ខេត្តកោះកុង ៖ នៅចុងខែតុលា ឆ្នាំ ២០១៩ អាកាសយានដ្ឋានអន្តរជាតិតារាសាគរដែលមានគន្លងចម្ងាយ ៣.២០០ ម៉ែត្រទើបសាងសង់ថ្មីត្រូវបានបញ្ចប់គម្រោងសាងសង់របស់ខ្លួន ។
អាកាសយានដ្ឋានអន្តរជាតិតារាសាគរកម្ពុជា មានទីតាំងស្ថិតនៅក្នុងតំបន់វិនិយោគនិងអភិវឌ្ឍន៍គ្រប់ជ្រុងជ្រោយកម្ពុជា-ចិន និងរមណីយដ្ឋានទេសចរណ៍តារាសាគរកម្ពុជា ខេត្តកោះកុង ដោយរួមសហការជាមួយក្រុមហ៊ុនញូញៀនគ្រុប ក្រុមហ៊ុន MY ក្រុមហ៊ុនស៊ីឈួនហួយស៊ីងគ្រុប ។
គម្រោងនេះត្រូវបានសាងសង់ឡើងដោយក្រុមហ៊ុន ស៊ីឈួនហូស៊ី investment construction ខូអិលធីឌី។ អាកាសយានដ្ឋាននេះមានចម្ងាយ ៣៣០ គីឡូម៉ែត្រពីរាជធានីភ្នំពេញ ដោយមានចំណាត់ថ្នាក់តំបន់ហោះហើរ ៤E ប្រវែងផ្លូវ ៣.២០០ ម៉ែត្រ ទទឹង ៤៥ ម៉ែត្រ ក្នុងនោះមានចំណាត់ថ្នាក់ C ចំនួន ៥ ចំណាត់ថ្នាក់ B ចំនួន ៦ និងឧទ្ធម្ភាគចក្រ ៤ គ្រឿង និងមានតាក់ស៊ីជូនអ្នកដំណេីរនៅក្នុងព្រលានផងដែរ ។
ក្នុងនាមសហគ្រាស MY group គឺជាក្រុមវិនិយោគឧស្សាហកម្មដ៏ទូលំទូលាយមួយដែលមានមូលដ្ឋាននៅ តារាសាគរ ក្នុងឆ្នាំ ២០១៧ ក្រុមហ៊ុន បានសហការជាមួយ ក្រុមហ៊ុន ញូញៀនគ្រុប ដើម្បីសាងសង់គម្រោងព្រលានយន្តហោះសម្រាប់អាកាសយានដ្ឋានអន្តរជាតិ តារាសាគរ ក្នុងនោះដែរក៏មានមន្ទីរពេទ្យនិងគម្រោងផ្សេងៗទៀតដែលជួយការពារបរិស្ថាន។
ក្រុមហ៊ុន MY Group បានវិនិយោគយ៉ាងច្រើននៅក្នុងរមណីយដ្ឋានតារាសាគរ ដើម្បីសាងសង់គម្រោងកម្សាន្តនិងវិស្សមកាលដ៏ធំបំផុតនៅអាស៊ី រួមមានសណ្ឋាគារលំដាប់ផ្កាយប្រាំចំនួន ១០ មជ្ឈមណ្ឌលកំសាន្តជាង ៦០.០០០ ម៉ែត្រក្រឡា ភោជនីយដ្ឋានជាង ៣ ម៉ឺនម៉ែត្រការ៉េ។
នៅក្នុងរយ:ពេល ៣ ឆ្នាំ សណ្ឋាគារ និងមជ្ឍមណ្ឌលកំសាន្តនឹងចេញលេចជារូបរាង ដែលជាទីតាំងកំសាន្តដ៏ល្អជាងគេនៅអាស៊ី ។ លើសពីនេះទៅទៀត អាកាសយានដ្ឋាននេះនឹងក្លាយជាអាកាសយានដ្ឋាន 4E លំដាប់ទី ១ នៅក្នុងព្រះរាជាណាចក្រកម្ពុជាបន្ទាប់ពីការបញ្ចប់គម្រោងសាងសង់ ហើយវានឹងជួយបង្កើនសមត្ថភាពក្នុងការហោះហើរពីប្រទេសកម្ពុជាទៅកាន់ពិភពលោកទាំងមូល។
គម្រោងព្រលានយន្តហោះនេះមានទីតាំងស្ថិតនៅក្នុងតំបន់ទេសចរណ៍សំខាន់ៗ របស់ប្រទេសកម្ពុជា។យើងអាចធ្វើដំណើរទៅកាន់សិង្ហបុរី បាងកក ភូកេត និងហៃណាន បានយ៉ាងងាយស្រួល ហើយចម្ងាយពីប្រទេសចិន ជប៉ុន កូរ៉េខាងត្បូង និងតំបន់ទេសចរណ៍សំខាន់ៗផ្សេងទៀតគឺប្រើពេលតែពេល ៤-៥ ម៉ោងប៉ុណ្ណោះ ហើយវាបានក្លាយជាចំណុចចាប់ផ្តើមសម្រាប់ការអភិវឌ្ឍដឹកអ្នកដំណើរចេញពីតំបន់រមណីយ៍ដ្ឋានតារាសាគរផងដែរ ៕
