សហព័ន្ធប្រព័ន្ធផ្សព្វផ្សាយអាស៊ាន (The Union Media of Asean) រៀបចំមហាសន្និបាតប្រចាំឆ្នាំ ២០១៩ នៅខេត្ត Petchaban ប្រទេសថៃ ដឹកនាំដោយលោក Prasit Saengrumgruen អគ្គលេខាធិការ UMA ។
សហព័ន្ធប្រព័ន្ធផ្សព្វផ្សាយអាស៊ានប្រចាំប្រទេសកម្ពុជា និងបញ្ចូនគណកម្មាធិការនាយក រួមនិងទីប្រឹក្សា ជំនួយការ សមាជិក សមាជិការ ទៅចូលរួមមហាសន្និបាតជាមួយសមាជិក UMA ដែលជាអ្នកសារពត៌មាន ប្រទេសថៃ-វៀតណាម-ឡាវ និងមីយ៉ាន់ម៉ា ផងដែរ ។
និយាយជារួមក្នុងរយៈពេលកន្លងទៅនេះ ទន្ទឹមនិងការរីកចំរើនរបស់ សហព័ន្ធប្រព័ន្ធផ្សព្វផ្សាយអាស៊ាន ដោយឡែកនៅកម្ពុជា អ្នកសារពត៌មានដែលជាសមាជិករបស់សហព័ន្ធប្រព័ន្ធផ្សព្វផ្សាយអាស៊ានប្រចាំប្រទេស កម្ពុជា ក៏មានការរីកចំរើនលើផ្នត់ទស្សនៈ និងវិជ្ជាជីវជំនាញ សហការល្អជាមួយមិត្តអ្នកសារពត៌មាននៅក្នុងរង្វង់ UMA ដោយឈរនៅលើចក្ខុវិស័យ “សារពត៌មានដើម្បីសន្តិភាព និងការអភិវឌ្ឍន៍” ដែលជាជំហរគ្រិះរឹងមាំរបស់ UMA ។
លោក សុខ សុវណ្ណ អគ្គលេខាធិការរងសហព័ន្ធប្រព័ន្ធផ្សព្វផ្សាយអាស៊ាន ទទួលបន្ទុកប្រចាំប្រទេសកម្ពុជា និងជាសមាជិកស្ថាបនិក បានអោយដឹងថា សហព័ន្ធប្រព័ន្ធផ្សព្វផ្សាយអាស៊ានកកើតឡើងដោយការរួមសំបាច់គ្នា ជាជំហានដំបូងមានអ្នកសារពត៌មានកម្ពុជា និងថៃ ដោយយើងបានធ្វើដំណើរសហការគ្នាលើវិស័យពត៌មានយ៉ាង រលូនចាប់តាំងពីចំណុចសូន្យ រហូតទទួលបានជោគជ័យដែលនឹកស្មានមិនដល់ គិតត្រឹមរយៈពេល ១០ឆ្នាំកន្លង មកនេះ UMA មានការវិវត្តន៍ និងរីកចំរើនច្រើន ជាក់ស្តែង UMA បានបំពេញភារកិច្ចធំៗជាច្រើន ពាក់ព័ន្ធ ប្រទេសយើងទាំងពីរ លើវិស័យពត៌មាន ដូចជាពេលកន្លងទៅមាន ការផ្ទុះអាវុធនៅតាមតំបន់ព្រំដែនព្រះវិហារ វិបត្តិពលករចំណាកស្រុក ដែលសំរុកចូលមកប្រទេសកម្ពុជាវិញ តាមពាក្យចចាមអារ៉ាម ដោយយើងផ្សាយ ពត៌មានពិត មិនមានភាពញុះញុងរើសអើង និងឈានទៅរកប្រភពនៃព្រឹត្តិការណ៍ទាំងនោះដើម្បីបញ្ចប់វិបត្តិ ឈានទៅរកភាពសុខដុមរមនា នៃប្រជាជាតិទាំងពីររហូតដល់ UMA មានកិត្តិយសដ៏ធំធេងក្នុងការប្រគល់ពាន រង្វាន់ UMA “ដើម្បីសន្តិភាព និងការអភិវឌ្ឍន៍” ជូនដល់ឥស្សជនថ្នាក់ដឹកនាំកំពូល នៃព្រះរាជាណាចក្រកម្ពុជា ទៀតផង។
លោក សុខ សុវណ្ណ បានអោយដឹងទៀតថា UMA ប្រចាំប្រទេសកម្ពុជាកំពុងឈានទៅរកកំណែទម្រង់ថ្មី ដើម្បីពង្រឹងប្រសិទ្ធភាពការងារពត៌មាន និងសហប្រតិបត្តិការអន្តរជាតិ ដូចជានាពេលកន្លងទៅគណកម្មាធិការ នាយក UMA ប្រចាំប្រទេសកម្ពុជា ជ្រើសចេញពីប្រធានសមាគមសារពត៌មាន តែពេលបច្ចុប្បន្នឆ្លើយតបទៅនិង សភាពការណ៍បច្ចេកវិទ្យាពត៌មានទំនើប