បន្ទាយមានជ័យ ៖ កម្លាំងនគរបាលព្រហ្មទណ្ឌកំរិតធ្ងន់បានរៀបចំសំណុំរឿងបញ្ជូនជនសង្ស័យម្នាក់ដោយជាប់ចោទពីបទប៉ុនប៉ងរំលោភក្មេងស្រីអាយុ១៣ឆ្នាំ បញ្ជូនទៅសាលាដំបូងខេត្តបន្ទាយមានជ័យនៅព្រឹកថ្ងៃទី២៨ ធ្នូ ឆ្នាំ២០១៤ បានធ្វើសកម្មភាព នៅវេលា ម៉ោង ៥ល្ងាច ថ្ងៃទី២៥ ធ្នូ ឆ្នាំ២០១នៅភូមិពោធិរាំបុណ្យ ឃុំពន្លៃ ស្រុកភ្នំស្រុក ខេត្តបន្ទាយមានជ័យ តែមិនបានសម្រេច។
លោកវរសេនីយ៍ឯកសិទ្ធ ឡោះ ស្នងការរងទទួលផែនការិយាល័យកណ្តាលនគរបាលព្រហ្មទណ្ឌបានឲ្យដឹងថា ផ្អែកតាមបណ្តឹងរបស់ឪពុក ម្តាយក្មេងស្រីរងគ្រោះ លោកបានបញ្ជាឲ្យកម្លាំងចុះស្រាវជ្រាវ តានដានរហូតឈានមកដល់ការឃាត់ខ្លួន
ជនសង្ស័យឈ្មោះ ភោគ សារឹម ភេទវប្រុស អាយុ២៧ឆ្នាំ នៅភូមិពោធិ៍រាំបុណ្យ ឃុំពន្លៃ ស្រុកភ្នំស្រុក ខេត្តបន្ទាយមានជ័យ ចំណែកក្មេងស្រីរងគ្រោះឈ្មោះ ម.ន អាយុ១៣ឆ្នាំ នៅភូមិ-ឃុំជាមួយគ្នា ។
លោកបានបន្តថា ក្រោយពីឃាត់ខ្លួនជនសង្ស័យ និងធ្វើការសាកសួរ ជនសង្ស័យបានសារភាពថា ក្រោយពីរូបគេមកពីហូបការមិត្តភក្តិក្នុងភូមិ គេបានដើរទៅយកគោដែលចងឲ្យស៊ីស្មៅនៅវាលស្រែ ក្មេងស្រីរងគ្រោះអង្គុយដាំបាយម្នាក់ឯង ដោយមិនឃើញមានឱកាសថាគ្មាន អ្នកណានៅជិតនោះ មួួយណាឪពុកម្តាយក្មេងស្រីមិននៅ មានតែប្អូនតូចៗនាក់ ជាឱកាសល្អគេក៏ចងគោនៅជិតផ្ទះក្មេងស្រីរងគ្រោះ រួចចូលទៅចាប់នាងផ្តួលទៅលើគ្រែបំណងរំលោភ តែមិនបានសម្រេចដោយ ក្មេងស្រីរងគ្រោះស្រែកមួយណាមានប្អូនប្រុស ស្រែកអោយគេជួយ ភ្លាមនោះជនសង្ស័យបាន ឈប់ធ្វើសកម្មភាពដោយមិនបានសម្រេច។
ពេលឪពុកម្តាយ ក្មេងស្រីរងគ្រោះដល់ផ្ទះ វិញនាងបានប្រាប់ពីហេតុការណ៍ខាងលើ រួចក៏ទៅដាក់ពាក្យបណ្តឹងនគរបាលឲ្យចាប់ខ្លួនគេតែម្តង។
ក្រោយពីសមត្ថកិច្ចបានឃាត់ខ្លួនជនសង្ស័យនិងតាមការឆ្លើយសារភាពរខាងលើនេះ និងផ្អើកទៅពាក្យបណ្តឹងរងគ្រោះផងដែរ ។ បច្ចុប្បន្ន កម្លាំងនគរបាលព្រហ្មទណ្ឌកំរិតធ្ងន់បានរៀបចំកសាងសំណុំរឿង និងបញ្ជូនជនសង្ស័យទៅសលាដំបូងនៅព្រឹកថ្ងៃទី២៨ ធ្នូ ឆ្នាំ២០១៤នេះផងដែរ ៕
ដោយចិន្តា
