ខេត្តសៀមរាប ៖ ពលរដ្ឋច្រើនគ្រួសាររស់នៅ ភូមិអន្លង់ ២ ឃុំត្រពាំងធំ ស្រុក ប្រាសាទបាគង ខេត្តសៀមរាប ច្រើនរយគ្រួសារមិនពេញចិត្តនិង ក្រុមហ៊ុនហ្កាយយ៉ាងមានចេតនា ឱ្យក្លិនស្អុយអាសោចន៍ចេញពី ក្នុងសំរាមច្រើនរយម៉ែត្រ ប៉ះ ពាល់យ៉ាងធ្ងន់ធ្ងរ និងដំណាំស្រូវ ពួកគាត់សុំកិច្ចអន្តរាគមន៍ពីអាជ្ញា ធររហូតដល់អ្នកតំណាងរាស្ត្រ ច្រើនដងច្រេនិខែមកហើយ តែ មកដល់ពេលនេះ នៅស្ងាត់ឈឹង បណ្តោយឱ្យក្រុមហ៊ុនធ្វើតាមតែ អំពើចិត្ត ។
ក្រុមហ៊ុនហ្កាយយ៉ា បាន ដំណើរការតាំងពីឆ្នាំ២០០៨ មកមានផ្ទៃដី ៨ហិកតា តែជីកដី ធ្វើរណ្តៅចាក់សំរាមមួយចំនួន ពីរឆ្នាំចុងក្រោយនេះសំរាមហៀ រណ្តៅធ្វើឱ្យសំរាមរាយប៉ាយធំ ក្លិនអាសោចន៍បរិស្ថានអាប់អួរ ប្រឆាំងនឹងគោលនយោបាយ ភូមិ ឃុំ មានសុវត្ថិភាព។
ពលរដ្ឋទាមទារសុំឱ្យក្រុម ហ៊ុនលុបរណ្តៅសំរាមនិងទៅរក ទីតាំងថ្មីទៅ បើមិនដូច្នេះទេ ពួកគាត់មិនសុខចិត្តឡើយ ។
សារព័ត៌មានសុំសម្ភាសន៍ លោក ផល្លី តំណាងក្រុមហ៊ុន ពេលសួរថា ហេតុអ្វីបានជា សំរាមហៀរណ្តៅក្លិនស្អុយដល់ អ្នកស្រុក លោកឆ្លើយថាទឹកមិន ទាន់ស្រកអស់ឥឡូវក្រុមហ៊ុនជី រណ្តៅថ្មីហើយ លោក ផល្លី អួត បន្តិចថាក្រុមហ៊ុនបានអនុគ្រោះ ឱ្យអ្នកស្រុក ២០គ្រួសាររស់នៅ ជាប្រចាំរើសកាកសំណល់ពី សំរាមលក់បានប្រាក់ចិញ្ចឹមខ្លួន និងអ្នកនៅឆ្ងាយរាប់រយអ្នកមក រើសអេតចាយ បាយសម្លទៅឱ្យ ជ្រូកស៊ី ។ លោកបន្តថាអ្នកដែល ប្រឆាំងនោះមួយចំនួនតិចទេអ្នក បានផលពីសំរាមច្រើន ។
លោក ផូ សំអាត អភិបាល ស្រុកប្រាសាទបាគងឱ្យដឹងតាម ទូរស័ព្ទថា លោកបានដឹងតាម វេទិកាសាធារណៈលោកបាន ដឹងអំពីទុក្ខកង្វល់របស់ពលរដ្ឋ ហើយតែអាជ្ញាធរស្រុកមិនមាន អំណាចគ្រប់គ្រាន់និយាយជា មួយក្រុមហ៊ុនឡើយ ។
ពលរដ្ឋបានប្តឹងទៅដល់អ្នក តំណាងរាស្ត្រ និងខេត្តហើយ លោក ផូ សំអាត បន្តថាពលរដ្ឋ ប្តឹងមិនបានតាមរយៈអាជ្ញាធរ ភូមិ-ឃុំទេ បើឱ្យភូមិ ឃុំស្រុក ស៊ីញ៉េលើក្រដាស់ពាក្យបណ្តឹង នោះវាមានទម្ងន់ជាង ។
លោក នូ ពុទ្ធិ ប្រធានសមា គមន៍លីកាដូខេត្តសៀមរាបឱ្យ ដឹងតាមទូរស័ព្ទថា មនុស្សអ្នក បង្កឡើង ដូច្នេះយើងទាំងអស់ គ្នា រួមគ្នាដោះស្រាយលោក គាំទ្រដោះស្រាយតាមអហិង្សា ប្រើអំពើហិង្សាលោកមិនគាំទ្រ លោកបន្តថា ពលរដ្ឋមានសុខ ភាពល្អវាចំណេញច្រើនមិនចំណាយប្រាក់មើលជំងឺមិនអំពល់ ដល់ពេទ្យមិនលំបាកដល់អង្គការ សង្គមស៊ីវិលជីវភាពពួកគាត់ធូរ ធារួមចំណែកកសាងប្រទេស ។
សារព័ត៌មានសុំសម្ភាសន៍ អ្នករើសអេតចាយច្រើនអ្នក ឆ្លើយមិនខុសគ្នាទេ ពួកគាត់ខំ កកាយគំនរសំរាមមួយថ្ងៃ លក់ បានប្រាក់មិនដល់ ២ម៉ឺនរៀល ហេតុតែអត់ចេះសុខចិត្តរស់ ដោយលំបាកបែបនេះមានកូនៗ មួយចំនួនមិនបានចូលរៀនទេ ពួកគាត់អាណិតដែរ តែមិនដឹង ធ្វើយ៉ាងម៉េចឈ្មួញទិញអេត ចាយឱ្យដឹងថាគាត់ទិញថង់ខ្មៅ-ស មួយគីឡូ ៨០រៀល ដឹក ដល់ វៀតណាម លក់បានអាខ្មៅ ២៨០ សិបរៀល អាស បាន ៤០០រៀល ។
ពលរដ្ឋឃុំត្រពាំងធំអំពាវ នាវដល់អាជ្ញាធរគ្រប់លំដាប់ថ្នាក់ និងអង្គការសង្គមស៊ីវិលទាំង អស់ឱ្យក្រុមហ៊ុននេះដកចេញពីទី នេះទៅ ៕
ដោយ ៖ ស៊ីម ហៀម
