ខេត្តសៀមរាប ៖ សកម្មភាពបទល្មើសនេសាទ ជាច្រើនប្រភេទមានដូចជាអ៊ុយ, ឆ្នុក, រុញស៊ីប, អូសអួន, អូស លៀស្បស្បៃមុងជាដើម កំពុង កើតមាននៅក្នុងភូមិសាស្ត្រឃុំ កំពង់ឃ្លាំងជាយូរយាណាស់មក ហើយដោយប្រជាពលរដ្ឋដាក់ ការសង្ស័យថាមានការឃុបឃិត គ្នាជាប្រព័ន្ធពីថ្នាក់ក្រោមរហូត ដល់ថ្នាក់លើនៅក្រោមការដឹក នាំផ្ទាល់របស់លោក ព្រិន្ទ សាវិន នាយខណ្ឌរដ្ឋបាលជលផលខេត្ត សៀមរាបបានធ្វើឱ្យបទល្មើស កើតឡើងដូចភ្លៀងរលឹមដោយ ពុំមានចំណាត់ការណាមួយថ្មី ទៀតរបស់អាជ្ញាធរជុំវិញខេត្ត នេះដើម្បីឱ្យបទល្មើសនេសាទ ថមថយចុះនោះឡើយ ។
ប្រជានេសាទបានឱ្យដឹងថា ឧបករណ៍នេសាទល្មើសច្បាប់ មានដូចជា ឆ្នុក, ប័រ,សាច់សៃ, ម៉ុងក្រឡាញឹកជាដើមកំពុងកើត មានដូចភ្លៀងរលឹមនៅតាមមាត់ ព្រែកនានាក្នុងភូមិសាស្ត្រឃុំ កំពង់ឃ្លាំង ស្រុកសូទ្រនិគម ខេត្តសៀមរាប ដោយសមត្ថកិច្ច ជំនាញមួយចំនួនបានរងការចោទ ប្រកាន់ថាទទូលសំណូកឬក៏ដាក់ ខែពីអ្នកប្រព្រឹត្តិបទល្មើសនេសាទ គ្រប់ប្រភេទទាំងនោះជាច្រើន ឆ្នាំមកហើយ ទើបគេសង្កេត ឃើញថា ពីមួយឆ្នាំទៅមួយឆ្នាំ ផលត្រីកាន់តែថយចុះជាលំដាប់ ដែលបណ្តែតបណ្តោយឱ្យពល រដ្ឋមួយចំនួនបង្ខំចិត្តទទួលទានត្រី ចិញ្ចឹមដែលគេយកមកលក់នៅ តាមទីផ្សារទៅវិញ ព្រោះត្រី ធម្មជាតិត្រូវបានហិនហោចស្ទើរ ទាំងស្រុងទៅហើយ ។
ប្រភពបានបន្តឱ្យដឹងថា បទ ល្មើសប្រភេទឆ្នុកដែលកើតមាន ច្រើនជាងគេគឺនៅក្នុងភូមិសាស្ត្រ ឃុំកំពង់ឃ្លាំង ស្រុកសូទ្រនិគម ក្រោមការគ្រប់គ្រងដោយសមត្ថ កិច្ចចម្រុះជាពិសេសខាងជំនាញ រដ្ឋបាលជលផលដែលមានលោក ហោ ឡា ជានាយសង្កាត់រដ្ឋបាល ជលផលកំពង់ឃ្លាំង និងលោក រឹម សំអ៊ុន ជានាយផ្នែករដ្ឋបាល ជលផលសូទ្រនិគម ។ ហើយ ក្រុមអ្នកនេសាទនៅតំបន់នោះ តែងតែមិនហ៊ានមើលរំលង សមត្ថកិច្ចខាងលើនេះទេ បើមិន ដូច្នេះគេនឹងមានវិធានការបង្ក្រាប យកស្នាដៃជូនថ្នាក់លើមើល លេងជាក់ជាមិនខាន ។
ប្រភពបានបន្តទៀតថា ក្នុង ឆ្នុកមួយកន្លែងត្រូវបង់ឱ្យសមត្ថ កិច្ចចម្រុះសម្រាប់ចែកចាយគ្នា ចំនួន ១លានរៀល ទៅ ១លាន កន្លះ ក្នុងមួយរដូវកាល ហើយ បច្ចប្បន្ននៅភូមិសាស្ត្រខាងលើ ត្រូវគេប្រមូលបានចំនួន៨០% នៃ ចំនួនសរុបទាំងអស់ ។ ប្រភព បានបញ្ជាក់ទៀតថានៅឃុំកំពង់ ឃ្លាំង មានបទល្មើសជាច្រើន ប្រភេទដែលមានឈ្មួញជនជាតិ វៀតណាមជាអ្នកកាងនៅពី ខាងក្រោយខ្លងរងចាំបង់លុយ ជូនសមត្ថកិច្ចជាថ្នូរនឹងការមិន ការចុះបង្ក្រាប ។
ទាក់ទិននឹងការលើកឡើង ខាងលើនេះដែរ លោក ព្រិន្ទ សាវិន នាយខណ្ឌរដ្ឋបាលជល ផលខេត្តសៀមរាបមិនអាចសុំ ការពន្យល់ពីលោកបានទេជុំវិញ បញ្ហាបទល្មើសនេសាទដែល កើតមានពេញផ្ទៃបឹងទន្លេសាប នៃខេត្តសៀមរាប ។ ចំណែក លោក ហោ ឡា នាយសង្កាត់ រដ្ឋបាលជលផលកំពង់ឃ្លាំងក៏ មិនអាចទាក់ទងសុំការបំភ្លឺបាន ដែរពីករណីនេះ។ជាមួយគ្នានោះ ដែរ លោក រឹម សំអ៊ុន នាយ ផ្នែករដ្ឋបាលជលផលគ្រប់គ្រង ពីរស្រុកខាងលើក៏មិនអាចទំនាក់ ទំនងបានដែរ តែទៅះបីយ៉ាង ណាអ្នកសារព័ត៌មាននឹងព្យាយាមទាក់ទងសុំការបំភ្លឺនៅ ពេលក្រោយ ។
គេនៅទន្ទឹងរងចាំមើលថា តើឯកឧត្តម ឃឹម ប៊ុនសុង ឯកឧត្តម ណៅ ធួក ប្រធាន រដ្ឋបាលជលផលនឹងមានចំណាត់ ការ ព្រមទាំងធ្វើការដុសក្អែល មន្ត្រីក្រោមឱវាទមួយចំនួនដែល ប្រព្រឹត្តិអំពើពុករលួយធ្វើយ៉ាង ណាដើម្បីឱ្យផលត្រីកើនឡើង វិញ ៕
