ខេត្តកំពង់ធំ ៖ ថ្ងៃទី១០ ខែធ្នូ ឆ្នាំ២០១៩ សមាគមបេសកម្មដំណឹងល្អដែលដឹកនាំដោយឯកឧត្តម ខាន់ ខុន ទីប្រឹក្សា ក្រសួងធម្មការនិងសាសនាបានចុះពិនិត្យបន្ទប់ទឹក បង្គន់អនាម័យ អណ្តូងស្នប់ និងផ្ទះដែលបានសាងសងរួចរាល់សម្រាប់ជូនប្រជាពលរដ្ននៅតំបន់ខ្វះខាត និងដើម្បីចូលរួមចំណែកថែរក្សាអនាម័យនិងឲ្យប្រជាពលរដ្ឋបានប្រើប្រាស់ទឹកស្អាត។
សមាគមបេសកកម្មដំណឹងល្អ ជាអង្គការគ្រីស្ទបរិស័ទក្នុងស្រុក ដែលបង្កើតឡើងក្នុងគោលបំណងផ្សព្វផ្សាយពីជំនឿ
គ្រីស្ទបរិស័ទលើព្រះយេស៊ូវគ្រីស្ទ និងជួយរួមចំណែកដល់រាជរដ្ឋាភិបាលក្នុងការអភិវឌ្ឍន៍ប្រទេសជាតិ តាមរយៈការងារមនុស្សធម៌ តាមលទ្ធភាពដែលខ្លួនអាចធ្វើបាន។
នៅក្នុងឲកាសនោះផងដែរ ឯកឧត្តម ខាន់ ខុន ក៏បានសំណេះសំណាល និងសួរសុខទុកប្រជាពលរដ្ឋដែលរស់នៅក្នុងភូមិក្រយា ឃុំក្រយា ស្រុកសន្ទុក ខេត្តកំពង់ធំ ។
ឯកត្តមមានប្រសាសន៍ថា ឲ្យបងប្អូន ជួយថែរក្សានិងការពារ ដើម្បីឲ្យសមិទ្ធផលរបស់យើងថិតថេរនិងគង់វង្ស ហើយបងប្អូនត្រូវមានអនាម័យ ជាពិសេសការលាងសម្អាតដៃជាប្រចាំពេលចេញពីបង្គន់ មុនហូបចំណីអាហារ បរិភោគទឹកស្អាត និងបន្ទោរបង់ក្នុងបង្គន់។ក្នុងនោះផងដែរ ឯកឧត្តម ក៏បានលើកឡើងអំពីការយក ចឹត្តទុកដាក់របស់រាជរដ្ឋាភិបាលនិងថ្នាក់ដឹកនាំខេត្ត អំពីសុខទុក្ខបងប្អូន ជាពិសេសសុខភាព ព្រោះថាបើសិនសុខភាពមិនល្អ ធ្វើអោយបងប្អូនខាតពេលប្រកបការងារនិងធ្វើអោយជីវភាពមានការលំបាក ។
ឯកឧត្តមបន្តថា សមាគមបេសកកម្មដំណឹងល្អ បានជួយអណ្តូងទឹក បន្ទប់ទឹកតាមសហគមន៍ ឬសាលារៀន ឆ្លើយតបគ្រោះមហន្តរាយ ជួយកុមារកំព្រា និងកុមារក្រីក្រ ផ្តល់អាហារូបករណ៍ដល់និស្សិតក្រីក្រ ផ្តល់អាហារដល់កុមារតាមសហគមន៍ មតេយ្យសហគមន៍ បង្រៀនភាសារអង់គ្លេស ។
ប្រជាពលរដ្ឋរស់នៅភូមិក្រយា ឃុំក្រយា ស្រុកសន្ទុក មានការសប្បាយ ចឹត្តដោយទទួលបាននូវបង្គន់អនាម័យ ហើយនិងអណ្តូងស្នប់សម្រាប់ប្រើប្រាស់នៅក្នុងសហគមន៍របស់ពួកគាត់។
គួរបញ្ជាក់ថាសហគមបេសកកម្មដំណឹងល្អ ឆ្នាំ២០១៩បានជួយរួមមាន៖៥៥អណ្តូង
ក្រុងស្ទឹងសែន (៧អណ្តូង) សន្ទុក (៨អណ្តូង) បារាយណ៍ (៥អណ្តូង) តាំងគោគ (៥អណ្តូង) ស្រុកកំពង់ស្វាយ
(១៣អណ្តូង) ស្រុកស្ទោង (៣អណ្តូង) ស្រុកប្រាសាទបល្ល័ង្ក (៩អណ្តូង) ស្រុកប្រាសាទសំបូរ (៤អណ្តូង) ស្រុក
សណ្តាន់(១អណ្តូង)
បន្ទប់ទឹកចំនូន៤បន្ទប់ ក្នុងនោះមាន ស្រុកកំពង់ស្វាយ២បន្ទប់ ស្រុកបារាយណ៍១បន្ទប់ ស្រុកសន្ទុក១បន្ទប់
ផ្ទះ១ខ្នង នៅស្រុកសន្ទុក ៕ដោយ តេច ឆេង
