ខេត្តស្វាយរៀង ៖ នៅវេលាម៉ោង៦និង០០នាទីព្រឹក ថ្ងៃទី២២ ខែវិច្ឆិកា ឆ្នាំ២០១៩ មានការភ្ញាក់ផ្អើលមួយបានកើតឡើងនៅក្នុងរោងចក្រមួយកន្លែង ស្ថិតភូមិដើមពោធ៌ ឃុំកណ្តៀងរាយ ស្រុកស្វាយទាប ខេត្តស្វាយរៀង ដោយសារកម្មការិនីម្នាក់ត្រូវឃាតករ អាករសម្លាប់យ៉ាងព្រៃផ្សៃ ។
នៅពេលនេះ សមត្ថកិច្ចកំពុងស្រាវជ្រាវនិងមិនអនុញ្ញាត្តិឲ្យក្រុមអ្នកសារព័ត៌មានទៅផ្តិតយករូបភាពក្បែរសាកសពនោះទេ។
កម្មករបម្រើការងារជាមួយជនរងគ្រោះបានបង្ហើបឲ្យដឹងថា ជនរងគ្រោះមានឈ្មោះ ខឹម ពិសាល ភេទស្រី អាយុ២៤ឆ្នាំ រស់នៅភូមិសង្កែ ឃុំឈើទាល ស្រុកស្វាយជ្រំ ខេត្តស្វាយរៀង ហើយកម្មការិនីរងគ្រោះនេះ បម្រើការនៅរោងចក្រផលិតអំពូលភ្លើងលំអគ្រប់ប្រភេទ ធី វ៉ាយ អេឡិកទ្រិក ឯ.ក។ ទោះជាយ៉ាងណា សមត្ថកិច្ចមិនទាន់បញ្ជាក់ប្រាប់ថា ករណីនេះជាករណីឃាតកម្មឬយ៉ាងណានោះទេ រង់ចាំការស្រាវជ្រាវបន្ត។
ចំណែកឯទិដ្ឋភាពនៅខាងក្រៅរោងចក្រវិញមានកម្មករ កម្មការិនី ប្រជាពលរដ្ឋចោមរោមមើលយ៉ាងច្រើនកកកុញ ដើម្បីរង់ចាំមើលសមត្ថកិច្ចចាប់ជនដៃដល់ដើម្បីផ្តន្ទាទោសទៅតាមច្បាប់ ៕
