រាជធានីភ្នំពេញ ៖ មានករណីគ្រោះអគ្គិភ័យមួយ ដែលបានឆាបឆេះនៅអាគារឈូកទិព្វជាន់ទី៧ ស្ថិតនៅផ្លូវលេខ២៣៤ សង្កាត់ផ្សារដើមគរ ខណ្ឌទួលគោក នៅវេលាម៉ោងប្រមាណ៣,៣០នាទីទៀបភ្លឺឈានចូលថ្ងៃទី១១ ខែធ្នូ ឆ្នាំ២០១៩ បណ្តាលឲ្យស្ត្រីម្នាក់និងកូនស្រីម្នាក់ទៀតស្លាប់គួរឲ្យអណោចអធម ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេឃើញមានអណ្តាតភ្លើងឆេះយ៉ាងសន្ធោសន្ធៅ នៃអាគារឈូកទិព្វជាន់ទី៧ ដែលជាជាន់លើបង្អស់ សម្រាប់បុគ្គលិកស្នាក់នៅ ទើបបង្កការភ្ញាក់ផ្អើលរាយការណ៍ទៅសមត្ថកិច្ច ចេញរថយន្តពន្លត់អគ្គិភ័យរថយន្តចំនួន១៥គ្រឿង មកបាញ់ពន្លត់ទើបអាចគ្រប់គ្រងស្ថានការបានទាំងស្រុង។
សមត្ថកិច្ចបានបន្តថា ក្នុងហេតុការណ៍ខាងលើបណ្ដាលឲ្យស្លាប់មនុស្សចំនួន២នាក់ ម្តាយនិងកូន មានស្រុកកំណើតស្រុកកំពង់ត្រាច ខេត្តកំពត មុខរបរ បុគ្គលិកផ្នែកអនាម័យ នៅឈូកទិព្វ ៕
