ខេត្តបន្ទាយមានជ័យ ៖ យោងតាមការដកស្រង់ពីកាសែតថៃឱ្យដឹងថា ឈើគ្រញូងប្រមាណ៣តោន ម៉ូតូ១២គ្រឿង និងត្រាក់ទ័រ១គ្រឿង របស់ឈ្មួញជនជាតិថៃ បម្រុងនាំឆ្លងដែនចូលមកទឹកដីកម្ពុជាខុសច្បាប់ តាមច្រករបៀង ត្រូវបានសមត្ថកិច្ចចំរុះថៃចុះប្រតិបត្តិការបង្ក្រាប កាលពីថ្ងៃចុងសប្តាហ៍កន្លងទៅថ្មីៗនេះ គ្រាដែលឈើគ្រញូង ម៉ូតូរួមនិងត្រាក់ទ័រទាំងនោះបានយកមកស្តុកទុកក្នុងឃ្លាំងមួយកន្លែងជាប់ព្រំដែនថៃ-កម្ពុជា ក្នុងភូមិណឺនសំបួរ ស្រុកតាប្រាយ៉ា ខេត្តស្រះកែវ ប្រទេសថៃ។
យោងតាមការដកស្រង់ពីកាសែតថៃបានឱ្យដឹងទៀតថា ៖ម្ចាស់ទីតាំងស្តុកឈើគ្រញូង ម៉ូតូ និងត្រាក់ទ័រខាងលើ ត្រូវបានគេស្គាល់ឈ្មោះ សង់ហាន ប៊ីយូឌី ដែលជាឈ្មួញថៃ មានទំនាក់ទំនងរកស៊ីអំពើល្មើសច្បាប់ឆ្លងដែនជាមួយឈ្មួញខ្មែរ ហើយក្នុងប្រតិបត្តិការនេះ សមត្ថកិច្ចថៃមិនបានឃាត់ខ្លួនឈ្មួញជនជាតិថៃឈ្មោះ សង់ហាន ប៊ីយូឌី នោះទេ ដោយរត់គេចខ្លួនបាត់ ។ សមត្ថកិច្ចថៃ ឃាត់ខ្លួនកម្មករជនជាតិថៃ២នាក់ និងរថយន្ត១គ្រឿង ឈើគ្រញូងប្រមាណ៣តោន ម៉ូតូ១២គ្រឿង ក្នុងនោះម៉ូតូម៉ាកហុដាPCX ៩គ្រឿង ម៉ូតូម៉ាកហុងដាCLICK ២គ្រឿង និងម៉ូតូម៉ាកហុងដាSCOOPY ១គ្រឿង។
ឈើគ្រញូង ម៉ូតូ និងត្រាក់ទ័រខាងលើ បម្រុងនាំឆ្លងដែនចូលកម្ពុជា តាមច្រករបៀង រវាងចន្លោះភូមិចំការគរនិងបឹងត្រកួន ក្នុងភូមិសាស្ត្រស្រុកស្វាយចេក និងស្រុកថ្មពួក ខេត្តបន្ទាយមានជ័យ៕
សមត្ថកិច្ចថៃ បង្ក្រាបបានឈើគ្រញូង ប្រមាណ៣តោន ខណៈបំរុងលោតឆត្រ័ ចូលមកកម្ពុជា
Filed in: សន្តិសុខ សង្គម