្លាំងណាស់ តែងតែសហ ការផ្តល់ពត៌មានពីលទ្ធផល អសកម្មមួយចំនួន ពីថ្នាក់ក្រោម ចំណែកលិខិតដែលបានចេញនោះ លោក និងបញ្ជាឱ្យសមត្ថកិច្ច ជំនាញអនុញ្ញាតចោលដោយ សារហួសសុពលភាពហើយ ឈ្មួញចេះតែដឹកយកទៅប្រើ ប្រាស់ដោយខុសច្បាប់ ចំណែក ប៉ុស្តិ៍រដ្ឋបាល ឯកឧត្តមនិងអោយ គណៈកម្មការចុះត្រួតពិនិត្យថា ហេតុអ្វីបានជាមិនទាន់ធ្វើ ចុះ បើមិនទាន់ធ្វើតើលុយទៅឯណា អស់ ។
លោក សុទ្ធ ម៉ារី នាយផ្នែក រដ្ឋបាលព្រៃឈើ បានឱ្យដឹងថា ការដឹកឈើរបស់លោកប្រាក់ថា នេះ បានដឹកជាច្រើនដងហើយ កន្លងមកចេះអនុគ្រោះ តែពេល នេះមិនអាចអនុញ្ញាតិទៀតទេ ចំណែកឈើតាមការប៉ាន់ស្មាន ជាង ២០ ម៉ែត្រគូប បើផាក ពិន័យតាមច្បាប់ ស្មើរនឹង ៦០ លានរៀល តែពេលនេះពុំទាន់ ធ្វើការវាស់វែងពិតប្រាកដទេ ដោយសារតែអភិបាលខេត្តកំពង់ ធំ ឱ្យធ្វើរបាយការណ៍ជូនខេត្ត ព្រោះពាក់ព័ន្ធទៅនឹងការចេញ លិខិត ដោយអភិបាលខេត្ត ៕
