តាមប្រជាពលរដ្ឋខ្មែរមួយរូបស្ថិតនៅព្រលានយន្តហោះទីក្រុងប៉ារីស បានរាយការណ៍ថា គាត់បានឃើញប៉ូលិសបារាំងបានបណ្តេញ សម រង្ស៉ី និងអ្នកហែហម ចេញពីព្រលានយន្តហោះ Charles De Gaulle។ ដូចនេះការទៅព្រលាននេះ គ្រាន់តែជាឆាកល្ខោន ដែល សម រង្ស៉ី សម្តែងឲ្យអ្នកគាំទ្រមើលថា បានទៅព្រលានមែន តែក្រុមហ៊ុនយន្តហោះថៃ មិនឲ្យឡើង ដើម្បីប្រើជាលេសពន្យាពេលថ្ងៃទី ០៩/១១ ដែលតាមការពិត សំបុត្រយន្តហោះជើងហោះហើរថ្ងៃនេះ សម រង្ស៉ី បានពន្យារពេលរួចបាត់ទៅហើយ។
មួយវិញទៀត តាមប្រភពព័ត៌មានពីបរទេសបានឲ្យដឹងថា កាលពីម្សិលមិញ ក្រុមសន្តិសុខប្រចាំព្រលានយន្តហោះ Charles De Gaulle ប្រទេសបារាំង បានបណ្តេញមេឧទ្ទាម សម រង្ស៊ី រួមទាំងបក្ខពួកប្រមាណជិត១០នាក់ឲ្យចេញពីព្រលានយន្តហោះ ខណដែលក្រុមឧទ្ទាមក្រៅច្បាប់ទាំងអស់នោះមិនមានឈ្មោះក្នុងជើងហោះហើរ ហើយបានបន្លំខ្លួនចូលទៅព្រលានយន្តហោះ អន្តរជាតិមួយនេះ ។
យោងតាមសារព័ត៌មាន The New York Times បានចេញផ្សាយនៅយប់ថ្ងៃទី០៧ ខែវិច្ឆិកា ឆ្នាំ២០១៩នេះ ដោយបញ្ជាក់ថា « សម រង្ស៊ី មិនបានកក់សំបុត្រយន្តហោះនោះទេ »។
ចំណែកបុគ្គលិកម្នាក់របស់ក្រុមហ៊ុនអាកាសចរណ៍ Thai Airways បានថ្លែងអះអាងប្រាប់បណ្តាញសារព័ត៌មាននៅកម្ពុជាថា ៖ លោក សម រង្ស៊ី មិនត្រូវបានអនុញ្ញាតឱ្យឡើងយន្តហោះពីទីក្រុងប៉ារីស ទៅទីក្រុងបាងកកទេ ពីព្រោះការកក់សំបុត្រយន្តហោះរបស់គាត់មិនមានសុពលភាព ។
តាមប្រភពព័ត៌មានខាងលើបញ្ជាក់ថា ទណ្ឌិត សម រង្ស៊ី រួមទាំងបក្ខពួកបានរៀបចំឈុតឆាកល្ខោនបោកប្រាស់មួយដោយធ្វើជានាំគ្នាដើរចូលមកព្រលានយន្តហោះ Charles De Gaulle ដើម្បីថតរូបភាពយកទៅបោកប្រាស់អ្នកគាំទ្រថា គាត់ពិតជាក្លាហាន ហើយហ៊ានវិលមកកម្ពុជា តាមរយៈទឹកដីថៃពិតប្រាកដមែន។ ប៉ុន្តែខាងក្រុមហ៊ុនយន្តហោះមិនអនុញ្ញាតិឲ្យគាត់ធ្វើដំណើរតាមជើងយន្តហោះរបស់គេ ។ ប៉ុន្តែការពិតវិញនោះគឺ សម រង្ស៊ី មិនបានកក់សំបុត្រយន្តហោះ ដើម្បីធ្វើដំណើរមកប្រទេសថៃ ឬមកកម្ពុជានោះទេ ហើយនេះជាល្បិចបោកប្រាស់បន្តទៀតរបស់ សម រង្ស៊ី រួមទាំងបក្ខពួកតែប៉ុណ្ណោះ ៕
តាមការចុះផ្សាយរបស់សារព័ត៌មានក្នុងស្រុកបានបញ្ជាក់ថា បុគ្គលិកក្រុមហ៊ុន អាកាសចរណ៍ថៃ នៅឯអាកាសយានដ្ឋាន Charles De Gaulle នៅទីក្រុងប៉ារីស ដែលបានឆ្លើយតបតាមទូរស័ព្ទ ប៉ុន្តែបដិសេធមិនប្រាប់ឈ្មោះបាននិយាយថា សំបុត្រ Economy Class ដែលមានសុពលភាព មិនមានឈ្មោះរបស់លោក សម រង្ស៉ី ទេ ហើយផ្នែក Economy Class សម្រាប់ការហោះហើរនៅថ្ងៃព្រហស្បតិ៍នេះគឺពេញហើយ។
យ៉ាងណាក៏ដោយជនក្បត់ជាតិ សម រង្ស៉ី បានប្រកាសពន្យារពេលដំណើរវិលត្រឡប់ មកកម្ពុជា នេះបើយោងតាមទណ្ឌិត សម រង្ស៉ី ប្រកាសតាមវីដេអូផ្សាយផ្ទាល់លើ Facebook របស់ខ្លួននៅយប់ថ្ងៃទី០៧ ខែវិច្ឆិកា ឆ្នាំ២០១៩។
ទណ្ឌិត សម រង្ស៉ី បានថ្លែងថា «គម្រោងមាតុភូមិនិវត្តន៍របស់ថ្នាក់ដឹកនាំគណបក្ស សង្គ្រោះជាតិ ប្រហែលត្រូវពន្យារពេលបន្តិច….ពីព្រោះក្រុមហ៊ុនអាកាសចរណ៍របស់ថៃ មិនឱ្យខ្ញុំឡើងលើយន្តហោះដែលត្រូវហោះមកប្រទេសថៃ ដើម្បីខ្ញុំបន្តដំណើរទៅប្រទេស កម្ពុជា» ៕
