ខេត្តកំពង់ធំ ៖ គ្រោះថ្នាក់ចរាចរណ៍ ម៉ូតូបុកគោយន្ដកន្ត្រៃយ៍ ក្នុងទឹសដៅស្របគ្នា(ពីជើងទៅត្បង) បណ្តាលឲ្យស្លាប់០១នាក់(ប្រុស) ខូចខាតម៉ូតូមួយគ្រឿង ហេតុកាណ៍នេះបានកើតឡើងកាលពីវេលាម៉ោង១៩និង២៥នាទី ថ្ងៃទី២៨ ខែតុលា ឆ្នាំ២០១៩ លើកំណាត់ផ្លូវជាតិលេខ០៦ ចន្លោះគីឡូម៉ែត្រលេខ១៣៨-១៣៩ ភូមិស៊ីវត្ថា ឃុំប្រសាទ ស្រុកស្រុកសន្ទុក ខេត្តកំពង់ធំ ។
សមត្ថកិច្ចបានអោយដឹងថា ម៉ូតូម៉ាកយ៉ាម៉ាហា ពណ៌ក្រហម ផ្លាកលេខគ្មាន បើកបរដោយឈ្មោះ ហេង ធារិទ្ធ ភេទប្រុស អាយុ២៣ឆ្នាំ រស់នៅភូមិធម្មនាថ ឃុំតាំងក្រសាំង ស្រុកសន្ទុក ខេត្តកំពង់ធំ ស្លាប់នៅកន្លែងកើតហេតុ មិនពាក់មួកសុវត្ថិភាព មុខរបរកសិករ។
អ្នកបើកបរគោយន្ដកន្ត្រៃយ៍ ឈ្មោះ ជិន កុសល ភេទប្រុស អាយុ២៦ឆ្នាំ រស់នៅភូមិតាប្រុក ឃុំឈូកខ្សាច់ ស្រុកបារាយណ៍ ខេត្តកំពង់ធំ ត្រូវបាននាំខ្លួនទៅអធិការដ្ឋាននគរបាលស្រុកសន្ទុក មុខរបរកសិករ។
មូលហេតុបឋមបង្កឡើងដោយអ្នកបើកបរគោយន្ដកន្ត្រៃយ៍គ្មានភ្លើងបំភ្លឺខាងក្រោយ។
ក្រោយកើតហេតុសមត្ធកិច្ចចុះវាស់វែងធ្វើកំណត់ហេតុ និងសពប្រគល់ជូនក្រុមគ្រួសារចាត់ចែងធ្វើបុណ្យតាមប្រពៃណី ៕
