រាជធានីភ្នំពេញ ៖ កាលពីវេលាម៉ោង ៩និង៤០នាទីយប់ថ្ងៃទី៩ ខែធ្នូ ឆ្នាំ២០១៩ មានករណីអគ្គិភ័យឆេះផ្ទះពលរដ្ឋលេខ២៦ ផ្លូវលេខ៣៥៨ សង្កាត់ទួលស្វាយព្រៃទីមួយ ខណ្ឌបឹងកេងកង ម្ចាស់ផ្ទះឈ្មោះ ដួង សុម៉ាលី ភេទស្រី អាយុ៧១ឆ្នាំ មុខរបរនៅផ្ទះ ដោយសារកូនប្រុសឈាមរាវចិត្តឆេរឆាវម្នាក់ ព្រោះតែខឹងម្តាយស្តីបន្ទោសតិចតួចបានដុតផ្ទះឆេះផ្អើលទាំងយប់ ។
កូនប្រុសរបស់ម្ចាស់ផ្ទះខឹងនឹងម្តាយស្តីឲ្យ ក៏បានឡើងទៅក្នុងបន្ទប់ដេករបស់ខ្លួនហើយក៏បានដុត បណ្តាលឲ្យឆាបឆេះពេញក្នុងបន្ទប់តែម្តង ដែលធ្វើឲ្យខូចខាតសម្ភារ:ប្រើប្រាស់ក្នុងបន្ទប់ឡៅតឿទាំងស្រុងដែលមានទំហំ៤×៤ម៉ែត្រ តែមិនបង្កគ្រោះថ្នាក់ដល់មនុស្សទេ។
ករណីខាងលើនេះ សមត្ថកិច្ចប្រើប្រាស់ឡានទឹក អស់ចំនួន ៥គ្រឿង ។ ចំណែកជនបង្កសមត្ថកិច្ចឃាត់ខ្លួនមកអធិការដ្ឋាននគរបាលខណ្ឌបឹងកេងកង ដើម្បីចាត់វិធានការបន្តតាមនិតិវិធីច្បាប់៕
