ខេត្តត្បូងឃ្មុំ ៖ នៅក្នុងកម្មវិធីបើកការដ្ឋាន សាងសង់អគាររដ្ឋបាលសាលា ខេត្តត្បូងឃ្មុំ នាព្រឹកថ្ងៃទី០៥ ខែ មករា ឆ្នាំ២០១៥ សម្តេចអគ្ក មហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណា ចក្រកម្ពុជា បានមានប្រសាសន៍ ថា ២៥ ថ្ងៃទៀត មន្ត្រីរាជការ នឹងកងកម្លាំងប្រដាប់អាវុធរបស់ កម្ពុជា នឹងទទួលបានប្រាក់ខែថ្មី កើនឡើងខ្ពស់ជាងមុនដែល ជាលទ្ធភាពអាចទៅរួចរបស់ កម្ពុជា ។
មន្ត្រីរាជការកងកម្លាំងប្រ ដាប់អាវុធទាំងអស់បានស្វាគមន៍ និងគាំទ្រយ៉ាងពេញទំហឹងចំពោះ ចំណាត់ការតម្លើងប្រាក់បៀវត្សរ៍ ជូនពួកគាត់ ដើម្បីលើកតម្កើង ជីវភាពរស់នៅ និងគ្រួសារ ព្រម ទាំងដឹងគុណដ៏ជ្រាលជ្រៅចំពោះ សម្តេចតេជោដែលតែងតែគិត ដល់ជីវភាពរបស់ប្រជាពលរដ្ឋ ។
សម្តេចតេជោនាយករដ្ឋមន្ត្រី បានមានប្រសាសន៍បន្តទៀតថា ចាប់ពីខែមករា ឆ្នាំ២០១៥ នេះ តទៅ ប្រាក់ខែមន្ត្រីរាជការ និង កងកម្លាំងប្រដាប់អាវុធនឹងចាប់ ផ្តើមឡើងជាបន្តបន្ទាប់ជា លក្ខណៈកាំជណ្តើរទៅតាមលទ្ធ ភាពរបស់កម្ពុជា ។
សម្តេចតេជោបានបន្តទៀត ថា សម្តេចខ្លួនួឯងផ្ទាល់ចង់ឱ្យ ប្រាក់ខែមន្ត្រីរាជការឡើងរហូត ដល់ ១ពាន់ដុល្លារឯណោះ ប៉ុន្តែ លទ្ធភាពរបស់កម្ពុជាពេលនេះ ទៅមិនទាន់រួចទេ ប៉ុន្តែទៅជា យ៉ាងណារាជរដ្ឋាភិបាលនឹងខិត ខំឡើងជាបន្តបន្ទាប់ទៀត យើង មានកម្មវិធីឡើងប្រាក់ខែតាម លក្ខណៈកាំជណ្តើរយើងមិនអាច ហោះតាមឧទ្ធម្ភាគចក្របានទេ។
សូមបញ្ជាក់ថា ខេត្តត្បូងឃ្មុំ ដែលទើបបង្កើតថ្មីនេះ ជាខេត្ត ដែលកាត់ចេញពីខេត្តកំពង់ចាម មានផ្ទៃក្រឡាជិត ៥ពាន់គីឡូ ម៉ែត្រការ៉េ មានក្រុងចំនួនមួយ ស្រុកចំនួនប្រាំមួយ ឃុំ-សង្កាត់ ចំនួន៦៤ មានប្រជាពលរដ្ឋជាង ៧៥ម៉ឺននាក់ ហើយបានប្រារឰ ពិធីបើកការដ្ឋានសាងសង់អគារ រដ្ឋបាលសាលាខេត្តស្ថិតនៅព្រៃ ម៉ៃសាក់ ដងទង់ ក្នុងឃុំស្រឡប់ ស្រុកត្បូងឃ្មុំ ៕
