ខេត្តសៀមរាប ៖ ក្រុមអាជីវករលក់ដូរនៅ តាមប្រាសាទបុរាណខេត្តសៀម រាបជាង ៤០នាក់ នៅព្រឹកថ្ងៃ ច័ន្ទ បានប្រមូលផ្តុំគ្នានៅខាងមុខ ប្រាសាទភ្នំបាខែង ដើម្បីត្រៀម រារាំងកម្លាំងអាជ្ញាធរជាតិអប្សរា ដែលមានគម្រោងចុះរុះរើតូប លក់ដូររបស់ពួកគេប្តូរទៅកន្លែង ផ្សេងនៅថ្ងៃទី១៥ ខែធ្នូ ឆ្នាំ ២០១៤ ។
ករណីនេះកើតឡើងបន្ទាប់ ពីអាជ្ញាធរជាតិអប្សរាចេញ សេចក្តីជូនដំណឹងឱ្យក្រុមអាជីវ ករលក់នៅខាងមុខប្រាសាទភ្នំ បាខែង និងខ្លោងទ្វារប្រាសាទ អង្គរធំ(ទន្លេអុំ)រុះរើតូបពួកគេ ចេញឱ្យអស់ជាស្ថាពរ នៅថ្ងៃទី ១៥ ខែធ្នូ ឆ្នាំ២០១៤ ក្រោម ហេតុផលកាត់បន្ថយផលប៉ះពាល់ ទេសសភាពវប្បធម៌បុរាណបរិ ស្ថាន និងបុរាណវិទ្យា នៅតំបន់ រមណីយដ្ឋានប្រវត្តិសាស្ត្រអង្គរ
ក្រុមអាជីវករលក់នៅខាង មុខប្រាសាទភ្នំបាខែងបានឱ្យដឹង នៅកន្លែងប្រមូលផ្តុំថាអាជ្ញាធរ ជាតិអប្សរានឹងចុះរុះរើកន្លែង លក់ដូរពួកគាត់ឱ្យអស់ជាស្ថាពរ នៅថ្ងៃទី១៥ ខែធ្នូ ដើម្បីយក កន្លែងនោះពង្រីកចំណតរថយន្ត។
ក្រុមអាជីវករបន្តថា ពួកគេ មិនព្រមឱ្យអាជ្ញាធរអប្សរារុះរើ តូបពួកគាត់ទៅកន្លែងផ្សេងឡើយ ដោយសារទីតាំងថ្មីនោះមាន ទំហ៊ំតូចជាងកន្លែងចាស់ ។
ក្រុមអាជីវករខ្លះលក់ដូរនៅ តាមប្រាសាទបុរាណតាំងពីឆ្នាំ ១៩៩៣មកហើយ ពួកគាត់មិន ជំទាស់នឹងការផ្លាស់ប្តូរកន្លែង លក់ដូរទេ ប៉ុន្តែអាជ្ញាធរត្រូវរៀប ចំនិងផ្តល់កន្លែងថ្មីឱ្យពួកគេបាន សមរម្យពោលទំហំតូប ២ម៉ែត្រ កន្លះគុណ ៤ ម៉ែត្រ ដូចកន្លែង ចាស់ ។
ស្ត្រីម្នាក់បញ្ជាក់ថាការលក់ ដូររបស់ពួកគាត់នៅខាងមុខ ប្រាសាទភ្នំបាខែងនោះ មិនមាន ផលប៉ះពាល់ដល់បុរាណវិទ្យា និងសណ្តាប់ឡើយប៉ុន្តែអាជ្ញាធរ មានគម្រោងយកកន្លែងនោះ ដើម្បីជាប្រយោជន៍បុក្គល ។
លោកស្រី ចៅ ស៊ុនកិរិយា អ្នកនាំពាក្យអាជ្ញាធរជាតិអប្សរា មានប្រសាសន៍ថាការប្តូរកន្លែង លក់ដូរអាជីវករនេះដើម្បីសម្រួល ដល់សណ្តាប់ធ្នាប់តំបន់ទេសចរ ណ៍ ។ លោកស្រីបន្ថែមថាអាជ្ញា ធរមិនមានទីតាំងធំសម្រាប់តាម សេចក្តីត្រូវការរបស់អាជីវករ ឡើយ ហើយទីតាំងលក់ដូរនៅ ខាងមុខប្រាសាទភ្នំបាខែងនិង ខ្លោងទ្វារទន្លេអុំជាកន្លែងលក់ដូរ អនាធិបតេយ្យ ។
បើតាមពលរដ្ឋឱ្យដឹងថា ការបង្ខំឱ្យពួកគេរុះរើតូបលក់ដូរ ទៅកន្លែងផ្សេងនោះអាជ្ញាធរ ជាតិអប្សរាមានគម្រោងបង្កើត ស្តង់លក់កាហ្វេ និងរោងដាក់ កាបូបភ្ញៀវទេសចរណ៍ទស្សនា ប្រាសាទភ្នំបាខែង ។ ចំណែក លោក ប៊ុន ណារិទ្ធិ អគ្គនាយក អាជ្ញាធរជាតិអប្សរាមានប្រសា សន៍បដិសេធថា មិនមានដូចការ លើកឡើងរបស់អាជីវករនោះ ទេគឺចង់ឱ្យពួកគាត់លក់ដូរមាន របៀប និងសណ្តាប់ធ្នាប់ល្អ ៕
ដោយ កុសល
