ខេត្តក្រចេះ ៖ ជាក់ស្តែងរាល់បទល្មើស ដឹកជ្រលង់ម្រេច ដឹកដោយរ៉ឺម៉ក និងគោយន្តកន្ត្រៃយ៉ាងអនាធិប តេយ្យ លោកនាយសង្កាត់រដ្ឋបាលព្រៃឈើកន្ទួត ឈ្មោះ កែវ ចំណាន និងមន្ត្រីមេព្រៃក្រោម ឱវាទ ទើបតែបានចាត់តាំងនៅ សង្កាត់នេះ ត្រូវបានរងការចោទ ប្រកាន់ថា មិនរវល់ក្នុងការចុះ បង្ក្រាបបទល្មើសទេ ។
មូលហេតុ ដែលត្រូវបានសន្និ ដ្ឋានដូខាងលើ គឺអស់លោកមេ ព្រៃកំពុងស្រវឹងនឹងទឹកលុយដែល ក្រុមឈ្មួញរកស៊ីនៅក្នុងទឹកដី កន្ទួត ស្រុកចិត្របុរី ខេត្តក្រចេះ នេះអស់ទៅហើយ ប្រភពព័ត៌មានបានឱ្យដឹងថា ក្នុងរ៉ឺម៉កមួយ គ្រឿងលោកបាន យកក្នុងតម្លៃ ៣០០,០០០រៀល ទៅ ៣៥០ ០០០រៀល ក្នុងរយៈពេល១ខែ។
ការធ្វើចរាចរណ៍របស់ក្រុម ឈ្មួញដែលដឹកជ្រលង់មេច្រតាម រ៉ឺម៉កមានចំនួនប្រមាណ ៣០ រ៉ឺម៉ក បានត្អូញត្អែរប្រាប់អ្នកសារ ព័ត៌មានថា សព្វថ្ងៃនេះពួកគាត់ កំពុងតែជួបផលវិបាកបង់ប្រាក់ ឱ្យមេព្រៃជាខែអស់ទៅហើយ ។
ប្រភពព័ត៌មានពីប្រជាពល រដ្ឋដែលរស់នៅក្នុងភូមិ ១០៥ ឃុំថ្មី ស្រុកចិត្របុរី ខេត្តក្រចេះ បាននិយាយរៀបរាប់ថា សព្វថ្ងៃ នេះក្នុងដីសហគមន៍ភូមិ ១០៥ ឃុំថ្មីនេះគឺគ្មានព្រៃឈើទេព្រោះ ម៉ាស៊ីនត្រង់សីន័រ រាប់រយគ្រឿង សុទ្ធតែជាអ្នកមកពីក្រៅភូមិអារ ឈើដើមផ្ចឹកស្រស់ៗយ៉ាងគគ្រឹក គគ្រេងដោយគ្មានសល់មួយដើម ណាឡើយ ។ មូលហេតុគោយន្ត កន្ត្រៃយ៍ និងម៉ាស៊ីនអារឈើ និង ដឹកជញ្ជូនតាមផ្លូវកាត់ក្រុមហ៊ុន ម៉ូសីបា ឆ្ពោះមកកាន់ឃុំកន្ទួត និងឃុំថ្មីមានសភាពយ៉ាងរលូន ដោយមិនខ្វល់ពីការទប់ស្កាត់ និងកោតញញើតពីក្រុមមេព្រៃ លោក កែវ ចំណាន នោះទេ ដែលពួកគាត់ជាប្រជាពលរដ្ឋ ដាក់ការសង្ស័យថាសង្កាត់របស់ លោកមេព្រៃខាងលើបានទទួលលាភសក្ការៈអស់ហើយ ។
ទាក់ទិនក្នុងរឿងនេះដែរ ប្រជាពលរដ្ឋសួរថា តើលោក សូយ សារិទ្ធ ជានាយខណ្ឌរដ្ឋ បាលព្រៃឈើខេត្តក្រចេះ ដែល បានឃើញកូនចៅរបស់លោក ក្នុងទឹកដីឃុំកន្ទូតួនេះធ្វើការចុះ បង្ក្រាបយកស្នាដៃអ្វីខ្លះហើយ ឬនៅទេ ? សូមលោកនាយ ខណ្ឌរដ្ឋបាលមេត្តាជួយទប់ស្កាត់ ការកាប់បំផ្លាញព្រៃឈើនៅ ស្រុកចិត្របុរីឱ្យមានប្រសិទ្ធិភាព ផង ៕
ដោយ ៖ នាយញ៉ាញ់
