សៀមរាប៖ លោករស់ ប៊ុនធី សាកលវិទ្យាធិការរងនៃសាកលវិទ្យាល័យសៅស៍អ៊ីសថ៌អេយសៀបានរៀបចំកម្មវិធីចុះអនុស្សរណៈយោគយល់គ្នាជាមួយសាកលវិទ្យាល័យចៅផាយានៅក្នុងបរិវេណសាកលវិទ្យាល័យសៅស៍អ៊ីសថ៌អេយសៀនៅព្រឹកថ្ងៃទី២៩ខែមេសាឆ្នាំ២០១៤ដែលមាននិសិត្សនិងព្រះសង្សចូលរួមសរុបជាង១០០នាក់ផងដែរ។
លោក រស់ ប៊ុនធី ជំនួសមុខឲ្យលោកសៀន សុវណ្ណា សាកលវិទ្យាធិការនៃសាកលវិទ្យាល័យសៅស៍អ៊ីសថ៌អេយសៀមានអារម្មរំភើបរីករាយដែលបាន សាកលវិទ្យាល័យចៅផាយានៃព្រះរាជាណាចក្រថៃធ្វើការចុះអនុស្សរណៈយោគយល់គ្នាជាមួយសាកលវិទ្យាល័យសៅស៍អ៊ីសថ៌អេយសៀក្នុងពេលនេះ ។ លោកបន្តទៀតថាសាកលវិទ្យាល័យសៅស៍អ៊ីសថ៌អេយសៀបង្កើតឡើងនៅ ថ្ងៃទិ០៧ ខែកក្កដា ឆ្នាំ២០០៦តាមអនុក្រិត្យលេខ៦៣ អនក្រ.បក ស្តីពីការទទួល ស្គាល់សាកលវិទ្យាល័យសៅស៍អ៊ីសថ៌អេយសៀ។សាកលវិទ្យាល័យសៅស៍អ៊ីសថ៌អេយសៀមានការទទួលស្គាល់ដូចខាងក្រោម៖
-ក្រសួងអប់រំ យុវជន និងកីឡា តាមប្រកាសលេខ ៨៨២ អយក.ប្រកស្តីពីការ ទទួលស្គាល់ ដេប៉ាតឺម៉ង់ថ្នាក់ឆ្នាំសិក្សាមូលដ្ឋាននៅសាកលវិទ្យាល័យសៅស៍អ៊ីសថ៌អេយសៀចុះថ្ងៃទី០៩ខែកក្កដាឆ្នាំ២០០៧។
-គណៈកម្មាធិការទទួលស្គាល់គុណភាពអប់រំនៃកម្ពុជា(គ.ទ.ក) ផ្តល់ជូនវិញ្ញា បនត្រទទួលស្គាល់គុណភាពអប់រំពេញសិទ្ធលេខ គ.ទ.ក. ០១៥៤១០៤៩ចុះថ្ងៃទី១០ខែកញ្ញាឆ្នាំ២០១០។
-គណៈកម្មាធិការទទួលស្គាល់គុណភាពអប់រំនៃកម្ពុជា(គ.ទ.ក) ផ្តល់ជូនវិញ្ញាបនត្រទទួលស្គាល់គុណភាពអប់រំពេញសិទ្ធលេខ គ.ទ.ក.ប.ស.០១០០១១៣៩០០១ចុះថ្ងៃទី០៩ខែសីហាឆ្នាំ២០១៣។
-មានការទទួលស្គាល់ពីបណ្តាលទីផ្សារការងារដូចជា៖ស្ថាប័នរដ្ឋ,ឯកជន និងអង្គការក្រៅរដ្ឋាភិបាលរហូតដល់ពេលនេះ សាកលវិទ្យាល័យបានបណ្តុះ បណ្តាលនិស្សិតចំនួន៨ជំនាន់ដែលបានបញ្ចប់ការសិក្សារបស់និស្សិតថ្នាក់បរិ ញ្ញាបត្ររងចំនួន៤ជំនាន់,ថ្នាក់បរិញ្ញាបត្រចំនួន៤ជំនាន់,និងបរិញ្ញាបត្រជាន់ខ្ពស់ចំនួន២ជំនាន់ដោយជោងជ័យ សាកលវិទ្យាល័យ មានការបណ្តុះបណ្តាល លើឯកទេសសំខាន់ៗ ដូចជាៈ គ្រប់គ្រងគណនេយ្យ,ទីផ្សារ,ហិរញ្ញវត្ថុនិងធនធាន សេដ្ឋកិច្ច,ការអប់រំភាសាអង់គ្លេស,ព័ត៌មានវិទ្យានិងនិតិសាស្ត្រ ។ លោកបន្តថា ការចុះអនុស្សរណៈយោគយល់គ្នារវាងសាកលវិទ្យា(Chaopraya)ជាមួ
យសាកលវិទ្យាល័យ សៅស៍អ៊ីសថ៌អេយសៀ ផ្តោតលើចំណុចសំខាន់ៗដូចខាងក្រោម៖ -ធ្វើសហប្រតិបត្តិការដើម្បីកសាងកម្មវិធីបន្តុះបណ្តាលប្រកបដោយទំនុកចិត្តក្នុងមហាអនុតំបន់ទន្លេមេគង្គ។
-ផ្លាស់ប្តូរបទពិសោធបុគ្គលិកសិក្សានិស្សិតអ្នកស្រាវជ្រាវនិងបុគ្គលិករដ្ឋបាល
-ផ្លាស់ប្តូរព័ត៌មានសិក្សាធិការនៃការបោះបុម្ពផ្សាយការស្រាវជ្រាវ
-ស្រាវជ្រាវ និង បណ្តុះបណ្តាលរួមគ្នា
-បង្រៀន រៀបចំសិក្ខាសាលា វគ្គបណ្តុះបណ្តាល និង សន្និសីទរួមគ្នា
-ផ្លាស់ប្តូរសម្ភារៈព័ត៌មានសិក្សាធិការ ធ្វើសហប្រតិបត្តិការផ្នែកបណ្ណាល័យ
-ជំរុញសហប្រតិបត្តិការផ្នែកសិក្សាធិការដែលមានការឯកភាពពីសាកលវិទ្យា
ល័យទាំងពីរ។និងបង្កើតមជ្ឈមណ្ឌលសិក្សាខ្មែរ,ថៃក្នុងសាកលវិទ្យាទាំងពីរ។
លោកស្រី Darat Vibhatakalasa សាកលវិទ្យាល័យ Chaoprayaក៏បាន រៀបរាប់អំពីប្រវត្តិរបស់សាកលវិទ្យាChaoprayaកម្រិតសិក្សានិងមហាវិទ្យាល័យ ដែលកំពុងដំណើរការនៅក្នុងសាកលវិទ្យា។ លើសពីនេះទៅទៀតលោក
ស្រីបានសង្កត់ធ្ងន់ទៅលើចំនុចខ្លាំងរបស់សាកលវិទ្យាល័យនិងការខុសត្រូវទៅលើនិស្សិតយ៉ាងហ្មត់ចត់។លោកស្រីបានបន្ថែមទៀតថាសាកលវិទ្យាល័យ សៅស៍អ៊ីសថ៌អេយសៀជាសាកលវិទ្យាទី១នៅក្នុងព្រះរាជាណាចក្រកម្ពុជា ដែលបានចុះអនុស្សរណៈយោគយល់ជាមួយសាកលវិទ្យាល័យរបស់លោកស្រីហេតុដូចនេះអនុស្សរណៈជាចំណងមួយដ៏ស្អិតរមួតផងដែរ ៕
ដោយច័ន្ទរស្មី
