ខេត្តបន្ទាយមានជ័យ ៖ កាលពីថ្ងៃទី១៧ ខែធ្នូ ប៉េអឹមក្រុងប៉ោយប៉ែត បានបំបែកសំបុកក្រុមចោរកាច់សោម៉ូតូ និងឃាត់ខ្លួនមនុស្សចំនួន ១៤នាក់ ស្ថិតនៅក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
តាមការបញ្ជាក់ពីសមត្ថកិច្ច ក្រុមចោរកាច់សោម៉ូតូនេះ តែងតែធ្វើសកម្មភាពយ៉ាងសកម្មនៅក្នុងភូមិសាស្ត្រក្រុងប៉ោយប៉ែត និងបង្កឲ្យមានការភិតភ័យដល់ប្រជាពលរដ្ឋនៅក្នុងភូមិសាស្ត្រនេះ។ក្នុងសកម្មភាពចុះបង្ក្រាបក្រុមចោរកាច់សោម៉ូតូនេះដែរ សមត្ថកិច្ចដកហូតវត្ថុតាងរួមាន ម៉ូតូចំនួន ៦គ្រឿង សម្ភារៈកែឆ្នៃ និងជួសជុលម៉ូតូ ព្រមទាំងគ្រឿងបន្លាស់ម៉ូតូមួយចំនួនធំផងដែរា។
កម្លាំងជំនាញកំពុងបន្តធ្វើការស្រាវជ្រាវរកបក្ខពួក និងទីកន្លែងដែលពួកគេស្នាក់នៅ ដើម្បីចាប់ខ្លួន និងចាត់ការតាមនីតិវិធីច្បាប់៕