គណកម្មាធិការនាយកមានការប្រែប្រួលសមាសភាពទៅតាមពេលវេលា ដោយសារយើងគិតថា UMA មានវិសាលភាពធំក្នុងការទំនាក់ទំនងមិត្តភាពរវាងប្រទេសនៅក្នុងតំបន់ ជាពិសេស ប្រទេសកម្ពុជា និងប្រទេសថៃ ពាក់ព័ន្ធនិងពត៌មានក្លែងក្លាយដែល UMA បានសហការគ្នាល្អបន្សាបពត៌មានក្លែង ក្លាយ ដោយផ្លាស់ប្តូរពត៌មានពិត ដើម្បីបន្សាបពត៌មានក្លែងក្លាយ ជំរុញអោយមានការអភិវឌ្ឍន៍សេដ្ឋកិច្ចនៅតំបន់ ជាយដែន រហូតដល់ UMA មានទំនាក់ទំនងជិតស្និទ្ធជាមួយថ្នាក់ដឹកនាំប្រទេសទាំងពីរ ហេតុដូច្នេះទើបគេ សង្កេតឃើញថា ទោះបីនៅប្រទេសកម្ពុជា មានសមាគមសារពត៌មានច្រើនក៏ដោយ ក៏មានតែ UMA មួយ ប៉ុណ្ណោះដែលមានសកម្មភាពវិស័យពត៌មាន ក្នុងកិច្ចសហការអន្តរជាតិរស់រវើកលេចធ្លោជាងគេ និងមានការគាំទ្រ ច្រើនពីមជ្ឈដ្ឋានសាធារណៈ។ ភាពលេចធ្លោរបស់ UMA គឺការរួមសំបាច់គ្នា មានការជជែកពិភាក្សាគ្នាឈរលើ ស្មារតីគោរពគ្នាទៅវិញទៅមក លើកឡើងពីភាពវិជ្ជមាន និងអវិជ្ជមានក្នុងវិជ្ជាជីវៈជំនាញបច្ចេកវិទ្យាពត៌មានទំនើប បញ្ហាប្រឈមចំពោះមុខ និងការពិភាក្សារវាង UMA ប្រចាំប្រទេសទាំងពីរកម្ពុជា-ថៃ រួមនិងអ្នកសារពត៌មាន ប្រទេសភូមា ដែលនិងបញ្ចូលមកជាសមាជិកពេញសិទ្ធស្របតាមលក្ខន្តិកៈរបស់ UMA ហើយបន្ទាប់មកទៀត យើងរំពឹងទុកថាប្រទេសជិតខាង ដូចជាប្រទេសវៀតណាម ប្រទេសឡាវ និងចូលរួមជាសមាជិក UMA ដែលកំពុងបើកចំហរទ្វារ សហការ ល្អជាមួយប្រទេសនៅក្នុងតំបន់អាស៊ាន និងលើឆាកអន្តរជាតិ ។
សកម្មភាព UMA ប្រចាំប្រទេសកម្ពុជា គឺមានភាពជោគជ័យនិងរឹងមាំឈានទោដល់ការរៀបចំកិច្ចប្រជុំ UMA នៅខេត្តសៀមរាបជាលក្ខណៈអន្តរជាតិដោយខ្លួនឯងផ្ទាល់ និងការប្រជុំសមាជិកនៅក្រុងប៉ោយប៉ែត ខេត្តបន្ទាយមានជ័យ បញ្ជាក់នូវសមត្ថភាព ការរីកចំរើន និងការរួបរួមគ្នារបស់អ្នក សារពត៌មានកម្ពុជា។
ទន្ទឹមនឹងនោះគេសង្កេតឃើញថា តាំងពីលេចចេញជារូបរាង UMA ប្រចាំប្រទេសកម្ពុជា ដែលមានទំនាក់ ទំនងល្អជាមួយប្រទេសជិតខាង អ្នកសារពត៌មានដែលជាសមាជិត UMA បានផ្លាស់ប្តូរផ្នត់គំនិតទស្សនៈរបស់ ខ្លួនយ៉ាងពិតប្រាកដ ដោយផ្សព្វផ្សាយតែពត៌មានពិត និងជៀសវាងនូវពត៌មានក្លែងក្លាយញុះញុងរើសអើង បន្សាបពត៌មានមិនពិត និងផ្លាស់ប្តូរពត៌មានរវាងគ្នា មុននិងការចេញផ្សាយសំដៅរក្សាសន្តិភាព និងការអភិវឌ្ឍន៍ ជាចំបង ។
UMA ប្រចាំប្រទេសកម្ពុជា សូមថ្លែងនូវក្តីរីករាយចំពោះការរួមសំបាច់របស់សមាជិកទាំងអស់ដែលធ្វើ អោយមានភាពជោគជ័យរហូតដល់ថ្ងៃនេះ ហើយនិងបន្តសហការគ្នាពង្រឹងវិស័យពត៌មាននៅក្នុងតំបន់ជាប្រវត្តិ សាស្រ្តតទៅទៀត ។
រៀបរៀងដោយៈ លោក កែវ ចាន់ឌួង
គណកម្មាធិការនាយកUMAប្រចាំប្រទេសកម្ពុជា
