ខេត្តកំពង់ធំ ៖ អគ្គីភ័យបានឆាបឆេះផ្ទះយ៉ាងសន្ធោសន្ធៅក្លាយជាផេះ ហើយឆេះរាលដាលពីផ្ទះមួយ ឆ្លងទៅផ្ទះអ្នកជិតគ្នាមួយខ្នងទៀត ហេតុការណ៏បណ្តាលអោយមានគ្រោះអគ្គីភ័យនេះបានកើតឡើង កាលពីវេលាម៉ោងជាង៩ ព្រឹកថ្ងៃទី១៣ ខែវិច្ឆិកា ឆ្នាំ២០១៩ នៅក្នុងភូមិថ្នល់ ឃុំទ្រៀល ស្រុកតាំងគោក ខេត្តកំពង់ធំ ។
ប្រភពព័ត៍មានពីអ្នកជិតខាងនៅកន្លែងកើតហេតុបានបង្ហើបអោយដឹងថា ម្ចាស់ផ្ទះខាងលើនេះមិននៅផ្ទះ ហើយបានបិទទ្វារចោល តែរយៈពេលកន្លងមកកូនស្រីម្ចាស់ផ្ទះខាងលើនេះ តែងតែខឹងម្តាយ លួចយកភ្លើ់ងទៅដុតផ្ទះ តែត្រូវអ្នកជិតខាងជួយទាន់ លុះមកដល់ព្រឹកថ្ងៃទី១៣ ខែវិច្ឆិកា នេះ ស្រាប់តែកូនស្រីសតិមិនគ្រប់ បានលួចយកភ្លើងទៅដុតជញ្ជាំងផ្ទះផ្នែកខាងក្រោយហើយក៏ដើរចេញបាត់ទៅ ស្រាប់តែមួយសន្ទុះក្រោយមកក៏ឃើញមានអណ្តាតភ្លើងឆេះសន្ធោសន្ធៅពេញក្រមុំ សូម្បីតែអ្នកជិតខាងក៏មិនអាចជួយទាន់ដែរ ភ្លាមៗនោះគេបានឃើញរថយន្តពន្លត់អគ្គីភ័យ បានជួយអន្តរាគមន៏ បាញ់ទឹកពន្លត់ ដើម្បីកុំអោយរាលដាល តែដោយសារអណ្តាតភ្លើងឆេះលឿនពេក ជួយមិនទាន់ ក៏បណ្តាលអោយឆេះអស់ទាំងស្រុងនិងឆេះអស់ទ្រព្យសម្បត្តិ រួមមាន គ្រែបី តុបី ម៉ូតូសង់កូរ៉េមួយគ្រឿង និងឆេះរាលទៅដល់ផ្ទះអ្នកជិតខាងអស់ជញ្ជាំងក្តាមួយចំហៀងទៀត។
សមត្ថកិច្ចបានអោយដឹងថា ម្ចាស់ផ្ទះរងគ្រោះ ឈ្មោះ ពង្ស ញ៉ាញ់ ភេទស្រី អាយុ៥៧ឆ្នាំ រស់នៅភូមិថ្នល់ ឃុំទ្រៀល ស្រុកតាំងគោក ខេត្តកំពង់ធំ។និងម្ចាស់ផ្ទះមួយដែលឆេះអស់ជញ្ជាំងមួយចំហៀងនោះ ឈ្មោះ សៅ ទិត្យ អាយុ៧៧ឆ្នាំ នៅភូមិ ឃុំ ជាមួយគ្នា កន្លែងកើតហេតុ ហើយកូនស្រីសតិមិនគ្រប់ ឈ្មោះ ម៉ុង ញ៉ អាយុ៣៨ឆ្នាំ នៅក្នុងហេតុការណ៏អគ្គីភ័យ សមត្ថកិច្ច នគរបាលស្រុកតាំងបានប្រើរថយន្តចំនួន២គ្រឿង ទឹកអស់២ឡាន ស្មើជាង៩ម៉ែត្រគូប ដោយប្រាស់កម្លាំងនគរបាល ប៉ុស្តិទ្រៀល និងនគរបាលស្រុកតាំងគោកសរុបដើម្បីជួយអន្តរាគមនោះ ជិត៣០នាក់ ទើបធ្វើអោយអគ្គីភ័យ បានរលត់ថមថយទៅវិញនៅវេលាម៉ោងជាង១១ថ្ងៃដដែលនេះ ៕
